Francia
De Uiquipedia
|
|||||
| Lema nacional: Liberté, Égalité, Fraternité (francés: «Llibertá, Igualdá, Fraternidá») | |||||
| Himnu nacional: La Marseillaise | |||||
 |
|||||
| Capital • Población • Coordenaes |
París 11.174.743 48°49′ N 2°29′ E |
||||
| Principal ciudá | París | ||||
| Idiomes oficiales | Francés¹ | ||||
| Forma de gobiernu | República Nicolas Sarkozy François Fillon |
||||
| Independencia {{{fundación_hitos}}} |
|||||
| Superficie • Total • % agua Llendes Costes |
Puestu 40u 675.417² km² 0,26% 2.889 km 3.427 km |
||||
| Población • Total • Densidá |
Puestu 20u 63.213.894³ (2005) 93,59 hab./km² |
||||
| PIB • Total (2005) • PIB per cápita |
Puestu 7u US$ 1.811.561 millones US$ 29.203 |
||||
| Moneda | Euru4 (€, EUR) |
||||
| Xentiliciu | Francés, francesa | ||||
| Fusu horariu • en branu |
CET (UTC+1)5 CEST (UTC+2)5 |
||||
| Dominiu Internet | .fr | ||||
| Códigu telefónicu | +33 |
||||
| Prefixu radiofónicu | FAA-FZZ, HWA-HYZ, THA-THZ, TKA-TKZ, TMA-TMZ, TOA-TQZ, TVA-TXZ |
||||
| Códigu ISO | 250 / FRA / FR | ||||
| Miembru de: UE, OTAN, ONU, OSCE, OCDE, G-8, Francofonía | |||||
| ¹ Fálanse varios idiomes rexonales. ² De los cuales 551.695 km² correspuenden a la Francia metropolitana, ye dicir, europea (cifres del Institutu Xeográficu Nacional francés). |
|||||
Francia (en francés: France), ye un estáu soberanu miembru de la Xunión Europea, con capital en París, que s'esparde sobre una superficie total de 675 417 km² y cunta con una población de 65,1 millones d'habitantes.
Costituyíu n'Estáu social y democráticu de Drecho, la so forma de gobiernu ta organizada como república semipresidencialista col nome oficial de República Francesa (République française) y la divisa Liberté, Égalité, Fraternité (Llibertá, Igualdá y Fraternidá).
El territoriu de Francia, y la so parte metropolitana, tamién llamada Francia continental, allúgase n'Europa Occidental, onde allinda, al sur, col Mar Mediterráneu, l'enclave de Mónaco (4,4 km) y Italia (488 km); al suroeste, con España (623 km) , Andorra (56,6 km) y el Mar Cantábricu ; al oeste, col Océanu Atlánticu; al norte, cola Canal de la Mancha, el Mar del Norte y Bélxica (620 km), y al este, con Luxemburgu (73 km), Alemaña (451 km) y Suiza (573 km). El so territoriu insular européu comprende la islla de Córcega, nel Mediterráneu occidental, y estremaos archipiélagos costeros nel Atlánticu. N'América, ye territoriu de Francia la Guayana francesa, qu´allinda con Brasil (673 km) y Surinam (510 km), y les islles y archipiélagos de Martinica, Guadalupe, San Bartolomé, San Martín, qu´allinda coles Antilles Holandeses, y de San Pedru y Miguelón. Nel Océanu Índicu, son franceses les islles de Mayotte y de Reunión, asina como los archipiélagos de Polinesia Francesa y de Nueva Caledonia, nel Océano Pacífico. Son territorios de Francia deshabitaos l'atolón d'Islla Clipperton, nel Pacíficu Oriental, y les nomaes Tierres Australes y Antártiques Franceses.
Francia ye un país altamente desenrolláu económica y socialmente, con una elevada difusión internacional de la so cultura y influyente nel planu xeopolíticu. Ye la sesta economía mundial en términu de PIB, miembru del G8, de la Zona Euro y del Espaciu Schengen, y atecha a munches de les más importantes multinacionales, llíderes n'estremaes estayes de la industria y del sector primariu, además de que ye'l primer destí turísticu mundial, con más 75 millones de visitantes estranxeros al añu. Francia, fogar de la primer Declaración de los Drechos del Home y del Ciudadanu, ye miembru fundador de les Naciones Xuníes y ún de los cinco miembros permanentes del so Conseyu de Seguridá. Francia atecha les sedes del Conseyu d´Europa y del Parlamentu Européu, entrambes n´Estrasburgu, y les de la Organización pa l´Andecha y el Desendolcu Económicu y de la Unesco, en París. Ye tamién una de les ocho potencies nucleares reconocíes y miembru de la OTAN.
Antigua potencia colonial, la so cultura y civilización alcuéntrase espardida por países de tol mundu axuntaos na organización de la Francofonía. L'idioma francés ye una de les llingües con mayor espardimientu, tradicionalmete emplegada como llingua de la diplomacia, que xunto con otres 77 llingües rexonales, conforma'l paddremoñu llingüísticu de Francia, miembru de la Xunión Llatina.
Tabla de conteníos |
[editar] Hestoria
[editar] Prehestoria
Esisten importantes restos del paleolíticu inferior nel ríu Somme y los Pirineos tradicionales (Home de Neandertal), asina como en La Chapelle-aux-Saints, Le Moustier y La Ferrasie. Del paleolíticu superior hai abondantes vestixos de los homes de Cro-Magnon, Grimaldi y Chancelade, dataos nunos 25.000 años d'antigüedá, los cuales tán allugaos nel valle de Dordoña. Ente les más afamaes pintures rupestres del mundu tán les de Lascaux y de Font de Gaume, nos Pirineos franceses.
Nel mesolíticu dalgunes actividaes agropecuaries foron reemplazando n'importancia a les cueves, y nel neolíticu (dende'l III mileniu a. C.) xurdió la cultura megalítica (qu'emplegó menhires, dólmenes y enterramientos). Dende alreor de 1500 a. C. anicia la edá del bronce, desenrollándose rutes comerciales. Atopose utillaxe de la industria achelense del homo erectus de fai 900 ó 1000 años na cavierna Le Vallonnet, nel sur de Francia. La edá del fierru y les cultures celtes asítiense dientro del I milenio a. C.
[editar] Galia prerromana y Imperiu
Les llendes de la Francia moderna (1810) son aprosimadamente iguales que les de l'Antigua Galia, que foi habitada polos celtes (galos). Galia foi conquistada por Roma y el so llíder Julio César (que venció al xefe galu Vercingétorix) nel sieglu I a. C., y los galos adoptaron l'idioma romanu (el llatín, del qu'evolucionó'l francés) y la so cultura. El cristianismu enraigonó nos sieglos II y III, y afitóse firmemente durante los sieglos V y VI, n'aquella época Xerónimu d'Estridón (San Xerónimu) escribió que Galia yera la única rexón “llibre d´herexía”.
[editar] Los francos
Nel añu 451, Atila, el llíder de los hunos invadió la Galia col gabitu de los pueblos francos y visigodos y llogroron aniar na parte principal de la Galia. Nel sieglu IV, la llende del este de Galia a lo llargu del Rin foi cruzada por Pueblos xermánicos, cimeramente los francos, de la que deriva l´antiguu nome de “Francie”. La “Francia moderna” debe'l so nome al domiñu de los reis capetos de Francia, alreor de París. Los francos foron la primer tribu ente los conquistadores xermánicos d'Europa, dempués de la cayida del imperiu romanu, en convertise al Cristianismu, o más bien Arrianismu (el rei Clodoveu fexo lo mesmu en 498); asina, Francia obtuvo'l títulu de "Fía mayor de la ilesia", y el país adoptaría esto como xustificación pa nomase "el reinu más cristianu de Francia”.
Sobre los territorios que componíen la Francia de la Edá Media reinaron les siguientes dinastíes:
-
- Los merovinxos, descendientes de Meroveu y Clodoveu.
- Los carolinxos, descendientes de Carlos Martel.
- Los Capetos, llueu los Valois, descendientes d'Hugu Capeto.
La Dinastía Merovinxa gobernó la Francia d'anguaño y parte d'Alemaña ente los sieglos V y VIII. El primer rei foiClodoveu I quien conquistó gran parte del territoriu Galu ente 486 y 507 y se convirtió al cristianismu ortodoxu (por oposición a la herexía arriana, siendo bautizao en Reims hacia'l 496.
La esistencia como entidá desapartada entamó col Tratáu de Verdún (843), cola axebra del Imperiu Carolinxu de Carlomagnu en Francia Oriental, Francia Central y Francia Occidental. Francia Occidental comprendía aprosimadamente l'área ocupada pola Francia moderna, de la que foi precursora.
Los Carolinxos gobernaron Francia hasta 987, cuando Hugu Capeto foi coronao rei de Francia. Los sos descendientes, la Dinastía de los Capetos, la Casa de Valois, y la Casa de Borbón, amestaron progresivamente'l país con una serie de griesques y herencies dinástiques. La monarquía algamó'l so apoxéu durante'l sieglu XVII y el reináu de Lluis XIV. Nesti tiempu Francia poseía la población más grande d'Europa y la so política, la so economía y la so cultura influyíen en tol continente. Francia tamién obtuvo munches posesiones d'ultramar n'América, África y Asia.
[editar] Antiguu Réxime, Revolución y Primer Imperiu
La Toma de la Bastilla marca l'entamu de la Revolución francesa, un procesu social y políticu que se desenrolló ente 1879 y 1799, cuyes cimeres consecuencies foron l'abolición de la monarquía absoluta y la proclamación de la República, eliminando les bases económiques y sociales del Antiguu Réxime en Francia.
Dempués d'una serie d'esquemes gubernamentales de breve duración, Napoleón Bonaparte tomó'l control de la república en 1799, faéndose primer cónsul y emperador del qu'agora se conoz como'l Primer Imperiu Francés (1804-1814). Aparte de les sos proeces militares, a Napoleón tamién se-y conoz pol afitamientu del Códigu Napoleónicu, un códigu civil que permanecería vixente hasta la seguna metada del sieglu XX y serviría de modelu a otros países, como España. Conózse-y tamién pol so talentu pa tenese arodiao de brillantes espertos con un eleváu sentíu del Estáu, que supieron creyar el marcu xurídicu y alministrativu de la Francia contemporánea. Otros, sicasí, considéranlu un dictador tiránicu cuyes griesques causaron la muerte de millones de persones, y ún de los personaxes más megalómanos y nefastos de tolos tiempos.
Dempués de llevar a la victoria los exércitos de la Revolución nuna griesca de defensa del territoriu nacional acenáu polos exércitos de les monarquíes europées, el so exércitu, la "Grande Armée", conquistó la mayor parte d'Europa continental. Nos territorios invadíos , Napoleón nomó a los miembro s de la familia Bonaparte ya a dalgunos de los sos xenerales más cercanos como monarques de los territorios. Anguaño, la familia real sueca desciende del xeneral bonapartista Bernadotte.
[editar] Sieglu XIX
Tres la derrota final de Napoleón en 1815 na batalla de Waterloo y por aciu del Congresu de Viena, la monarquía francesa foi reinstaurada, pero con nueves llimitaciones constitucionales. Magar la organización poítica de Francia osciló ente ente república, imperiu y monarquía durante 75 años dempués de que la Primer República cayera tres el güelpe d'Estáu de Napoleón Bonaparte, lo ciertu ye que la revolución´marcó la fin definitiva del absolutismu y dio a lluz a un nuevu réxime onde la burguesía, y en dalgunes ocasiones les mases populares, se convirtieron na fuerca política dominante nel país. En 1830, una soblevación civil afitó la monarquía constitucional de xunetu, qu´avagó hasta 1848. La Segunda República Francesa de breve duración finó en 1852 en que Napoleón III proclamó'l Segundu Imperiu francés.
Durante esti nuevu imperiu prodúzse un bultable desendolcu de los medios de tresportes, asina como una bonanza económica. Enanta la red bancaria y róblase un trátu llibrecambista con Inglaterra en 1860 qu'afala'l comerciu internacional. Sicasí la política esterior tuvo una serie de fracasos importantes como la Segunda Intervención Francesa en Méxicu y sobre too la estrepitosa derrota na Griesca Francu-Prusiana de 1870 na cual Napoleón III foi vencío dafechu y el so réxime foi sostituyío pola tercer república francesa.eral bonapartista Bernadotte.
[editar] Sieglu XX
Francia tuvo posesiones coloniales en delles partes del mundu, dende l'entamu del sieglu XVII hasta los años 1960. Nos sieglos XIX y XX, el so imperiu colonial yera'l segundu más grandel del mundu dempués del Imperiu británicu. Nel so picu, ente 1919 y 1939, el segundu Imperiu colonial francés espardió sobre 12.347.000 kilómetros cuadraos (4.767.000 milles cuadraes) de tierra. Incluyendo la Francia metropolitana, l'área total de la tierra baxo soberanía francesa algamó 12.898.000 kilómetros cuadraos (4.980.000 milles cuadraes) nos años 20 y 30, que ye'l 8,6% del área de la tierra del mundu.
Anque en cabera instancia acabó como vencedor na Primer Griesca Mundial, Francia sofrió unes pérdides humanes y materiales enormes que la debilitaron nes décades por vinir. Los años 30 foron marcaos por una variedá de reformes sociales inxeríes pol gobiernu del Frente Popular. Francia y Reinu Xuníu declararon la griesca a l'Alemaña nazi el 3 de setiembre de 1939 en virtú d'un tratáu soscritu con Polonia, cuyo territoriu fora invadío pola Whermacht, exércitu alemán. Al entamu de la Segunda Griesca Mundial, Francia llevó a cabo una serie de campañes fracasaes de rescate en Noruega, Bélxica y los Países Baxos ente 1939 y 1940. Dempués del ataque relámpagu de l'Alemania Nazi ente mayu y xunu de 19400 y el so aliau, la Italia fascista, la direición política de Francia robló l'Armisticiu del 22 de xunu de 1940. Los alemanes afitaron un réxime autoritariu baxo la tutela del mariscal Philippe Pétain conocíu como Francia de Vichy, qu'escorrexó una política de collaboración cola Alemaña Nazi. Los opositores del réxime formaron l'estáu de Francia Llibre fuera de Francia, sostentaron la resistencia francesa y fueron sumando cada vegada más territorios coloniales a la so causa. La Francia continental foi lliberada col esfuerzu común de los aliaos, Francia Llibre y de la resistencia francesa en 1944.
La Cuarta República Francesa afitada dempués de la Segunda Griesca Mundial lluchó pa caltener el so estatus económicu y políticu como potencia mundial. Intentó recuperar el control sobre'l so imperiu colonial, afectáu pola griesca. La tentativa poco entusiasta en 1946 de recuperar el control na Indochina Francesa dio llugar a la Primer Griesca d'Indochina, que terminó en derrota francesa na Batalla de Dien Bien Phu en 1954. Solo unos meses más sero, Francia fexo frente a un nuevu, inclusive más ásperu conflictu na so más vieya colonia importante, Arxelia.
L'alderique por caltener el control d'Arxelia, entós fogar d'un millón de colonos europeos, debilitó'l país y afaló cuasu a la griesca civil. En 1958, la cuarta república débil y inestable llevó a la Quinta República Francesa, que s'enconta nun fuerte poder executivu. Charles de Gaulle caltuvo'l país amecío mientres toma'l camín al extremu de la griesca. La Griesca d'Arxelia y la griesca civil qu'españó n'Arxelia ente los favoratibles d'abandonar la colonia y los colonos que s'arreyaben a caltener la presencia francesa, acabó en 1962, cola declaración d'Evian qu'incluyíen la cellebración d'un referéndum d'autodetermín. El xeneral De Gaulle tamién tuvo qu´afrontar otra dura preba en mayu de 1968, de la que salió trunfante nes elecciones anticipaes convocaes en xunu del mesmu añu.
En 1981, François Miterrand ye escoyío presidente de Francia, y gobernó dende 1981 hasta 1995. Llueu, Jacques Chirac sería escoyío presidente de Francia, gobernando ente 1995 y 2007. Francia sofitó a Estaos Xuníos na primer Griesca del Golfu (1990), asina como nel baltu del réxime talibán. Nes caberes décades del sieglu, la reconciliación y l'andecha de Francia con Alemaña foron el pegoyu de la Xunión Europea. Francia tien tao na vanguardia de los Estaos miembros europeos de la xunión qu´intentaben esplotar l´enfotu de la xunión monetaria pa creyar una xunión europea política, una defensa y un aparatu amecíos y más capaces de la seguridá.
[editar] Sieglu XXI
Dominique de Villepin, a la tiesta de la diplomacia francesa, llideró'l bloque de países que s´opuso a la invasión d'Irak de 2003, acenando con utilizar el so drechu a vetu nel Conseyu de Seguridá, llevando de pasu a un enfriamientu de les rellaciones cola alministración de George W. Bush. El candidatu de los conservadores, Nicolas Sarkozy, ganó los comicios electorales del 6 de mayu de 2007 pa ocupar la Presidencia de la República Francesa, socediendo a Jacques Chirac.
[editar] Xeografía
[editar] Xeografía física
El territoriu francés tien una estensión de 675.417 km², lo que representa'l 0,5% de les tierres remanecíes del planeta (Puestu 40º nel mundu). La Francia metropolitana, ye dicir, europea, cunta con 551.695 km² (datu del Institutu Xeográficu Nacional francés), mientres que la Francia d'ultramar tien otros 123.722 km² (ensin considerar la Tierra Adelia pol Tratáu Antárticu en 1959 que suspendió la reconocencia de toles soberaníes nesta rexón). Les sos islles de mayor tamañu son Nueva Caledonia, Córcega, Guadalupe y Martinica.
La demarcación política de la Francia continental europea sofítase nes sos «llendes naturales», siendo estes (en sentíu antihorariu): el Mar del Norte, la Canal de la Mancha, l'Océanu Atlánticu (Golfu de Vizcaya); los Pirineos (llende con España); el Mar Mediterráneu (Golfu de Llión, Costa Azul); los Alpes; los montes Jura; el ríu Rin. El Rin ye llende solo nuna parte del so cursu, puntu dende'l cual y hasta'l Mar del Norte, nun esisten accidentes xeográficos qu'allinden de miente natural la llende con Bélxica, Luxemburgu y Alemaña. La islla francesa más importante n'Europa ye Córcega, allugada nel mar Mediterráneu. Na Francia metropolitana les llendes espárdense a lo llargu de 2.889 km y la llinia costera por otros 3.427 km. N'África, Asia, Oceanía, América del Norte y el Caribe, el territoriu francés ye insular. La Guayana Francesa ye l'únicu territoriu continental fuera d' Europa, allinda al norte col Océanu Atlánticu (378 km); al oeste con Surinam (510 km), al este con Brasil (673 km). La Islla de Samartín tien una llende meridional coles Antilles Holandeses (10,2 km).
Francia tien parte de los Pirineos y los Alpes, entrambos al sur. Otros macizos montañosos son el Jura (na llende con Suiza), les Ardenes, el Macizu Central y la Cordal de los Vosgos. El Mont Blanc nos Alpes con 4.808 metros d'altura ye'´l cume más altu d'Europa occidental. El puntu más baxo del país ta nel delta del ríu Ródanu: -2 m. El territoriu cunta tamién con llanuras costeras hacia'l norte y oeste del país.
[editar] División alministrativa
La Francia metropolitana ta dividía en 96 departamentos (en francés départements), agrupaos en 22 rexones (en francés régions). El nome de los departamentos correspuende na mayoría de los casos a un ríu o un monte del so territoriu. Cada departamentu tien asignáu un númberu, n'orde alfabéticu, qu'apaez por exemplu nes matrícules de los coches o nos códigos postales.
[editar] Rexones y departamentos de Francia metropolitana
Alsacia (Alsace)
Aquitania (Aquitaine)
- 24 Dordogne
- 33 Gironde
- 40 Landes
- 47 Lot-et-Garonne
- 64 Pyrénées Atlantiques
Auvernia (Auvergne)
- 03 Allier
- 15 Cantal
- 43 Haute-Loire
- 63 Puy-de-Dôme
Normandía Baxa(Basse Normandie)
- 14 Calvados
- 50 Manche
- 61 Orne
Borgoña (Bourgogne)
- 21 Côte-d’Or
- 58 Nièvre
- 71 Saône-et-Loire
- 89 Yonne
Bretaña (Bretagne)
- 22 Côtes-d’Armor
- 29 Finistère
- 35 Ille-et-Vilaine
- 56 Morbihan
Centru (Centre)
- 18 Cher
- 28 Eure-et-Loir
- 36 Indre
- 37 Indre-et-Loire
- 41 Loire-et-Cher
- 45 Loiret
Champaña-Ardenes (Champagne-Ardennes)
- 08 Ardennes
- 10 Aube
- 51 Marne
- 52 Haute-Marne
Córcega (Corse)
- 2 A Corse-du-Sud
- 2 B Haute-Corse
- 25 Doubs
- 39 Jura
- 70 Haute Saône
- 90 Territoire-de-Belfort
Normandía Alta (Haute-Normandie)
- 27 Eure
- 76 Seine Maritime
- 75 París
- 77 Seine-et-Marne
- 78 Yvelines
- 91 Essonne
- 92 Hauts-de Seine
- 93 Seine-Saint-Denis
- 94 Val-de-Marne
- 95 Val-d’Oise
Languedoc-Rosellón (Languedoc-Roussillon)
- 11 Aude
- 30 Gard
- 34 Hérault
- 48 Lozère
- 66 Pyrénées-Orientales
(Limousin)
- 19 Corrèze
- 23 Creuse
- 87 Haute-Vienne
Lorena (Lorraine)
- 54 Meurthe-et-Moselle
- 55 Meuse
- 57 Moselle
- 88 Vosges
- 09 Ariège
- 12 Aveyron
- 31 Haute Garonne
- 32 Gers
- 46 Lot
- 65 Hautes-Pyrénées
- 81 Tarn
- 82 Tarn-et-Garonne
- 59 Nord
- 62 Pas-de-Calais
- 44 Loire Atlantique
- 49 Maine-et-Loire
- 53 Mayenne
- 72 Sarthe
- 85 Vendée
Picardía (Picardie)
- 02 Aisne
- 60 Oise
- 80 Somme
- 16 Charente
- 17 Charente-Maritime
- 79 Deux-Sèvres
- 86 Vienne
Provenza-Alpes-Costa Azul (Provence-Alpes-Côte d’Azur)
- 04 Alpes-de-Haute-Provence
- 05 Hautes-Alpes
- 06 Alpes-Maritimes
- 13 Bouches-du-Rhône
- 83 Var
- 84 Vaucluse
- 01 Ain
- 07 Ardèche
- 26 Drôme
- 38 Isère
- 42 Loire
- 69 Rhône
- 73 Savoie
- 74 Haute-Savoie
A los departamentos de la Francia metropolitana hai qu'amestar los cuatro departamentos d'Ultramar (que tienen tamién l'estatutu de rexones), les colectividaes d'Ultramar y los Países y territorios d'Ultramar.
Departamentos d’Ultramar (Départements d’Outre-mer, DOM)
- 971 Guadalupe (Guadeloupe)
- 972 Martinica (Martinique)
- 973 Guayana (Guyane)
- 974 Reunión (Réunion)
Colectividaes d’Ultramar (Collectivités d’Outre-mer).
- 975 Saint-Pierre-et-Miquelon
- 976 Mayotte
Países y territorios d’Ultramar (Pays et territoires d’Outre-mer PTOM)
- 986 Wallis et Futuna
- 987 Polinesia Francesa (Polynésie Française)
- 988 Nueva Caledonia (Nouvelle Calédonie)
[editar] Historia
- La Galia romana
- La Edá Media; del reinu de los Francos al Imperiu Carolinxiu
- La Edá Moderna; el reinu de Francia
- La Eda Contemporanea
- La Revolución Francesa y el Imperiu Napoleonicu
- De la Restauración al Segundu Imperiu
- De la Tercera República hasta la Segunda Guerra Mundial
- Francia nel Mundu d'Anguañu; Cuarta y Quinta República
 |
Países de la Xunión Europea | |
| Alemaña | Austria | Bélxica | Bulgaria | Chequia | Chipre | Dinamarca | Eslovaquia | Eslovenia | España | Estonia | Finlandia | Francia | Grecia | Hungría | Irlanda | Italia | Letonia | Lituania | Luxemburgu | Malta | Países Baxos | Polonia | Portugal | Reinu Xuníu | Rumanía | Suecia | ||
| Rexón ultraperiférica de la Xunión Europea: Azores | Canaries | Guadalupe | Guayana Francesa | Madeira | Martinica | La Reunión | ||
| Países d'Europa | ||
| Albania | Alemaña | Andorra | Austria | Bielorrusia | Bélxica | Bosnia-Herzegovina | Bulgaria | República Checa | Chipre | Croacia | Dinamarca | Eslovaquia | Eslovenia | España | Estonia | Finlandia | Francia | Grecia | Hungría | Irlanda | Islandia | Italia | Kosovo | Letonia | Liechtenstein | Lituania | Luxemburgu | República de Macedonia | Malta | Moldavia | Mónaco | Montenegru | Noruega | Países Baxos | Polonia | Portugal | Reinu Uníu | Rumanía | Rusia | San Marino | Serbia | Suecia | Suiza | Turquía | Ucrania | Vaticano | Xorxa | ||
| Posesiones: Islles Feroe | Xibraltar | Guernsey | Jan Mayen | Jersey | Irlanda del Norte | Islla de Man | Svalbard | ||
