Mayotte

De Uiquipedia
Saltar a: navegación, buscar
12° 49' 39" S, 45° 09' 40" E


Mapa de Mayotte

Mayotte ye una islla de les posesiones d'ultramar de Francia allugada nel estremu norte del Canal de Mozambique, nel archipiélagu de les Comores. Conozse tamién como Mahoré, especialmente cuando se fai referencia al so amiestu por parte de la Xunión de les Comores. Como'l restu de los países y territorios d'ultramar (PTU) esta islla forma farte del territoriu comunitariu de la Xunión Europea (XE).

Cunta con 193.633 habitantes pa Xunetu de 2005 y una superficie de 374 km².

Hestoria[editar | editar la fonte]

Mayotte cediose a Francia xunto col restu de les Comores en 1843. Foi la única islla del archipiélagu que votó en referéndum por caltener los sos vínculos con Francia en 1974 y otra vegada en 1976, col 63,8% y 99,4% respeutivamente). Les Comores continúen reclamando la islla y una resolución del Conseyu de Seguridá de la ONU de 1976, respaldáu por 11 de los 15 miembros, hubiere reconocío la soberanía de Comores sobro Mayotte de nun ser pol vetu francés (tornando a presentase el mesmu casu en 2004).

L'estáu social de Mayotte ye enforma abegosu pa Francia: metantu la mayoría de la población llocal nun deseya dixebrase de Francia ya xuntase col restu de les Comores, la crítica internacional ye duro respeutu a los llazos esistentes ente Mayotte y Francia. Entá más, la mena peculiar d'alministración llocal de Mayotte, sofitada na Llei Islámica, sedría mui difícil d'integrar nes cadarmes llegales de Francia, ensin mentar los costos d'acercar los niveles de vida de la islla a los de la Francia continental.

Xeografía[editar | editar la fonte]

Mamoudzou.

La islla principal, Mayotte (o Grande Terre), ye la más antigua en términos xeolóxicos nel archipiélagu de les Comores. Tién 39 km de llargo por 22 km d'anchor y los sos puntos más altos tán ente los 500 y 600 m sobro'l nivel del mar. Dao la so ñaturaleza volcánica, el tarrén ye mui ricu en dalgunes estayes de la islla. L'arrecife de coral qu'arrodia gran parte de la islla, afita la proteición de los barcos y ye un bon hábitat pa les diverses tribes de pexes.

Mamoudzou foi la capital de les Comores hasta 1962, y agora ye'l centru alministrativu de Mayotte. Dzaoudzi ye la segunda ciudá de Mayotte, alcuéntrase allugada na Islla Pamanzi (o Petite Terre), que cunta con 10 km², siendo la más grande de varies isllines qu'arrodien a Grande Terre. Una ponte comunica a Pamanzi con Mayotte.

Sanidá[editar | editar la fonte]

Mamoudzou ye la única población que cunta con un hospital, les melecines distribúinse de baldre ente toles poblaciones.

Ver tamién[editar | editar la fonte]

Mayotte
Wikimedia Commons tien archivos rellacionaos con:



África
Angola | Arxelia | Benín | Botswana | Burkina Faso | Burundi | Cabu Verde | Camerún | República Centroafricana | Chad | Islles Comores | El Congo | República Democrática d'El Congo | Costa de Marfil | Djibouti | Eritrea | Etiopía | Exiptu | Gabón | Gambia | Ghana | Guinea | Guinea-Bissau | Guinea Ecuatorial | Kenya | Lesotho | Liberia | Libia | Madagascar | Malawi | Mali | Marruecos | Mauriciu | Mauritania | Mozambique | Namibia | Níxer | Nixeria | Islles Seychelles | Sudáfrica | Tanzania | Rwanda | São Tomé y Príncipe | Senegal | Sierra Leone | Somalia | Sudán | Sudán del Sur | Swazilandia | Togo | Túnez | Uganda | Zambia | Zimbabwe

Dependencies: Islles Kerguelen | Mayotte | Reunión | Sáhara Occidental | Socotra | Tromelin