Xibuti

جمهورية جيبوتي (Yumhūriyyat Yībūtī) République de Djibouti
(En detalle) (En detalle)
Lema nacional: Unité, Egalité, Paix (Francés: «Xunidá, Igualdá y Paz»)
Himnu nacional: Djibouti
Capital  • Población  • Coordenaes	Xibuti 567.000 (2009) 11°36′ N 43°10′ O
Mayor ciudá	Xibuti
Idiomes oficiales	árabe y francés
Forma de gobiernu Presidente Primer Ministru	República semipresidencialista Ismail Omar Guelleh Dileita Mohamed Dileita
Independencia  • Fecha	De Francia 27 de xunu de 1977
Superficie  • Total  • % agua Llendes Costes	Puestu 151º 23.200 km² 20 516 km 314 km
Población  • Total  • Densidá  • Densidá	Puestu 162º 792.198 (2013 est.) 34,14 ab./km² 34,14 hab/km²
PIB (PPA)  • Total ([[2012 (est.)]])  • PIB per capita	Puestu 187º US$ 2.377 millones US$ 2.700
Moneda	Francu xibutianu (DJF)
Xentiliciu	xibutianu, -a, -o
Zona horaria  • en Branu	UTC+3 UTC+3
Dominiu d'Internet	.dj
Códigu telefónicu	+253
Prefixu radiófonicu	J2A-J2Z
Códigu ISO	262 / DJI / DJ
Miembru de: ONX, XA, Lliga d'Estaos Árabes

La República de Xibuti o Ŷībūtī (en francés: Djibouti, n'árabe: جيبوتي) ye un país al este d'África asitiáu nel nomáu Cuernu d'África. Llenda con Eritrea al norte, con Etiopía al oeste y al sur, y con Somalia al sudeste. Al este llenda col Mar Bermeyu y el Golfu d'Adén. El país, ún de los más pequeños d'África, tien una estensión de namái 23.200 km².

Na Antigüedá el territoriu xibutianu yera parte de la tierra de Punt. Dempués, xunta con otres zones del Cuernu d'África, formó parte de los territorios de los sultanatos medievales d'Adal y Ifat. A finales del sieglu XIX, tres un tratáu firmáu por Francia y los sultanes somalíes y Afarenses, estableciose equí una colonia, nomada Somalia francesa, que camudó'l so nome pol de Territoriu Francés de los Afars y los Issas en 1967. Una década dempués el país votó pola independencia, qu'algamó'l 27 de xunu de 1977; tomó'l so nome actual, que yera'l de la so ciudá capital. Esi mesmu añu, el 20 de setiembre, Xibuti xuniose a les Naciones Xuníes. A primeros de la década de los 90 del sieglu XX españó una guerra pol control del gobiernu ente'l partíu nel poder, el RPP (Concentración Popular pol Progresu) y l'opositor FRUD (Frente pola Restauración de la Xunidá y la Democracia), que nun finó hasta que los dos grupos firmaron un alcuerdu pa repartise'l poder nel añu 2000.

Mapa de Xibuti

Xibuti ye una nación multiétnica, con una población de poco más de 790.000 habitantes. Los dos mayores grupos étnicos son los somalíes y los afars; les llingues de so, del grupu afroasiáticu, son les dos llingües nacionales, magar que les llingües oficiales del país son l'árabe y el francés. el 94% de los sos habitantes son de relixón islámica.

El país asítiase estratéxicamente a la vera del golfu d'Adén, una de les llínies marítimes más transitaes del mundu, y controla l'accesu al Mar Bermeyu y l'océanu Índicu. A resultes de la so situación ye un puntu d'aprovisionamientu pa los barcos de carga, y tamién el principal puertu marítimu d'entrada y salida de productos pal so vecín Etiopía. Pol so calter de puntu estratéxicu hai en Xibuti delles bases militares foriates, ente les que destaca Camp Lemonnier, sé del U.S. Africa Command (USAFRICOM) de la Marina de los Estaox Xuníos. La capital del país ye tamién la sé de l'Autoridá Intergubernamental pal Desarrollu (IGAD), una organización de desarrollu rexonal qu'axunta a los países del este d'África.

Enllaces esternos

• Páxina web de la República de Xibuti