Ruanda

Repubulika y'u Rwanda République Rwandaise Republic of Rwanda
(En detalle) (En detalle)
Lema nacional: Ubumwe, Umurimo, Gukunda Igihugu (Kinyarwanda: Xunidá, Trabayu, Patriotismu)
Himnu nacional: Rwanda Nziza
Capital  • Población  • Coordenaes	Kigali 237.782 (2006) 1° 57′ S 30° 4′ E
Mayor ciudá	Kigali
Idiomes oficiales	Francés, Kinyarwanda, Inglés
Forma de gobiernu Presidente Primer ministru	República presidencialista Paul Kagame Bernard Makuza
Independencia  • Fecha	De Bélxica 1 de xunetu de 1962
Superficie  • Total  • % agua Llendes Costes	Puestu 144º 26.338 km² 5,3% 893 km nun tien
Población  • Total  • Densidá  • Densidá	Puestu 91º 8.648.248 (nel añu 2006) 281 ab./km² 281 hab/km²
PIB (PPA)  • Total (2003)  • PIB per capita	Puestu 123º USD 10.462 millones USD 1.268
Moneda	Francu ruandés ($, RWF)
Xentiliciu	Ruandés, -esa, (-eso)
Zona horaria  • en Branu	UTC+2 UTC+2
Dominiu d'Internet	.rw
Códigu telefónicu	+250
Prefixu radiófonicu	9XA-9XZ
Códigu ISO	646 / RWA / RW
Miembru de: ONX, XA

La República de Ruanda, o simplemente Ruanda, ye un país del África Central. Llenda con Uganda, Burundi, la República Democrática d'El Congu y Tanzania. Ye un pequeñu país asitiáu na rexón de los Grandes Llagos d'África; conocíu como los "borrinos d'África", tamién pola so fauna xabaz, principalmente polos sos goriles de monte, poles sos ciudaes típiques y polos parques nacionales y paraxes naturales qu'ufre'l so paisax montesín. El so terrén fértil y montesín que-y da'l títulu de "Tierra de mil colines" (en francés: Pays des Mille Collines /pei de mil kɔ.lin/) ha soportar les poblaciones más denses del continente africanu.

La dependencia na agricultura de subsistencia, la densidá demográfica alta y n'aumentu, amenorga la fertilidá'l suelu y el clima inciertu fai de Ruanda un país u la desnutrición crónica ye estendida y la probitú endémica. Ye remembráu anguaño poles sangrines guerres que lu azotaron recientemente y particularmente pol xenocidiu ocurríu en 1994 data na que les muertes superaren el millón de persones. Los camudamientos qu'esti país tien parecío son traumáticos pal so pueblu.