Angola

Coordenaes: 12°21′S 17°21′E / 12.35°S 17.35°E / -12.35; 17.35
De Wikipedia
Angola
República de Angola (portugués)
estáu soberanu
bandera d'Angola escudu d'Angola
Lema nacional Virtus Unita Fortior (Llatín)
La xunión fai la fuercia
Himnu nacional Angola avante
Alministración
Nome oficial República de Angola (pt)
République d’Angola (fr)
Republic of Angola (en)
People's Republic of Angola (en)
República Popular de Angola (pt)
République populaire d'Angola (fr)
Angolská republika (sk)
Capital Luanda
Forma de gobiernu República
presidencialismu
Presidente d'Angola João Manuel Gonçalves Lourenço (dende 23 agostu 2017)
Presidente d'Angola João Manuel Gonçalves Lourenço (dende 26 setiembre 2017)
Llingües oficiales portugués
División
Rellaciones diplomátiques
Miembru de
Xeografía
Coordenaes 12°21′S 17°21′E / 12.35°S 17.35°E / -12.35; 17.35
Superficie 1246700 km²
% agua irrelevante
Costes 1.600 km
Llenda con 5.918 km
Puntu más altu Morro do Moco
Puntu más baxu Océanu Atlánticu
Demografía
Población 32 866 270 hab. (2020)
Densidá 26,36 hab/km²
Xentiliciu angolanu (masculín singular)
angolana (femenín singular)
Esperanza de vida 61,547 años
IDH 0,586 (2021)
Tasa de fertilidá 6,08 (2014)
Economía
Moneda Kwanza
PIB nominal 65 685 435 100 $ (2021)
Bancu central Bancu Nacional d'Angola
Más información
Dominiu d'Internet .ao
Códigu telefónicu +244
Códigu ISO 024 / AGO / AO
Estaya horaria UTC+01:00 y Africa/Luanda (en) Traducir
governo.gov.ao
Cambiar los datos en Wikidata

Angola[10] ye un país de la costa occidental d'África que llenda al norte y al oeste cola República Democrática d'El Congu, al este con Zambia, al sur con Namibia y al oeste col Océanu Atlánticu. L'enclave de Cabinda ta estremáu del restu del territoriu pola salida a la mar de la República Democrática d'El Congu.

El nome del país vien de la pallabra bantú n'gola, que yera'l títulu que recibíen los xefes nativos nel sieglu XVI, cuando entamó la colonización portuguesa.

Xeografía[editar | editar la fonte]

El país ta dividíu en varies fasteres con carauterístiques bien estremaes:

  • Una marina árida, que s'estiende dende Namibia hasta Luanda.
  • Una llanada húmeda nel interior del país.
  • Una sabana seca nel sur y sureste.
  • Una viesca tropical nel norte del país y en Cabinda.

El ríu Zambeze y varios afluentes del Congo tienen les fontes nel territoriu d'Angola.

El puntu cimeru del país ye'l Morro do Moco (2620 msnm)

Demografía[editar | editar la fonte]

Los últimos datos de población indiquen que'l país tien 32 866 270 hab. (2020)[11].

Población en 2004:

  • 0-14 años: 43.31 %
  • 15-64 años: 53.98 %
  • + de 65 años: 2.71 %

Esperanza de vida (2001)

  • homes: 37 años
  • muyeres: 40 años

Tasa bruta de natalidá : 52 ‰ (2003)

Tasa bruta de mortalidá: 24 ‰ (2003).

Tasa de mortalidá infantil: 193,72 ‰ (2001)

Tasa de fecundidá: 6.5 neños / muyer (2001).

Tasa bruta d'escolarización na enseñanza primaria (1998-2002)

  • homes: 80 %
  • muyeres: 69 %

Tasa bruta d'escolarización na enseñanza secundaria (1998-2002)

  • homes: 21 %
  • muyeres: 17 %

Población urbana: 36 % (2003)

Historia[editar | editar la fonte]

Orixe[editar | editar la fonte]

El territoriu de l'actual Angola ta pobláu polo menos dende'l sieglu V e.C. Los pueblos falantes de llingües del grupu bantú qu'emigraron en foles sucesives dende'l Golfu de Guinea, llegaron a la rexón nos primeros sieglos de la dómina cristiana, desplazando pa contra'l sur a los habitantes primitivos.

Los bantús, amestaos colos pueblos autóctonos, fundaron dellos reinos, ente los que destaca'l Congo (país de la pantera). El Reinu del Congu dominaba tola rexón y taba na época de mayor esplendor de la que llegaron los europeos.

Colonización portuguesa[editar | editar la fonte]

Independencia y guerra civil[editar | editar la fonte]

Dende 1975, fecha de la so independencia de Portugal, Angola conoció una interminable guerra civil, que provocó más d'un millón y mediu de muertos nun cuartu de sieglu, lo que vien a representar 160 por día.

Divisiones alministratives[editar | editar la fonte]

Mapa numberáu coles provincies

Angola ta dividida en 18 provincies (províncias):

  1. Bengo
  2. Benguela
  3. Bié
  4. Cabinda
  5. Cuando Cubango
  6. Cuanza Norte
  7. Cuanza Sur
  8. Cunene
  9. Huambo
  10. Huíla
  11. Luanda
  12. Lunda Norte
  13. Lunda Sur
  14. Malanje
  15. Moxico
  16. Namibe
  17. Uíge
  18. Zaire

Cultura[editar | editar la fonte]

Llingües[editar | editar la fonte]

Aparte del portugués, que ye la llingua oficial del país, Angola tien varies llingües nacionales, toes elles del grupu de llingües bantú como l'umbundu, el congo, el cuañama, el ñañeca, el luvale, o'l chocue.

Escritores angolanos[editar | editar la fonte]

Economía[editar | editar la fonte]

Recursos[editar | editar la fonte]

La economía angolana ye predominantemente agrícola, siendo'l café'l principal cultivu. Tres d'ésti vienen, n'orde d'importancia, la caña de zucre, el sisal, el maíz, l'aceite de cocu y les cacagüeses. Ente los cultivos comerciales rescamplen l'algodón, el tabacu y el cauchu. Tamién son relativamente importantes los cultivos de pataques, arroz, cacáu y plátanos.

El país ye ricu en minerales, especialmente en diamantes, petroleu y fierro. Tamién hai xacimientos de cobre, manganesu, fosfatos, sal, mica, plomu, estañu, oru, plata y platín.

Les principales industries son les de tresformación d'oleaxinoses, cereales, carne, algodón y tabacu. Tamién son importantes la producción de zucre, cerveza, cementu, madera, y el refináu de petroleu.

Les industries angolanes tán alimentaes por cinco centrales hidroeléctriques, que-y aseguren al país un potencial enerxéticu superior al consumu.

Evolución económica[editar | editar la fonte]

Anque dispón d'inmensos recursos naturales, l'economía angolana salió de venticinco años de guerra civil nun estáu catastróficu, con una renta per cápita ente les más baxes del mundu y una agricultura de sosistencia qu'alimenta al 85 % de la población.

Nos últimos años la situación económica tiende a ameyorar, pola mor del aumentu de producción de diamantes y petroleu y la suba del preciu d'ésti últimu nel mercáu mundial.

En 2004 el PIB medró un 11,2 % y pa 2005 la previsión ye d'un aumentu del 16 %. La inflaición, qu'algamó'l 40 % en 2004, ta previsto que baxe hasta'l 15 %.

Al mesmu tiempu nel país espoxiga la construcción y tán llevándose a cabu proyeutos d'infraestructures, como la llinia de ferrocarril de Benguela.

Sicasí, calcúlase qu'anguaño la miseria sigue afectando a dos tercios de la población y que más d'un millón de persones dependen de la ayuda alimentaria internacional. Nesti contestu, anque la prioridá del presupuestu gobernamental ye la llucha contra la probitú, bona parte de los ingresos petrolíferos siguen dedicándose al reembolsu de la delda esterna, estimada a 6 000 millones d'euros.

Enllaces esternos[editar | editar la fonte]

Referencies[editar | editar la fonte]

  1. URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.
  2. URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.
  3. URL de la referencia: http://www.unesco.org/eri/cp/ListeMS_Indicators.asp.
  4. URL de la referencia: http://www.upu.int/en/the-upu/member-countries.html. Data de consulta: 4 mayu 2019.
  5. URL de la referencia: https://www.itu.int/online/mm/scripts/gensel8. Data de consulta: 4 mayu 2019.
  6. URL de la referencia: https://public.wmo.int/en/members/angola. Data de consulta: 26 mayu 2020.
  7. URL de la referencia: https://www.who.int/choice/demography/by_country/en/. Data de consulta: 21 xunetu 2020.
  8. URL de la referencia: https://www.irena.org/irenamembership. Data de consulta: 8 payares 2020.
  9. URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 6. Supports qualifier: data de principiu.
  10. (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.
  11. «base de datos del Bancu Mundial». Bancu Mundial. Consultáu'l 23 mayu 2022.


África
Angola | Arxelia | Benín | Botsuana | Burkina Fasu | Burundi | Cabu Verde | Camerún | República Centroafricana | Chad | Comores | El Congu | República Democrática d'El Congu | Costa de Marfil | Eritrea | Etiopía | Exiptu | Gabón | Gambia | Ghana | Guinea | Guinea-Bisáu | Guinea Ecuatorial | Kenia | Lesothu | Liberia | Libia | Madagascar | Malaui | Malí | Marruecos | Mauriciu | Mauritania | Mozambique | Namibia | Níxer | Nixeria | Ruanda | Santu Tomé y Príncipe | Seixeles | Senegal | Sierra Lleona | Somalia | Suazilandia | Sudáfrica | Sudán | Sudán del Sur | Tanzania | Togu | Tunicia | Uganda | Xibuti | Zambia | Zimbabue

Dependencies: Islles Kerguelen | Mayotte | Reunión | El Sáḥara Occidental | Socotra | Tromelin