Arxentina
La República Arxentina ye'l segundu país más estensu d'América del Sur y el octavu de tol planeta. Llenda'l oeste y al sur con Chile, al norte con Bolivia y Paraguái, al noreste con Brasil y al este con Uruguái.
Índiz |
[editar] Política y gobiernu[1]
[editar] Organización política
Arxentina organízase políticamente acordies colo que se recueye na so Constitución, aprobada'l 24 d'agostu de 1994.
El poder executivu exércelu'l presidente de la Nación Arxentina. Esti ye elexíu xuntu col vicepresidente (que ye tamién automáticamente presidente del Senáu) por votu popular directu cada cuatro años. Dambos pueden ser reelexíos namái pa un segundu mandatu consecutivu, magar que pueden volver a presentar la so candidatura tres un intervalu d'un periodu electoral. El presidente, que ta encargáu de formar el gobiernu, ye tamién el comandante en xefe de les fuerces armaes del país.
El poder llexislativu exércelu'l Congresu, que ta dividíu en dos cámeres: el Senáu y la Cámara de Diputaos. El primeru fórmenlu trés senadores por cada provincia, elexíos por sufraxu directu y de forma conxunta) y trés más pol distritu federal. Tienen un mandatu de seis años, y una persona puede ser senador/a de forma indefinida. La tercera parte de los senadores renuévense cada dos años. La Cámara de Diputaos, pela so banda, fórmenla 257 diputaos, elexíos pa cuatro años. La metá d'ellos renuévense cada dos años.
No que cinca al poder xudicial, el so muérganu cimeru ye la Corte Suprema de Xusticia. Los sos integrantes son nomaos pol presidente col acuerdu del Senáu. El presidente noma tamién a los xueces de los tribunales federales inferiores. Pa ello escueye ún de los trés que-y propón el Conseyu de la Maxistratura, y busca después el sofitu del Senáu pal nomamientu.
Caúna de les 23 provincies tien el so propiu gobiernu, la so cámara llexislativa y los sos tribunales. Tamién hai un gobiernu autónomu na capital federal, Buenos Aires.
[editar] Gobiernu
La presidenta de la nación ye, dende'l 10 d'avientu de 2011, Cristina Fernández de Kirchner. Esti ye'l segundu mandatu de la presidenta, que tien como vicepresidente a Amado Boudou. Esti ye tamién, como manda la constitución, el presidente del Senáu. El presidente de la Cámara de Diputaos, pela so banda, ye Julián Domínguez.
El gabinete de ministros ta dirixíu (abril 2012) por Juan Manuel Abal Medina y compónenlu, amás del Secretariu Xeneral de la Presidencia Oscar Isidro José Parrilli, los siguientes ministros:
- Economía: Hernán Lorenzino.
- Relaciones Esteriores: Héctor Timerman.
- Defensa: Arturo Puricelli.
- Seguridá: Nilda Garré.
- Xusticia y Derechos Humanos: Julio Alak.
- Interior: Florencio Randazzo.
- Trabayu, Emplegu y Seguridá Social: Carlos Alfonso Tomada.
- Industria: Débora Giorgi.
- Agricultura, Ganadería y Pesca: Norberto Yahuar.
- Turismu: Enrique Meyer.
- Planificación Federal, Inversión Pública y Servicios: Julio Miguel De Vido.
- Salú: Juan Manzsur.
- Desarrollo Social: Alicia Kirchner.
- Educación: Alberto Sileoni.
- Ciencia, Tecnoloxía y Innovación Productiva: Lino Barañao.
[editar] Partíos políticos y sindicatos
Los principales partíos políticos del país son:
- Partíu Xusticialista (PJ). El so presidente interín, dende la muerte de Néstor Kirchner el 27 d'ochobre de 2010, ye'l anterior vicepresidente y gobernador de la provincia de Buenos Aires Daniel Scioli.
- Unión Cívica Radical (UCR). El so presidente ye Ernesto Sanz.
- Frente Ampliu Progresista (FAP). El so principal cabezaleru ye Hermes Binner.
- Propuesta Republicana (PRO). El so principal cabezaleru ye Mauricio Macri.
No que cinca a los sindicatos rescampla la Confederación Xeneral del Trabayu (Confederación General del Trabajo, CGT), central sindical peronista na qu'aconceyen más de cien sindicatos y asociaciones gremiales. El so cabezaleru ye, dende 2005, Hugo Moyano.
[editar] Organización territorial
| Provincia | Capital | Población (censu 2010)[2] |
Superficie (en km²) |
PBG per cápita (US$, 2008, est.) |
|
|---|---|---|---|---|---|
 |
Ciudá de Buenos Aires[3] | 2.891.082 | 202 | 23.309 | |
 |
Provincia de Buenos Aires |
La Plata | 15.594.428 | 307.571 | 7.310 |
 |
Catamarca | San Fdo. del Valle de Catamarca |
367.820 | 102.602 | 6.009 |
 |
Chaco | Resistencia | 1.053.466 | 99.633 | 2.015 |
 |
Chubut | Rawson | 506.668 | 224.686 | 15.422 |
 |
Córdoba | Córdoba | 3.304.825 | 165.321 | 6.477 |
 |
Corrientes | Corrientes | 993.338 | 88.199 | 4.001 |
 |
Entre Ríos | Paraná | 1.236.300 | 78.781 | 5.682 |
 |
Formosa | Formosa | 527.895 | 72.066 | 2.879 |
 |
Jujuy | San Salvador de Jujuy |
672.260 | 53.219 | 3.755 |
 |
La Pampa | Santa Rosa | 316.940 | 143.440 | 5.987 |
 |
La Rioja | La Rioja | 331.847 | 89.680 | 4.162 |
 |
Mendoza | Mendoza | 1.741.610 | 148.827 | 9.079 |
 |
Misiones | Posadas | 1.097.829 | 29.801 | 3.751 |
 |
Neuquén | Neuquén | 550.344 | 94.078 | 26.273 |
 |
Río Negro | Viedma | 633.374 | 203.013 | 8.247 |
 |
Salta | Salta | 1.215.207 | 155.488 | 4.220 |
 |
San Xuan | San Xuan | 680.427 | 89.651 | 5.642 |
 |
San Lluis | San Lluis | 431.588 | 76.748 | 5.580 |
 |
Santa Cruz | Río Gallegos | 272.524 | 243.943 | 30.496 |
 |
Santa Fe | Santa Fe | 3.200.736 | 133.007 | 8.423 |
 |
Santiago del Estero | Santiago del Estero | 896.461 | 136.351 | 3.003 |
 |
Tierra del Fuego | Ushuaia | 126.190 | 21.478 | 20.682 |
 |
Tucumán | San Miguel de Tucumán |
1.448.200 | 22.524 | 3.937 |
 ARGENTINA |
40.091.359 | 2.780.400 | 8.269 | ||
Les principales ciudaes del país, ordenaes según la so población en 2010[4] , son:
- Buenos Aires y la so área metropolitana, que compriende los habitantes de la Ciudá Autónoma de Buenos Aires y de los 24 partíos que formen el Gran Buenos Aires: 12.806.866 habitantes.
- Córdoba: 1.329.604 habitantes.
- Rosario: 1.193.605 habitantes.
- La Plata: 654.324 habitantes.
- San Miguel de Tucumán: 548.866 habitantes.
- Salta: 536.113 habitantes.
- Corrientes: 358.223 habitantes
[editar] Referencies
- ↑ Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/
- ↑ Censu 2010.
- ↑ La Ciudá de Buenos Aires ye una entidá de segundu grau constitucional, pero nun tien rangu de provincia sinon un réxime especial (Ciudá Autónoma), asemeyáu y equiparable al propiu de provincia.
- ↑ Institutu Nacional d'Estadística y Censos d'Arxentina
[editar] Enllaces esternos
- Presidencia de la Nación Arxentina
- Gobiernu de la República Arxentina
- Bancu Central de la República Arxentina
- Secretaría de Turismu
- Institutu Nacional d'Estadística y Censos
Wikimedia Commons acueye conteníu multimedia sobro Arxentina.
| Países d'América |
| Antigua y Barbuda | Arxentina | Islles Bahames | Barbados | Belize | Bolivia | Brasil | Canadá | Chile | Colombia | Costa Rica | Cuba | Dominica | República Dominicana | Ecuador | Estaos Xuníos d'América | Granada | Guatemala | Guyana | Haití | Hondures | Méxicu | Nicaragua | Panamá | Paraguái | Perú | El Salvador | Saint Kitts y Nevis | San Vicente y Les Granadines | Santa Llucía | Surinam | Trinidá y Tobagu | Uruguái | Venezuela | Xamaica
Dependencies: Anguila | Islles Bermudes | Islles Caimán | Clipperton | Guadalupe | Guyana Francesa | Groenlandia | Islles Malvines | Islles Turques y Caicos | Montserrat | Martinica | Puertu Ricu | Shag Rocks | Xeorxa del Sur y Sandwich del Sur |
Esti artículu ye un entamu, enantándolu, aidarás a meyorar la Uiquipedia
