Gabón

Coordenaes: 1°S 12°E / 1°S 12°E / -1; 12
De Wikipedia
Gabón
République Gabonaise
país
Bandera de Gabón escudu de Gabón
Lema nacional Union Travail Justice
Himnu nacional La Concorde
Alministración
Nome oficial Repubblica Gabonese (it)
Gabon (fr)
la République gabonaise (fr)
Capital Libreville
Forma de gobiernu República
Presidente de Gabón Ali Bongo (dende 16 ochobre 2009)
Primer Ministru de Gabón Raymond Ndong Sima (dende 7 setiembre 2023)
Llingües oficiales francés
División
Rellaciones diplomátiques
Miembru de
Xeografía
Coordenaes 1°S 12°E / 1°S 12°E / -1; 12
Superficie 267667 km²
% agua 3,7 %
Costes 885 km
Llenda con 2.551 km
Puntu más altu Monte Bengoué (es) Traducir
Puntu más baxu Océanu Atlánticu
Demografía
Población 2 025 137 hab. (2017)
Densidá 7,57 hab/km²
Xentiliciu gabonés (masculín singular)
gabonesa (femenín singular)
Esperanza de vida 66,105 años
IDH 0,706 (2021)
Tasa de fertilidá 3,909 (2014)
Economía
Moneda Francu CFA d'África Central
PIB nominal 4 800 000 000 $ (2003)
Bancu central Bancu de los Estaos d'África Central
Más información
Dominiu d'Internet .ga
Códigu telefónicu +241
Códigu ISO 266 / GAB / GA
Estaya horaria UTC+01:00, Estaya horaria d'África Occidental y Africa/Libreville (en) Traducir
gouvernement.ga
Cambiar los datos en Wikidata

Gabón[11], oficialmente la República Gabonesa, ye un país del oeste d'África central. Llenda con Guinea Ecuatorial, Camerún, El Congu y el Golfu de Guinea.Indeendizóse de Francia el 17 d'agostu de 1960. Tien una población de 2 025 137 hab. (2017)[12] y la so capital ye Libreville[11], con 797 003 hab.

Historia[editar | editar la fonte]

El territoriu de Gabón tuvo habitáu polo menos dende hai 9.000 años, como amosa l'arqueoloxía. Al paecer, la primer etnia presente na zona foron los pigmeos, que ciertu tiempu depués foron siguios por delles etnies, ente elles los bantúes

Dellos grupos bantús vivieron nel área qu'ahora ye Gabón cuando Francia ocupóla en 1885. En 1910, Gabón llegó a ser ún de los cuatru tarritorios del África Ecuatorial Francesa, una federación que sobrevivió hasta 1959. Estos tarritorios ficiéronse independientes el 17 d'agostu de 1960.

El primer presidente de Gabón elixíu en 1961, foi Léon M'ba, con El Hadj Omar Bongo como'l so vicepresidente. Cuando M'Ba morrió en 1967, Bongó reemplazólu como mandatariu según una reciente llei pola cuala'l vicepresidente socedería de secute al presidente en casu de fallecimientu d'ésti. Bongó estableció un sistema de partíu únicu, el Partíu Democráticu de Gabón (PDG), y foi'l xefe d'estáu dende entós.

En 1990 el país abrióse a un réxime multipartidista, y tres les eleiciones d' esi añu ingresaron a la Asamblea Nacional representantes de cinco partíos opositores al PDG. EN 1993 Bongó foi reelixíu, pero presionáu pol gobiernu francés, aceutó convocar nueves eleiciones.

Un refréndu realizáu en 1995 dio-y la facultá de reformar la constitución, cuya nueva versión dio llugar a les eleiciones presidenciales y llexislatives de 1997. Al añu siguiente foi reelixíu, demientres cumplía 31 años ininterrumpios nel poder. El so collaciu, Jean-François Ntotoume, foi designáu primer ministru.

Gobiernu y política[editar | editar la fonte]

Cola independencia de 1960 xurdieron dos partíos, el Bloque Democráticu Gabonés (BDG) de León M'Ba, y la Xunión Democrática y Social Gabonesa (XDAG), liderada por Aubame. Tres les primeres eleicciones, negún de los dos partíos llogró la mayoría, y M'Ba llogró'l cargu de primer ministru col sofitu de los diputaos independientes. Por embargu, concluyóse por parte de los dos partíos que pa les dimensiones del país yera más afayaizo un sistema de partíu únicu, polo que pa les eleiciones de Febreru de 1961 creóse una llista única. M'Ba foi nomáu presidente, y Aubame ministru d'asuntos esteriores.

En febreru de 1963, la corriente del BDG trató de forzar a los miembros de la XDSG a una fusión dafecha o a dimitir de los sos cargos. Tolos ministros de la XDSG dimitieron, y convocáronse eleiciones en febreru de 1964, a les que la XDSG nun puo concurrir por nun presentar una llista acordies cola llei. Ensin llegar a celebrase les eleiciones, produxose'l 18 de febreru de 1964 un güelpe militar escontra M'Ba, que fizo que les tropes franceses intervinieren. Les eleiciones celebráronse a la fin n'abril, con dellos partíos oponentes, nes que'l BDG llogró una nidia mayoría.

En marzu de 1967, León M'Ba foi elixíu presidente, y Omar Bongo vicepresidente. Cola muerte de M'Ba esi mesmu añu, Omar Bongo accedió a la presidencia.

En 1968 tornase al sistema de partíu únicu, disolviendo'l BDG y creando'l nuéu Partíu Democráticu Gabonés (PDG). Bongo foi elixíu presidente de contino en 1975, 1979 y 1986. Tres un debate nacional so la situación política, abrióse de nuevu un sistema multipartíu, col que Bongo foi nuevamente elixíu presidente en 1990, 1993 y 1998, creándose una nueva constitución que permitió un procesu eleutoral más tresparente y reformes de les instituciones gubernamentales.

Gabón ye anguaño una república democrática multipartidista, con un presidente elixíu pol votu popular y un mandatu de 7 años; un primer ministru y un conseyu de ministros nomaos pol presidente.

L'Asamblea Nacional consta de 120 miembros, de los cualos 111 son elixíos y 9 nomaos pol presidente pa un periodu de 5 años. El poder xudicial reside na Corte Suprema de Xusticia ya otros tribunales menores.

Cauna de les 9 provincies ye dirixida por un gobernador.

Economía[editar | editar la fonte]

Gabón tien grandes reserves de mineral de fierru y d'árboles de maderes perfines. Otros recursos importantes son el petroleu, el manganesu y l'uraniu.

La so escosa población, abondantes recursos naturales y la inversión privao foriata aidaron a facer de Gabón ún de los países más prósperos de la rexón, pesie que tien una tasa de desemplegu del 21% (2000).

Les principales esportaciones son el petroleu, la maera, el manganesu y l'uraniu, les que se destinen a Francia (62%), Costa de Marfil (7%), Reinu Xuníu (2%) y Países Baxos (2%).

Gabón importa maquinaria agrícola, alimentos, metales, productos químicos, materiales de construcción y equipos de tresportes. Los mesmos provienen de Francia (62%), Costa de Marfil (7%) y Reinu Xuníu (2%).

La tasa d'inflación añal ye del 1,5% (2004), el PIB per cápita asciende a 5600 dólares y la deuda esterna yera de 3.804 millones de dólares en 2004.

Educación[editar | editar la fonte]

Esiste la Universidá Omar Bongó en Libreville.

Ecoloxía[editar | editar la fonte]

La viesca tropical de Gabón ye considerada la más densa y virxe d'África. D'otra miente, el pregrande xorrecimientu demográficu del país ta provocando una deforestación estrema que menaza a esti invalorable recursu natural.

La caza furtiva, asinamesmu, ta poniendo en peligru a la fauna xabaz.

Bienestar social[editar | editar la fonte]

El país carez de servicios mélicos eficientes y cásique nun tien escueles nin carreteres.

Organización políticu-alministrativa[editar | editar la fonte]

Mapa de les provincies de Gabón.

Gabón ta dividíu en 9 provincies (capitales ente paréntesis)

  1. Estuaire (Libreville)
  2. Haut-Ogooué (Franceville)
  3. Moyen-Ogooué (Lambaréné)
  4. Ngounié (Mouila)
  5. Nyanga (Tchibanga)
  6. Ogooué-Ivindo (Makokou)
  7. Ogooué-Lolo (Koulamoutou)
  8. Ogooué-Maritime (Port-Gentil)
  9. Woleu-Ntem (Oyem)

Xeografía[editar | editar la fonte]

Mapa de Gabón.

Gabón ta asitiáu na costa atlántica d'África central. Nel sentíu de les anguyes del reló dende'l noroeste, llenda con Guinea Ecuatorial, Camerún, y El Congu.

La más parte del interior del país ta tapecíu per una densa selva.

Esisten trés rexones: la llanura costera, con munchos lnagos y llagunes; la rexón montesina de los Montes Cristal y les mesetes ondulaes orientales, cuyu puntu más altu ye'l Monte Iboundji, de 1.575 m. d'altor.

Esiste una importante rede hidrográfica que s'estiende per tol territoriu gabonés.

El ríu más llargu de Gabon ye'l Ogooué.

Demografía[editar | editar la fonte]

Principal grupu étnicu: fang. Los myene considerense a sí mesmos l' aristocracia de Gabón. La educación sofitase nún sistema francés. Alfabetización: 71%. La Universidá de Libreville creada en 1970 tien más de 4.000 alumnos. Los ingresos del petroleu llogren importantes inversiones na salú, una de les meyores d'África.

La composición étnica ye: fangos (35%), bantús (29%), eshires (25%), dellos africanos y dellos blancos (9%), blancos franceses (2%).

Cultura[editar | editar la fonte]

La música gabonesa ye poco conocida en comparanza coles xigantes rexones como la República Democrática d'El Congu y Camerún. Dellos artistes de Gabón son: Patience Dabany, Georges Oyendze, La Rose Mbadou, Sylvain Avara y Oliver N'Goma

Entre los escritores encontramos: Jean-Baptiste Abessolo y Angèle Rawiri

Ente los cineastes destaca Imunga Ivanga, especializáu en documentales sobre la problemática del so país.

Fiestes Nacionales
Data Nome n'asturianu Nome llocal Notes
17 d'agostu Día de la Independencia Jour de l'Independence

Relixón[editar | editar la fonte]

Les relixones que se prautiquen son: catolicismu 56%, protestantismu 17,7%, otres 11,9%, otres relixones cristianes 9,6%, islam 3,1%, relixones tradicionales africanes 1,7%.

Referencies[editar | editar la fonte]

  1. URL de la referencia: https://www.oic-oci.org/states/?lan=en. Data de consulta: 29 ochobre 2022.
  2. URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.
  3. URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.
  4. URL de la referencia: http://www.unesco.org/eri/cp/ListeMS_Indicators.asp.
  5. URL de la referencia: http://www.upu.int/en/the-upu/member-countries.html. Data de consulta: 4 mayu 2019.
  6. URL de la referencia: https://www.itu.int/online/mm/scripts/gensel8. Data de consulta: 4 mayu 2019.
  7. URL de la referencia: https://public.wmo.int/en/members/gabon. Data de consulta: 26 mayu 2020.
  8. URL de la referencia: https://www.who.int/choice/demography/by_country/en/. Data de consulta: 21 xunetu 2020.
  9. «Albanië, Brazilië, Gabon, Ghana en de Verenigde Arabische Emiraten nieuwe niet-permanente leden van de Veiligheidsraad». VRT NWS (11 xunu 2021). Consultáu'l 3 xineru 2023.
  10. URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 8. Supports qualifier: data de principiu.
  11. 11,0 11,1 (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.
  12. «base de datos del Bancu Mundial». Bancu Mundial. Consultáu'l 8 abril 2019.

Enllaces esternos[editar | editar la fonte]

Gobiernu[editar | editar la fonte]

Visión xeneral[editar | editar la fonte]

Otros[editar | editar la fonte]


África
Angola | Arxelia | Benín | Botsuana | Burkina Fasu | Burundi | Cabu Verde | Camerún | República Centroafricana | Chad | Comores | El Congu | República Democrática d'El Congu | Costa de Marfil | Eritrea | Etiopía | Exiptu | Gabón | Gambia | Ghana | Guinea | Guinea-Bisáu | Guinea Ecuatorial | Kenia | Lesothu | Liberia | Libia | Madagascar | Malaui | Malí | Marruecos | Mauriciu | Mauritania | Mozambique | Namibia | Níxer | Nixeria | Ruanda | Santu Tomé y Príncipe | Seixeles | Senegal | Sierra Lleona | Somalia | Suazilandia | Sudáfrica | Sudán | Sudán del Sur | Tanzania | Togu | Tunicia | Uganda | Xibuti | Zambia | Zimbabue

Dependencies: Islles Kerguelen | Mayotte | Reunión | El Sáḥara Occidental | Socotra | Tromelin

Organización pa la Cooperación Islámica
Afganistán | Albania | Arabia Saudita | Arxelia | Azerbaixán | Baḥréin | Bangladex | Benín | Brunéi | Burkina Fasu | Camerún | Chad | Comores | Costa de Marfil | El Líbanu | Emiratos Árabes Xuníos | Exiptu | Gabón | Gambia | Guinea | Guinea-Bisáu | Guyana | Indonesia | Irán | Iraq | Kazakstán | Kirguistán | Kuwait | Libia | Malasia | Maldives | Malí | Marruecos | Mauritania | Mozambique | Níxer | Nixeria | Omán | Paquistán | Palestina | Qatar | Senegal | Sierra Lleona | Siria | Somalia | Sudán | Surinam | Taxiquistán | Togu | Tunicia | Turkmenistán | Turquía | Uganda | Uzbequistán | Xibuti | Xordania | Yeme

Países observadores: Bosnia y Herzegovina | República Centroafricana | Rusia | Tailandia | República Turca de Xipre del Norte

Logo de la OPEP Organización de Países Esportadores de Petroleu (OPEP)
Arabia Saudita | Arxelia | Emiratos Árabes Xuníos | Gabón | Indonesia | Irán | Iraq | Kuwait | Libia | Nixeria | Qatar | Venezuela