Turkmenistán

Türkmienistan Riespublikasy República de Turkmenistán
(En detalle) (En detalle)
Lema nacional:
Himnu nacional:
Capital  • Población	Axgabat 773.400 hab
Mayor ciudá	Axgabat
Idiomes oficiales	turcomanu
Forma de gobiernu • Presidente	República unipartidista presidencialista • Kurbanguly Berdymukhamedov
Independencia • Declarada • Reconocía	de la XRSS • 27 d'ochobre de 1991 • 12 d'avientu de 1991
Superficie  • Total  • % agua Llendes Costes	Puestu 52º 488.100 km² 4,9 % -- km 970 km
Población  • Total  • Densidá  • Densidá	Puestu 112º 5.042.920 10,3 ab./km² 10,3 hab/km²
PIB (PPA)  • Total (2006)  • PIB per capita	Puestu 85º US$ 44.219 millones US$ 8.768
Moneda	Manat turcomanu
Xentiliciu	Turcomanu, -a, -o
Zona horaria  • en Branu	UTC + 5 nun aplica
Dominiu d'Internet	.tm
Códigu telefónicu	+993
Prefixu radiófonicu	EZA-EZZ
Códigu ISO	795 / TKM / TM
Miembru de: ONX, OSCE

Turkmenistán (turcomanu: Türkmienistan) o Turkmenia ye un país d'Asia Central, llenda al noroeste con Kazakstán, norte y nordeste con Uzbequistán, al sudoeste con Irán, al sudeste con Afganistán y al oeste col Mar Caspiu; dominada la mayor parte del país pol desiertu de Karakum, altraviésenla los ríos Amu Daria, l'Atrak y el Murgab. Foi una de les repúbliques constituyentes de la Xunión Soviética como la República Socialista Soviética de Turkmenistán hasta la so disolución en 1991.

Hestoria

El territoriu de Turkmenistán tuvo pobláu dende l'antigüedá. Les tribus turcomanes dedicaes a la cría de caballos aportaron al territoriu en tiempos remotos, posiblemente procedentes de los montes Altai, y van afincase na redolada del desiertu Karakum, llegando hasta Persia, Siria y Anatolia.

L'exercitu rusu fexo la so entrada nel territoriu ente les décades de 1860 y 1870. En 1869, crease'l puertu de Krasnovodsk, y yá nel 1874 afítase la presencia rusa cola creación del distritu militar de Trescaspia. Anexonada pol Imperiu Rusu ente 1865 y 1885, en 1890 el control rusu sobre Turkmenistán yera dafechu.

En 1917 lleguen aires de revolución, y demientres la guerra civil (1918-1920) Turkmenistán tamién va tar nel frente de la batalla. Una vegada establecida la Xunión Soviética, el territoriu de Trescaspia (reorganizáu dendde 1921 como Turquestán) establezse como a una república autónoma, pa camuda aquel mesmu añu a ser una de les repúbliques constituyentes de la Xunión.

N'aquella dómina, fíxense les llendes de la república soviética, y desendolquense ambiciosos proyeutos p'aprovechar los sos recursos naturales en beneficiu de la Xunión Soviética. Tamién creense sistemes de regadíu y, adulces, la producción d'algodón y petroleu tresna nuna de les actividaes económiques cimeres.

Depués de la disolución de la Xunión Soviética, Turkmenistán faise estáu independiente. El controvertíu presidente Saparmurat Niyazov tien dominada la vida política del país dende entós.