Corea del Norte

조선 민주주의 인민 공화국 Chosŏn Minjujuŭi Inmin Konghwaguk
(En detalle) (En detalle)
Lema nacional: Coreanu: 강성대국, Gangseongdaeguk (Poderosa y granible gran nación)
Himnu nacional: Achimŭn pinnara
Capital  • Población  • Coordenaes	Pyong Yang 2.581.076 hab ([2008]]) 39º2′ N 125º45′ E
Mayor ciudá	Pyong Yang
Idiomes oficiales	Coreanu
Forma de gobiernu Presidente Eternu  • Presidente de la CND y Secretariu Xeneral del PTC  • Primer ministru  • Presidente del Conceyu Cimeru del Pueblu  •	Estáu socialista Xuché Kim Il Sung Kim Jong-un Choe Yong-rim Kim Yong-Nam
Independencia - reconocida Día de la República	del Imperiu de Xapón 15 d'agostu de 1945 9 de setiembre
Superficie  • Total  • % agua Llendes Costes	Puestu 99º 120.540 km² km² 0,1 % 1.673 km 2.495 km
Población  • Total  • Densidá  • Densidá	Puestu 51º 25,000,000 hab (2008) 182 ab./km² 182 hab/km²
PIB (PPA)  • Total (2011)  • PIB per capita	Puestu n/dº US$ 32.700 millones $1,800
Moneda	Won norcoreano (KPW)
Xentiliciu	norcoreanu, -a, -o
Zona horaria  • en Branu	UTC + 9 nun lo aplica
Dominiu d'Internet	.kp
Códigu telefónicu	+850
Prefixu radiófonicu	P5A-P9Z / HMA-HMZ
Códigu ISO	408 / PRK / KP
Miembru de: ONX y MPNA

La República Popular Democrática de Corea, conocida como Corea del Norte, ye un estáu del este d'Asia qu'ocupa la metá norte de la península de Corea. Llinda al sur con Corea del Sur y al norte con China y Rusia.

Hestoria

Corea del Norte algamó la so independencia tres la Segunda Guerra Mundial, que desanició la ocupación xaponesa de la Península de Corea. L'armisticiu acabó cola dixebra de Corea, quedando la zona al norte'l paralelu 38 embaxu alministración soviética y al sur xestionada poles fuercies aliaes.

En 1948 promúlgase el primer textu constitucional de la República Democrática Popular de Corea, qu'establez un réxime de corte estalinista con Kim Il Sung como Presidente de l'Asamblea Popular Suprema y Xefe d'Estáu.

Dende entós, les engarradielles y tensiones foron constantes na frontera intercoreana, hasta que'l 25 de xunu de 1950, les tropes del Exércitu Popular de Corea adiéntrense al sur del paralelu 38 y entama, asina, la nomada Guerra de Corea. La incursión foi refugada pola intervención del exércitu los Estaos Uníos, que malapenes llogró formar una coallición de países p'axuntase escontra les fuercies del Norte. L'avance de les tropes del Sur propició la entrada dafechu na guerra de la Unión Soviética, lo qu'estabilizó de nuevo la frontera nes llendes del paralelu 38. Foi nel 27 de xunetu de 1953, en Pamunjon, cuando firmose l'armisticiu (que non oficialmente la paz).

Pasu fronterizu de Pamunjon, na Zona demilitarizada.

L'acuerdu finxó la frontera nel paralelu 38 y incluyó creyar una Zona Desmilitarizada, de cuatro quilómetros d'ancho a lo llargo de 248 quilómetros de frontera. Nos años siguientes, ambes "corees" afondaron les tensiones caúna embaxu la órbita de les dos grandes potencies de la segunda mitá del Sieglu XX.

Nel 1972, Corea del Norte reforma la so Constitución y instaura la ideoloxía Xuché, propia de Corea, inspirada nel comunismu y que fai de la autarquía ún de los pegoyos del Estáu. El 8 de xunetu de 1994 muerre Kim Il Sung nun momentu d'incertidumbre pal país poles tensiones de la cabera etapa de la Guerra fría. Entámase un procesu de sucesión que fina col nomamientu del so fíu Kim Yong Il comu presidente de la Asamblea Popular Suprema, poro, Xefe d'Estáu.

Xeografía

El país tien una superficie de 120.540 metros cuadrados, llinda cola bahía de Corea y el mar del Este (2.495 km de costa), al norte con China (1.416 km de frontera) y Rusia (19km), y al sur con Corea del Sur (248 km). El so territoriu ye enforma montañosu, con delles depresiones. Llanures na costa Este y tarrén irregular na Oeste. El puntu más altu ye'l monte Paektu (2.744 metros).

• Coordenaes xeográfiques: 40^u N, 127^u E.
• Clima: templáu con lluvies frecuentes nel branu.

Economía

Vista de la ciudá de Kaesong.

En Corea del Norte rixe un sistema económicu intervencionista, d'inspiración comunista. L'autarquía de la que fizo gala el réxime de Pyongyang dende la so fundación, amosóse ficticia cola caída del bloque soviéticu. La perda del forte sofitu de la URSS provocó una grave cris económica qu'amosose con especial fuercia na primer metá de la década de 1990, con bien de la población esfamiada y un desplome de los índices de productividá de los sectores económicos cabezaleros. La situación entamó a camudar cola entrada d'aida exterior, y cola apertura de joint-ventures o alcuerdos de tipu empresarial con industries foriates (de Corea del Sur, China, Australia, Rusia y la Unión Europea fundamentalmente). Bien dellos asítiense na zona de llibre comerciu de Kaesong. Güei, el desenvolvimientu de polítiques enfotaes nuna meyor rellación pente les dos "corees" ta abriendo delles víes de collaboración empresarial. Nel 2004, Rusia y Corea del Norte algamaron amás un alcuerdu pal desenrrollu de les interconexiones enerxétiques entrambos países y col Sur.

Ver tamién

• Kim Yong Il
• Kim Il Sung
• Xuché

Enllaces esternos

• Web oficial de la Korean Friendship Association
• Korean Central News Agency (inglés y español)
• Web Oficial del Estado norcoreano (español)