Santa Llucía

Saint Lucia
(En detalle) (En detalle)
Lema nacional: The Land, The People, The Light (Inglés: «La Tierra, La Xente, La Lluz»)
Himnu nacional: Fíos y fías de Santa Llucía
Capital  • Población  • Coordenaes	Castries 11.377 (2001) 14°1' N 60° 59' O
Mayor ciudá	Castries
Idiomes oficiales	Inglés
Forma de gobiernu Xefe d'Estáu Gobernadora Xeneral Primer Ministru	Monarquía constitucional S.M. Isabel II Pearlette Louisy Kenneth Anthony (PLS)
Independencia  • Fecha	Del Reinu Uníu 22 de febreru de 1979
Superficie  • Total  • % agua Llendes Costes	Puestu 175º 616 km² 1.6 0 km 158 km
Población  • Total  • Densidá  • Densidá	Puestu 175º 160.145 (2002) 260 ab./km² 260 hab/km²
PIB (PPA)  • Total (2005)  • PIB per capita	Puestu 173º US$ 985 millones US$ 5.516
Moneda	Dólar del Caribe Oriental (EC$, XCD)
Xentiliciu	Santalucianu, santaluciana
Zona horaria  • en Branu	UTC-4 UTC-4
Dominiu d'Internet	.lc
Códigu telefónicu	+1-758
Prefixu radiófonicu	J6A-J6Z
Códigu ISO	662 / LCA / LC
Miembru de: Commonwealth, CARICOM, ONX, OECS, OEA

Santa Llucía (Saint Lucia, n'inglés) ye un pequeñu país allugáu al norte de San Vicente y les Granadines y al sur de la islla de la Martinica, nel Mar Caribe. Ye miembru de la Comunidá del Caribe, de la Organización d'Estaos Americanos y de la Mancomunidá Británica de Naciones.

Historia

Los primeros pobladores indíxenas llegaron de Sudamérica alredeor del sieglu III pero col tiempu fueron asimilaos pola tribu de los caribes. Como'l so puertu en Castries taba mui bien asitiáu los británicos y los franceses tuvieron disputándose la islla ente los sieglos XVI y XVII. Al final fueron los británicos los que se quedaron con ella nel añu 1814. En 1967 la corona británica dio-y a la islla mayor autonomía p'alministrar asuntos internos y finalmente el 22 de febreru de 1979 concedio-y la independencia.

Xeografía

Santa Llucía ye una islla volcánica con 158 quilómetros de costa. El so puntu más altu ye'l Monte Gimie que tien 950 metros sobre'l nivel del mar, pero los montes más famosos son los montes Pitons, que sirvieron d'insparación pal diseñu de la so bandera nacional. La ciudá más grande ye la capital, Castries, onde vive más d'un terciu de la población. Otres ciudaes importantes son Soufriere, onde hai algunos manantiales y emanaciones sulfuroses del volcán Qualibou y Vieux Fort, onde s'alcuentra l'aeropuertu internacional. El clima ye tropical y la temporada de les lluvies entama en mayu y acaba n'agostu. Anque esisten dellos problemes de deforestación y erosión al norte de la islla, el principal problema que tien son los furacanes qu'asolen tolos años les islles del Mar Caribe.

Demografía

Habiten na islla unes 162.000 persones, de les cuales un 90% son de raza negra, el 9% mulatos y el 1% blancos. El 90% de la población ye católica y casi'l 33% del total nun sabe lleer nin escribir. La edá promediu son 24 años y la esperanza de vida ye de 73 años.

Organización políticu-alministrativa

Mapa de Santa Llucía

Santa Llucía divídese en once rexones alministratives:

• Anse La Raye
• Castries (capital)
• Choiseul
• Dauphin
• Dennery
• Gros Islet
• Laborie
• Micoud
• Praslin
• Soufriere
• Vieux Fort.

Enllaces esternos

Wikimedia Commons tien archivos rellacionaos con:

Santa Llucía

• Portal oficial del Gobiernu de Santa Llucía
• Páxina de la Misión Permanente de Santa Llucía na ONX
• Oficina de Turismu de Santa Lucía