Islandia

Lýðveldið Ísland
(En detalle) (En detalle)
Lema nacional: nun tien
Himnu nacional: Lofsöngur
Capital  • Población  • Coordenaes	Reykjavík 120,000 (2008) 64°08' N 21° 56' E
Mayor ciudá	Reykjavík
Idiomes oficiales	Islandés
Forma de gobiernu Presidente Primer ministru	República Ólafur Ragnar Grímsson Jóhanna Sigurðardóttir
Independencia  • Fecha	De Dinamarca 17 de xunu de 1944
Superficie  • Total  • % agua Llendes Costes	Puestu 105º 103,125 km² 2.70 0 km 4.988 km
Población  • Total  • Densidá  • Densidá	Puestu 169º 320.000 (2008) 2,84 ab./km² 2,84 hab/km²
PIB (PPA)  • Total (2005)  • PIB per capita	Puestu 137º US$ 10.548 millones US$ 35.686
Moneda	Króna islandesa (ISK)
Xentiliciu	Islandés, islandesa
Zona horaria  • en Branu	CEST (UTC+0) CEST (UTC+0)
Dominiu d'Internet	.is
Códigu telefónicu	+354
Prefixu radiófonicu	TFA-TFZ
Códigu ISO	352 / ISL / IS
Miembru de: OTAN, ONX, OCDE, OSCE, Conseyu Nórdicu.

Islandia, nomada oficialmente República d'Islandia (n'islandés: Ísland; IPA: ['istlant], oficialmente Lýðveldið Ísland), ye un estáu insular européu. El so territoriu, formáu pola isla homónima y delles pequeñes islles, asítiase nel norte del océanu Atlánticu, cerca del círculu polar árticu. Tien una estensión de 103.000 km² y una población aproximao de 320.000 habitantes. Los más d'ellos (les dos terceres partes) viven nel suroeste del país, na so capital, Reykjavik, y na so rodiada.

La islla, asitiada sobro la dorsal mesoatlántica, ye volcánicamente y xeolóxicamente activa, lo que modela el so paisaxe. El so interior ta formau por una meseta na que s'atopen montañes, zones desértiques y dellos glaciares, que son el aniciu de los pocos ríos que tien el país. No que cinca al clima, pesie a la so llatitú ye moderadamente suave pola influyencia de la corriente del Golfu.

Historia

Islandia foi colonizada per primer vegada por inmigrantes noruegos y celtes (escoceses y irlandeses) a lo cabero del sieglu IX y nel sieglu X. Tien el parllamentu activu más antiguu del mundiu, el Alþingi, establecíu en 930.

Islandia foi independiente durante más de 300 años, dempués d'esto foi gobernada por Noruega y Dinamarca, formalmente como una colonia de la corona noruega dica 1814, añu nel que se dixebraron los reinos xuníos de Dinamarca y Noruega pol tratáu de Kiel, y Islandia convirtióse nuna dependencia danesa.

La erupción del volcán Askja en 1875 estrozó la economía d'Islandia y causó una fame xeneral. En casique un cuartu de sieglu, el 20% de la población emigró, especialmente pa Canadá y los Estaos Xuníos.

El gobiernu danés otorgó-y un gráu allendáu d'autonomía en 1874, y una independencia y soberanía sobro asuntos internos asemeyaes a les d'un protectoráu en 1874. Les rellaciones esteriores y la defensa siguieron baxo l'autoridá de Dinamarca y el rei d'esti país siguió siendo'l soberanu d'Islandia fasta 1944, añu nel que se fundó la República d'Islandia que conocemos anguaño.

Xeografía

Ye una islla del norte d'Europa; atópase ente'l Mar de Groenlandia y l'Océanu Atlánticu Norte, al noroeste del Reinu Xuníu. Magar que nun ye'l más septentrional de los países nórdicos, porque hai rexones de Noruega, Suecia y Finlandia asitiaes más al norte, la so capital, Reykjavík ("La bahía de fumu") ye la capital estatal más septentrional del mundu.

Coordenaes xeográfiques: 65.00 N, 18.00 O.

Área:
Total: 103.125 km²
Agua: 2.750 km²
Tierra: 100.250 km²

Llínia de costa: 4.988 km.

Llende marítima:
Plataforma continental: 200 millas marinas (MM)
Mar territorial: 12 MM
Zona económica esclusiva: 200 MM

Wikimedia Commons tien archivos rellacionaos con:

Islandia

Enllaces esternos

• Páxina web del gobiernu islandés
• Páxina web oficial del Icelandic Tourist Board