Costa Rica
De Uiquipedia
|
|||||
| Lema nacional: ¡Vivan siempre el trabajo y la paz! | |||||
| Himnu nacional: Himnu Nacional de Costa Rica | |||||
 |
|||||
| Capital • Población • Coordenaes |
San José 1.345.750 9º 56' S, 84º 05' O |
||||
| Principal ciudá | |||||
| Idiomes oficiales | español | ||||
| Forma de gobiernu
• Presidente
• Vicepresidente |
Democracia • Oscar Arias Sanchez • Laura Chinchilla Miranda |
||||
| Independencia • Fecha |
de España • 15 de setiembre de 1821 |
||||
| Superficie • Total • % agua Llendes Costes |
Puestu 129u 51.100 km² 0,7% 516 km 1412 km |
||||
| Población • Total • Densidá |
Puestu 122u 4.016.173 (2005 78,6 hab./km² |
||||
| PIB • Total (2006) • PIB per cápita |
Puestu 82u US$ 21.384 millones US$ 4.858 (2006) |
||||
| Moneda | El Colón | ||||
| Xentiliciu | Costarricense | ||||
| Fusu horariu • en branu |
UTC - 6 UTC - 6 |
||||
| Dominiu Internet | .cr | ||||
| Códigu telefónicu | +506 |
||||
| Prefixu radiofónicu | TIA-TIZ, TEA-TEZ |
||||
| Códigu ISO | 188 / CRI / CR | ||||
| Miembru de: ONU, OEA, ODECA, G-77 | |||||
.svg)
Costa Rica ye un país de Centroamérica. Llenda al norte con Nicaragua, al sureste con Panamá, el so territoriu ye bañáu al este pol Mar Caribe y al oeste pol Océanu Pacíficu.
Tabla de conteníos |
[editar] Hestoria
Cristóbal Colón foi el primer européu n'aportar a la islla, durante'l so cuartu y caberu viaxe, en 1502, pero foi durante la segunda metada del sieglu XVI cuandu tuvo llugar la conquista del territoriu, cola arribada de los primeros españoles a quienes precedieren esploradores del llitoral costarricense, como Hernán Ponce de León y Xuan de Castañeda. El territoriu taba pobláu polos chibchas y por otres comunidaes indíxenes más pequeñes, como los boruca, los caribes, los chorotecas y los nahual. Estos pueblos nun aceutaren a los conquistadores, hasta que los españoles foron quien a construyir el primer asentamientu permanente nel tarrén, 60 años dempués.
El desendolcu de Costa Rica durante la dómina colonial tuvo conseñáu pol aisllamientu rellativu nel que vivió respeutu d'otros enclaves españoles na rexón. Como colonia nunca foi rica nin bayurosa. De fechu, el país foi nenguneáu y despreciáu polos colonizadores que cuasi s'escaecieron d'él pola mor de la so falta en minerales.
No cabero del sieglu XVIII, Costa Rica tuvo subordinada a Nicaragua, pesie a que la Corona española ellevare a la categoría d'intendencies les sos otres posesiones centruamericanes. En 1821, cuando México se declaró independiente d'España, Costa Rica xunióse, con otros dominios centruamericanos, al feble imperiu mexicanu. En 1823, el país formó parte de les Provincies Xuníes d'América Central, pero en 1838 decidió separtase de la federación centruamericana y constituyóse n'estáu independiente con el caudillu Francisco José Morazán como cabezaleru.
En 1890, elixóse a José Joaquín Rodríguez pa la presidencia, nes que tan consideraes les primeres eleiciones llibres dafechu nel continente. Asina, hebo una tradición democrática que nun amenorgó en tola hestoria sacantes dos vegaes: primeru, cuando l'aventureru norteamericanu William Walker, tres d'apoderiase de Nicaragua, intentó enantar el so dominiu al restu de Centruamérica, y foi derrotáu polos costarricenses; y segundu, cuando pola mor d'un fraude elleutoral hebo una guerra civil na que s'impuxeron les fuercies del llíder opositor José Figueres. Un añu dempués promulgóse una Constitución presidencialista qu'esanició la formación d'exércitos. Figueres convirtióse en llider democráticu del área centruamericana, llarada de dictadures que diben durar entá 40 años más.
Metanes la década de los ochenta, la Revolución Sandinista ya se configurara como un fenómenu políticu con repercusiones en tola rexón, y foi a travies de les sos propuestes pa solventar la crisis rexonal, cola ablucante amenaza d'invasión norteamericana, que'l socialdemócrata Óscar Arias Sanchez ganó les eleiciones de 1986. El denomáu «plan Arias», propunxaba l'altu el fueu en Nicaragua, la fin de les aides norteamericanes a la "contra" y un calendariu de reformes polítiques en Nicaragua, qu'incluyía el facer eleiciones y que foi adoutáu pol gobiernu Sandinista. En febreru de 1990, Rafael A. Calderón, del Partíu Unidad Social y Cristiana (PUSC) algamó la presidencia.
A partir de la fundación del PUSC en 1983 xestóse en Costa Rica el sistema bipartidista qu'imperó dende entós hasta'l 2002, au los dos partíos mayoritarios y oscilantes nel poder, el PLN y el PUSC, hexemonizaben la política nacional (polo que se-yos aplicó el nomatu de PLUSC). En 1987, el entós presidente de Costa Rica, el Dr. Óscar Arias Sánchez, obtuvo el Premiu Nobel de la Paz.
[editar] Política
[editar] Poderes de l'Estáu
- Presidente y Xefe de Gobiernu eleutu por 4 años: Oscar Arias Sánchez (dende'l 8 de mayu de 2006)
- Primer Vicepresidente: Laura Chinchilla (dende'l 8 de mayu de 2006)
- Segundu Vicepresidente: Kevin Casas (dende'l 8 de mayu de 2006 al 22 de setiembre de 2007).
- Gabinete de gobiernu: Gabinete elexíu pol presidente
- Asamblea Llexislativa unicameral con 57 asientos. Los miembros son eleutos por votu popular direutu durante un periodu de 4 años.
- Corte Suprema de Xusticia, con 22 maxistrados que son elexíos por un períodu de 8 años pola Asamblea Llexislativa.
[editar] Partíos Políticos
Anguaño los principales Partíos Políticos del país son:
Partido Liberación Nacional (PLN, Socialdemócrata), y
Partido Acción Ciudadana (PAC, centro-esquierda).
[editar] Xeografía
[editar] Ciudaes más importantes
San José: Capital de Costa Rica, allugáu nun valle abondosu allugáu a 1180 m sobro'l nivel del mar, y denomada Villa Nueva cuando foi fundada en 1736.
Limón: Allugada na estaya oriental del país, limón ábrese sobro'l mar Caribe y el so puertu ye enforma importante darréu que permite l'atraque de barcos de gran caláu. En tiempos de les colonies la ciudá yera oxetu d'enviones de pirates y de les incursiones de los "indios mosquitu"
[editar] Provincies
[editar] Cultura
| Países d'América |
| Antigua y Barbuda | Arxentina | Barbados | Belice | Bolivia | Brasil | Canadá | Chile | Colombia | Costa Rica | Cuba | Dominica | Ecuador | El Salvador | Estaos Xuníos d'América | Grenada | Guatemala | Guayana Francesa | Guyana | Haití | Hondures | Islles Bahames | México | Nicaragua | Panamá | Paraguay | Perú | República Dominicana | Santa Llucía | San Vicente y les Granadines | San Cristuébanu y Nieves | Surinam | Trinidá y Tobago | Uruguay | Venezuela | Xamaica
Posesiones: Anguilla | Clipperton | Guadalupe | Guayana Francesa | Groenlandia | Islles Bermudes | Islles Caicos | Islles Caimán | Islles Malvines | Islles Sandwich del Sur | Islles Turques | Montserrat | Martinica | Puerto Rico | Shag Rocks |
