El Salvador

De Uiquipedia
Saltar a: navegación, buscar
Gtk-find-and-replace.svg
Esti artículu necesita una revisión por un correutor qu'ha d'ameyorar la so ortografía, la so gramática, la so sintaxis o'l so vocabulariu. Tamién, iguar les referencies o semeyes o con enllaces francíos.
(ver la llista completa d'artículos pa correxir)


República de El Salvador
Bandera de El Salvador Escudu de El Salvador
Bandera de El Salvador Escudu de El Salvador
Lema nacional: «Dios, Unión, Libertad»
Himnu nacional: Himnu Nacional de El Salvador
Situación de El Salvador
Capital
 • Población
 • Coordenaes
San Salvador
2.224.223(área metropolitana, est. 2006))
13º 40' N, 89º 10' O
Mayor ciudá San Salvador
Idiomes oficiales español
Forma de gobiernu
• Presidente
República
Mauricio Funes
Independencia
• Fecha
de España
15 de setiembre de 1821
Superficie
 • Total
 • % agua
Llendes
Costes
Puestu 152º
21,041 km²
1.5
545 km
307 km
Población
 • Total
 • Densidá
 • Densidá
Puestu 99º
6,200,000 (proyección, 2010)
324.24 ab./km²
324.24 hab/km²
PIB (PPA)
 • Total (2010)
 • PIB per capita
Puestu 94º
US$ 21.215 millones
US$ 3.618 (2010)
Moneda Colón salvadoreño
Xentiliciu salvadorianu, -a, -o
salvadoreñu, -a, -o
Zona horaria
 • en Branu
UTC - 6
UTC - 6
Dominiu d'Internet .sv
Códigu telefónicu +503
Prefixu radiófonicu HUA-HUZ
Códigu ISO 222 / SLV / SV
Miembru de: OEA, ONX
Sitiu web del Gobiernu:
{{{web_gobiernu}}}

El Salvador ye un país de clima tropical allugau en América Central, con una población d'aprosimadamente 6,8 millones d'habitantes. Darréu de la so estensión territorial (21.041 km²) tien la densidá poblacional más alta d'América continental.

Historia[editar | editar la fonte]

Na dómina precolombina l'actual territoriu salvadorianu tuvo habitáu por distintes etnies indíxenes, destacando los pipiles, una población d'orixe náhuat qu'ocupó la rexón occidental y central del territoriu y los lencas que poblaron la zona oriental del país. Pero'l dominiu más estensu hasta la conquista Española foi'l del reinu de Cuzcatlán.

Conquista, Colonia ya Independencia[editar | editar la fonte]

Los conquistadores españoles, encabezaos por Pedro de Alvarado, al par del so hermanu Gonzalo, cruciaron el ríu Paz ente los años 1524-1525. Aportaron dende la zona qu'entiende l'actual república de Guatemala depués de participar na conquista de México. Mientres la colonia, El Salvador formó parte de la Capitanía Xeneral de Guatemala, tamién conocida como Reinu de Guatemala. El territoriu salvadorianu tuvo estremáu nes Alcaldíes Mayores de Sonsonate y San Salvador, siendo esta postrera alzada como Intendencia a finales del sieglu XVIII.

En 1811 y 1814 produciéronse importantes alzamientos contra'l dominiu español qu'espresaron la molición independentista de los criollos. Finalmente, les naciones centroamericanes consiguieron la so independencia d'España, el 15 de setiembre de 1821. Dende'l 5 de xineru de 1822, les provincies de Centroamérica, salvo la oposición de la élite salvadoriana ya intelectuales guatemalianos, integráronse al Primer Imperiu Mexicanu, hasta'l 19 de marzu de 1823, cuando Agustín de Iturbide abdica ante'l congresu.

Dómina de la Federación Centroamericana[editar | editar la fonte]

Nel períodu que siguió a la independencia, El Salvador y los demás países centroamericanos intentaron caltener la unión heredada de la colonia y crearon la República Federal de Centroamérica, una federación que s'eslleió en 1839. En 1851 El Salvador sufre'l so más significativa derrota militar dende la so independencia, la Batalla de l'Arada. Depués de la disolución de la Unión asocedió un períodu de braceos ente lliberales y conservadores que s'enllargó hasta 1871. Mientres esti períodu, decayó el cultivu del añil ya introducióse el del café. Ente 1871 y 1931 asocediéronse los gobiernos lliberales que favorecieron los intereses de la naciente élite amestada al cultivu del café. En 1882, mientres la presidencia de Rafael Zaldívar, l'Asamblea Llexislativa decretó l'abolición de les tierres comunales y ejidales, que fueron vendíes a particulares, lo que provocó un cambéu sópitu na tenencia de la tierra.

Dómina del autoritarismu militar[editar | editar la fonte]

En 1929, la economía del país entró en crisis, de resultes de la cayida de los precios del café nel mercáu internacional. En 1931, el Xeneral Maximiliano Hernández Martínez, llegó al poder tres un golpe d'estáu contra'l presidente civil Arturo Araujo. Martínez, estableció un gobiernu ultraconservador y autoritariu y reprimió col exércitu una sublevación de llabradores ya indíxenes nel occidente del país, lo que resultó en muerte de miles de persones. El númberu de víctimes mortales d'estos fechos, entá s'alderique. Les cifres de muertos, difieren según el autores, y van dende 7.000 hasta 30.000 persones. Los historiadores inda alderiquen la influencia de los miembros del Partíu Comunista Salvadoreñu na insurrección y del dirixente comunista Farabundo Martí. El xeneral Martínez foi depuestu por una fuelga xeneral en 1944, llamada "La fuelga de los Brazos Cayíos". Pero'l so gobiernu marcó l'entamu d'una serie de gobiernos militares autoritarios socesivos, que remataríen en 1979 con un golpe d'Estáu al Xeneral Carlos Humberto Romero, del PCN y la instauración de la Xunta Revolucionaria de Gobiernu. En 1982, escoyóse una Asamblea Constituyente, a la que la Xunta apurrió'l poder; darréu celebráronse en 1984 les primeres elecciones presidenciales de la era democrática.

En 1969 producióse una curtia guerra con Hondures, que'l so nome formal ye "la guerra de la lexítima defensa",conocida tamién como "la Guerra de les 100 hores", o equivocadamente como "Guerra del Fútbol". La razón del conflictu anició nuna iniciativa de les autoridaes d'Hondures de llevar a cabu una reforma agraria dientro de les sos fronteres; dicha distribución de tierres favorecía solo a honduranos, lo cual obligó a miles de salvadorianos aniciaos n'Hondures a volver al so país, depués de ser espropiaos de les sos tierres. En respuesta a esta situación, El Salvador declaró la guerra a Hondures.

Guerra Civil[editar | editar la fonte]

L'ambiente de violencia política que se viviera la década anterior contribuyó descomanadamente a la guerra civil que duraría 12 años (1980-1992). Foi un conflictu que militarmente se definió como una Guerra de Baxa Intensidá, o Guerra Popular Enllargada, como la denominaben les fuerces guerrilleres del FMLN y que costó la vida a más de 75.000 persones ente muertos y sumíos.

Dellos factores que contribuyeron a la guerra fueron: la cayida internacional del preciu del café, los constantes fraudes electorales y el descontentu de la población pola forma de gobernar de los militares. Ente dellos sucesos qu'encendieron los ánimos mientres el conflictu armáu destaca l'asesinatu del arzobispu de San Salvador, Óscar Arnulfo Romero en 1980.

L'ambiente aturbolinao remató en 1992 cuando los combatientes del Frente Farabundo Martí pa la Lliberación Nacional (FMLN) formáu por cinco agrupaciones d'esquierda, y el gobiernu de derecha del entós presidente Alfredo Cristiani, d'Alianza Republicana Nacionalista (ARENA), roblaron los "Alcuerdos de Paz" el 16 de xineru de 1992 en Chapultepec, México, qu'aseguraron reformes polítiques y militares, pero nun afondaron nel aspeutu social.

Dómina de posguerra[editar | editar la fonte]

En 1992, la Corte Internacional de Xusticia (CIJ) mandó el desllinde de "Los Bolsones" (una área fronteriza apostada ente El Salvador y Hondures), pero, gracies a la intervención de la Organización de los Estaos Americanos (OEA) y la CIJ en 2003, la total demarcación de la frontera terrestre foi rematada nel 2006. Tamién en 1992, la CIJ aconseyó un resolvimientu tripartitu pa la creación de les fronteres marítimes nel Golfu de Fonseca. El Salvador sigue reclamando la Isla Coneyu, la cual nun s'inclúi na decisión de la CIJ n'este mesmu casu.

San Salvador, la capital, ye conocida polos munchos sismos qu'asoceden; polo cual llamóse-y popularmente "Valle de les Hamaques" dende tiempos de la colonia. En 1986 un terremotu de 7,5 graos d'intensidá na escala Richter y de 10 segundos de duración, destruyó gran parte de la ciudá de San Salvador. El 13 de xineru de 2001, otru terremotu, ésti de 7,9 graos na escala Richter, causó gran destrucción a lo llargo y anchu del país. Una de les traxedies humanes qu'asocedió de resultes del sismo, foi un desprendimientu de tierra nel llamáu Cordal del Bálsamu na ciudá de Santa Tecla nel departamentu de La Llibertá, que mató a más de 800 persones y dexó a dellos miles ensin llar. El 13 de febreru de 2001, un mes dempués, otru terremotu de semeyante magnitú mató a 255 persones, dexando ensin les sos cases a cientos de families, especialmente nel interior de la república onde viven les capes más probes de la sociedá.

Per otru llau, les últimes elecciones presidenciales, celebraes el 15 de marzu de 2009, dieron como ganador al periodista Carlos Mauricio Funes Cartagena del partíu FMLN.

Política y gobiernu[1][editar | editar la fonte]

Organización política[editar | editar la fonte]

La Constitución de 1983, promulgada el 15 d'avientu d'esi añu define l'ordenamientu llegal básicu del país. Ellí establezse qu'El Salvador ye un estáu soberanu, y el so gobiernu una república democrática representativa. El poder executivu exércelu'l presidente, col sofitu del vicepresidente y los ministros y viceministros. El presidente de la República ye electu por votación directa y permanez nel cargu 5 años. Nun puede ser reelexíu nel períodu siguiente, y ye, amás de presidente, comandante xeneral de les Fuerces Armaes.

El poder executivu ta nes manes de l'Asamblea Llexislativa d'El Salvador, un muérganu unicameral formáu por 84 diputaos elexíos cada trés años. No que cinca al poder xudicial, el so muérganu cimeru ye la Corte Suprema de Xusticia, formada por 15 maxistraos, de los que ún ye'l presidente de la Corte.

Colos Alcuerdos de Paz de Chapultepec (1992) creáronse la nueva Policía Nacional Civil, la Procuradoría pa la Defensa de los Derechos Humanos, y el Tribunal Supremu Electoral. Amás dióse-y vida llegal, como partíu políticu, a la oposición d'esquierda na forma del Frente Farabundo Martí pa la Lliberación Nacional (FMLN) y redefinióse el papel del exércitu, acutáu pa la defensa de la soberanía y l'integridá territorial. Tamién se suprimieron dellos cuerpos de seguridá que taben al mandu del exércitu, como fueron la Guardia Nacional, la Policía de Facienda y los Batallones especiales formaos pa caltener la guerra contra la insurxencia de los años 80.

Gobiernu[editar | editar la fonte]

El presidente del país ye, dende'l 1 de xunu de 2009, Mauricio Funes Cartagena. El so vicepresidente ye Salvador Sánchez Cerén, y el presidente de l'Asamblea Llexislativa ye Sigfrido Reyes. El conseyu de ministros fórmenlu les persones que vienen darréu:

  • Rellaciones Esteriores: Hugo Martínez.
  • Xusticia y Seguridá Pública: Xeneral David Munguía Payés.
  • Gobernación: Ernesto Zelayandía.
  • Facienda: Carlos Cáceres.
  • Economía: Héctor Dada Hirezi.
  • Educación: Salvador Sánchez Cerén.
  • Defensa Nacional: General José Atilio Benítez.
  • Trabayu y Seguridá Social: Humberto Centeno.
  • Agricultura y Ganadería: José Guillermo López Suárez.
  • Salú Pública y Asistencia Social: María Isabel Rodríguez.
  • Obres Públiques: Gerson Martínez.
  • Fiscal Xeneral: Romeo Benjamín Barahona.
  • Mediu Ambiente y Recursos Naturales: Herman Rosa Chávez.
  • Turismu: José Napoleón Duarte.

Partíos políticos y sindicatos[editar | editar la fonte]

Los principales partíos políticos del país son:

  • Frente Farabundo Martí de Lliberación Nacional (FMLN). El so coordinador xeneral ye Medardo González.
  • Alianza Republicana Nacionalista (ARENA). El so presidente ye Alfredo Cristiani
  • Partíu de la Esperanza (PE). Ye l'heriede del Partíu Demócrata Cristiano (PDC), disueltu pol Tribunal Supremu Electoral en 2011 por nun tener algamao el 3% de los votos nes elecciones presidenciales de 2004. El so secretariu xeneral ye Rodolfo Parker.
  • Concertación Nacional (CN). Ye'l socesor del Partíu de Conciliación Nacional (PCN), disueltu pol TSE en 2011 poles mesmes razones que l'anterior. El so secretariu xeneral ye Ciro Cruz Cepeda.
  • Cambéu Democráticu (CD). El so secretariu xeneral ye Tomás Chévez.
  • Gran Alianza pola Unidá Nacional (GANA). El so presidente executivu ye José Andrés Rovira.

Ente la bayura de sindicatos del país destaquen, pola so implantación:

  • Federación Nacional Sindical de Trabayadores Salvadoreños (FENASTRAS). El so secretariu xeneral ye Juan José Huezo.
  • Sindicatu de Trabayadores del Institutu Salvadoreñu del Seguru Social (STISSS). La so secretaria xeneral ye Armida Estela Franco.
  • Sindicatu de Médicos Trabayadores del Institutu Salvadoreño del Seguru Social (SIMETRIS). El so secretariu xeneral ye Julio César Gallardo.
  • Asociación Xeneral d'Emplegaos Públicos y Municipales (AGEPYM). El so secretariu xeneral ye William Huezo.

Xeografía[editar | editar la fonte]

Demografía[2][editar | editar la fonte]

La población del país, según la proyección pal 2010 de la Dirección General de Estadística y Censos, ye de 6.200.000 habitantes. Los más d'ellos (94%) son mestizos, con un 5% d'amerindios y un 1% de blancos d'orixe européu.

Les mayores ciudaes del país, según la mentada proyección, son:

Ciudá Población (2010)
San Salvador 317.295
Soyapango 271.357
Santa Ana 260.913
San Miguel 239.881
Apopa 154.124
Mejicanos 151.752
Santa Tecla 131.858
Ciudad Delgado 130.813


Economía[editar | editar la fonte]

Cultura[editar | editar la fonte]

Enllaces esternos[editar | editar la fonte]

Referencies[editar | editar la fonte]

  1. Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/
  2. Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/
El Salvador
Wikimedia Commons tien archivos rellacionaos con:


Países d'América
Antigua y Barbuda | Arxentina | Islles Bahames | Barbados | Belize | Bolivia | Brasil | Canadá | Chile | Colombia | Costa Rica | Cuba | Dominica | República Dominicana | Ecuador | Estaos Xuníos d'América | Granada | Guatemala | Guyana | Haití | Hondures | México | Nicaragua | Panamá | Paraguay | Perú | El Salvador | Saint Kitts y Nevis | Saint Lucia | Saint Vincent y les Granadines | Surinam | Trinidad y Tobago | Uruguay | Venezuela | Xamaica

Dependencies: Anguilla | Islles Bermudes | Islles Caimán | Clipperton | Guadalupe | Guyana Francesa | Groenlandia | Islles Malvines | Islles Turques y Caicos | Montserrat | Martinica | Puerto Rico | Shag Rocks | Xeorxa del Sur y Sandwich del Sur