Azerbaiján

De Uiquipedia
(Redirixío dende Azerbaixán)
Saltar a: navegación, buscar
Azərbaycan Respublikası
República d'Azerbaiján
Bandera d'Azerbaiján Escudu d'Azerbaiján
Bandera d'Azerbaiján Escudu d'Azerbaiján
Lema nacional: Nun tien
Himnu nacional: Azərbaycan Respublikasının Dövlət Himni
Situación d'Azerbaiján
Capital
 • Población
 • Coordenaes
Baku
2.100.000 (2003)
40°22′ N 49°53′ E
Mayor ciudá Baku
Idiomes oficiales Azerbaijanu
Forma de gobiernu República presidencialista
Ilham Aliyev
Artur Rasizade
Independencia
 • Declarada
 • Reconocida
De la Xunión Soviética
19 de payares de 1990
30 d'agostu de 1991
Superficie
 • Total
 • % agua
Llendes
Costes
Puestu 111º
86.600 km²
Cuasi inexistente
2.013 km
Nun tien
Población
 • Total
 • Densidá
 • Densidá
Puestu 89º
9 511 100[1] (2014 est.)
110 ab./km²
110 hab/km²
PIB (PPA)
 • Total (2011)
 • PIB per capita
Puestu 73º
US$ 94.318 millones[2]
US$ 10.340 (2011)[2]
Moneda Manat azerbaijanu (AZM)
Xentiliciu Azerbaijanu, -a, -o
Zona horaria
 • en Branu
(UTC+4)
(UTC+5)
Dominiu d'Internet .az
Códigu telefónicu +994
Prefixu radiófonicu 4JA-4KZ
Códigu ISO 031 / AZE / AZ
Miembru de: ONX, OSCE, OCE, COE
Sitiu web del Gobiernu:
www.en.president.az

La República d'Azerbaiján o L'Azerbaixán[3] (n'azerbaijanu: Azərbaycan o Азәрбајҹан y en rusu: Азербайджа́н), ye un país del Cáucasu xunto al Mar Caspiu, llendante con Rusia pel norte, con Xeorxa y Armenia pel oeste ya Irán pel sur.

Historia[editar | editar la fonte]

Perteneciente a Irán (entós Persia), Azerbaiján foi ocupada por Rusia nel sieglu XVIII, tando dividíu'l territoriu hasta entós en tres provincies: Arran, Shervan y Nakhjavan.

L'alministración rusa entamó a fines del sieglu XIX la esplotación de los campos petrolíferos de Baku. Tres la revolución de 1917, toa la transcaucasia algamó la independencia, pero terminada la guerra civil foi reincorporada a la nueva Xunión Soviética, col estatus de República.

Algamó definitivamente la independencia en 1991.

Con anterioridá a esa fecha, comenzó el conflictu bélicu pol control de Nagorno-Karabakh, un enclave autónomu dientro d'Azerbaiján pero de mayoría armenia. El conflictu causó 750.000 refuxaos y la perda del 14% del territoriu.

Gobiernu y política[editar | editar la fonte]

Azerbaiján ye una República presidencial. El Presidente ye elexíu per un períodu de 5 años. El poder llexislativu ta en manes de la Asamblea Nacional, un muérganu elexíu democráticamente y que tien 50 miembros.

La mayoría d'edá ta nos 18 años.

Los críticos del sistema políticu considérenlu en realidá una cleptocracia. La corrupción ta instalada en tolos niveles.

Organización político-alministrativa[editar | editar la fonte]

Azerbaiján ta dividida en:

Abseron Rayonu, Agcabadi Rayonu, Agdam Rayonu, Agdas Rayonu, Agstafa Rayonu, Agsu Rayonu, Ali Bayramli Sahari*, Astara Rayonu, Baku Sahari*, Balakan Rayonu, Barda Rayonu, Beylaqan Rayonu, Bilasuvar Rayonu, Cabrayil Rayonu, Calilabad Rayonu, Daskasan Rayonu, Davaci Rayonu, Fuzuli Rayonu, Gadabay Rayonu, Ganca Sahari*, Goranboy Rayonu, Goycay Rayonu, Haciqabul Rayonu, Imisli Rayonu, Ismayilli Rayonu, Kalbacar Rayonu, Kurdamir Rayonu, Lacin Rayonu, Lankaran Rayonu, Lankaran Sahari*, Lerik Rayonu, Masalli Rayonu, Mingacevir Sahari*, Naftalan Sahari*, República autónoma de Naxcivan**, Neftcala Rayonu, Oguz Rayonu, Qabala Rayonu, Qax Rayonu, Qazax Rayonu, Qobustan Rayonu, Quba Rayonu, Qubadli Rayonu, Qusar Rayonu, Saatli Rayonu, Sabirabad Rayonu, Saki Rayonu, Saki Sahari*, Salyan Rayonu, Samaxi Rayonu, Samkir Rayonu, Samux Rayonu, Siyazan Rayonu, Sumqayit Sahari*, Susa Rayonu, Susa Sahari*, Tartar Rayonu, Tovuz Rayonu, Ucar Rayonu, Xacmaz Rayonu, Xankandi Sahari*, Xanlar Rayonu, Xizi Rayonu, Xocali Rayonu, Xocavand Rayonu, Yardimli Rayonu, Yevlax Rayonu, Yevlax Sahari*, Zangilan Rayonu, Zaqatala Rayonu, Zardab Rayonu.

Xeografía[editar | editar la fonte]

Aj-map.png

El relieve d'Azerbaiján ta condicionáu pola cordillera del Caúcasu, qu'algama una altitú de 4.480 metros nel monte Bazar Djuzi. Sólo la fastera sur (atravesada pol ríu Kura) permite l'agricultura.

Perteneciente a Azerbaiján pero separtada físicamente d'él, alcuéntrase la república autónoma de Naxcivan (o Nakhichevan), que llenda con Irán y Armenia.

L'enclave de Nagorno-Karabakh paez definitivamente perdíu.

Economía[editar | editar la fonte]

Pese a los abondantes recursos petrolíferos, el país nun pudo hasta agora salir del marasmu económicu que siguió al esborru de la Xunión Soviética.

La economía ta basada na industria, incluyendo construcción de maquinaria, refináu de petróleu (del que'l país ye un productor mui importante), industria testil y química.

L'agricultura respresenta un terciu del PIB. Los regadíos tan perestendios. Nes tierres baxes, al llau del Mar Caspiu el clima permite'l cultivu d'algodón, frutes, , tabacu y otros cultivos típicos de los climes subtropicales. El guxán de seda cultívase pa'l so aprovechamientu na industria testil. Nes zones monteses del norte y del oeste prautícase la ganadería: vaques, oveyes y cabres. Nel Mar Caspiu praútícase la pesca, ente la qu'hai que citar la del esturión.

Demografía[editar | editar la fonte]

Alredor del 93% de la población ye étnicamente azerbaijana. Esti pueblu ta presente n'Irán, u esisten dos provincies del mesmu nome.

El restu de la población ye rusa y d'otres etnies.

Cultura[editar | editar la fonte]

Natura[editar | editar la fonte]

Notes[editar | editar la fonte]

  1. Trend informasiya agentliyi: Azərbaycan əhalisinin sayı 9511,1 min nəfərə çatıb — xəbərin yayınlanma tarixi: 14.06.2014
  2. 2.0 2.1 «Azerbaijan:Report for Selected Countries and Subjects». International Monetary Fund. Consultáu'l April 12, 2011.
  3. Cartafueyos Normativos. Nomes de los países del mundu y de les sos capitales y xentilicios, Academia de la Llingua Asturiana, 2010; ISBN 987-84-8168-500-8


Países d'Asia
Afghanistán | Arabia Saudita | Armenia | Azerbaiján | Bahrain | Bangladesh | Brunéi | Bhután | Camboya | China | Corea del Norte | Corea del Sur | Emiratos Árabes Xuníos | Filipines | India | Indonesia | Iraq | Irán | Israel | Kazakhstán | Kuwait | Laos | El Líbanu | Malasia | Maldives | Mongolia | Myanmar | Nepal | Omán | Pakistán | Qatar | Kirguistán | Rusia | Singapur | Siria | Sri Lanka | Thailandia | Tajikistán | Timor Oriental | Turkmenistán | Uzbekistán | Vietnam | Xapón | Xeorxa | Xordania | Yemen


Bandera de la OCI Organización pa la Cooperación Islámica Bandeira de la OCI
Afghanistán | Albania | Arabia Saudita | Arxelia | Azerbaiján | Bahrain | Bangladesh | Benín | Brunéi | Burkina Faso | Camerún | Chad | Costa de Marfil | Djibouti | El Líbanu | Emiratos Árabes Xuníos | Exiptu | Gabón | Gambia | Guinea | Guinea-Bissau | Guyana | Indonesia | Irán | Iraq | Kazakhstán | Kirguistán | Kuwait | Islles Comores | Libia | Malasia | Maldives | Mali | Marruecos | Mauritania | Mozambique | Níxer | Nixeria | Omán | Palestina | Pakistán | Qatar | Senegal | Sierra Leone | Siria |Somalia | Sudán | Surinam | Tajikistán | Togo | Túnez | Turkmenistán | Turquía | Uganda | Uzbekistán | Xordania | Yemen

Países observadores: Bosnia y Hercegovina | República Centroafricana | República Turca de Xipre del Norte | Thailandia | Rusia