Industria

De Uiquipedia
Saltar a: navegación, buscar
Fábrica en 1905.

La industria ye'l conxuntu de procesos y actividaes que tienen como finalidá tresformar les materies primeres en productos ellaboraos, de forma masiva. Esisten distintos tipos d'industries, según sían los productos que fabriquen. Por casu, la industria alimenticio dedícase a la ellaboración de productos destinaos a la alimentación, como'l quesu, los embutíos, les conserves, les bébores, etc. Pal so funcionamientu, la industria precisa materies primeres y maquinaries y equipos pa tresformales.

Dende l'aniciu del home, esti tuvo la necesidá de tresformar los elementos de la naturaleza pa poder aprovechase d'ellos, en sentíu estrictu yá esistía la industria, pero ye escontra finales del sieglu XVIII, y mientres el sieglu XIX cuando'l procesu de tresformación de los Recursos de la naturaleza sufre un cambéu radical, que se conoz como revolución industrial.

Esti cambéu básase, básicamente, nel amenorgamientu del tiempu de trabayu necesariu pa tresformar un recursu nun productu útil, gracies a l'usu de la manera de producción capitalista, que pretende'l consiguimientu d'un beneficiu aumentando los ingresos y menguando los gastos. Cola revolución industrial el capitalismu alquier una nueva dimensión, y la tresformación de la naturaleza algama llendes insospechados hasta entós.

Gracies a la revolución industrial les rexones pueden especializase, sobremanera, por cuenta de la creación de medios de tresporte eficaces, nun mercáu nacional y otru mercáu internacional, lo más llibre posible de torgues arancelaries y burocrátiques. Delles rexones van especializase na producción industrial, conformando lo que vamos conocer como rexones industriales.

Tipos d'industries[editar | editar la fonte]

Industria pesao: utiliza fábriques enormes nes que se trabaya con grandes cantidaes de materia primero y d'enerxía.

-Siderúrxiques: tresformen el fierro n'aceru.

-Metalúrxiques: trabayen con otros metales distintos al fierro yá sía cobre, aluminiu, etc.

-Cementeres: fabriquen cementu y formigón a partir de les llamaes roques industriales.

-Químiques de base:producen acedos, fertilizantes, esplosivos, pintures y otres sustances.

-Petroquímiques: ellabora plásticos y combustibles.

Industria llixero:tresforma materies primeres en brutu o semielaboradas en productos que se destinen directamente al consumu de les persones y de les empreses de servicios.

Alimentación: utiliza productos agrícoles, pesqueros y ganaderos pa fabricar bébores, conserves,etc...

Testil: fabrica texíos ya igua ropa a partir de fibres vexetales,como'l llinu y l'algodón, y fibres animales como la llana y sintétiques como'l nailon y el poliester.

Ver tamién[editar | editar la fonte]