Lletricidá

De Uiquipedia
Saltar a: navegación, buscar
La lletricidá na so manifestación ñatural más imponente: el rellampu

La lletricidá ye un fenómenu físicu orixináu por cargues llétriques estátiques o en movimientu y pola so interaición. Cuando una carga alcuéntrase en reposu produz fuercies sobre otres asitiaes al so rodiu. Si la carga se devana produz tamién fuercies magnétiques.

Hai dos tipos de cargues llétriques, nomaes positives y negatives. La lletricidá ta presente en delles partícules subatómiques. La partícula fundamental más lixera que lleva carga llétrica ye l'electrón, que tresporta una unidá de carga. Los átomos en circunstancies normales contienen electrones, y a menudu los que tán más alloñaos del nucleu despréndense con muncha facilidá. En delles sustancies, como los metales, proliferen los electrones llibres. D'esta miente un cuerpu queda cargáu llétricamente gracies a la reordenación de los electrones.

Un átomu normal tien cantidaes iguales de carga llétrica positiva y negativa, polo tanto ye llétricamente neutru. La cantidá de carga llétrica tresportada por tolos electrones del átomu, que por convención son negatives, ta equilibrada pola carga positiva llocalizada nel nucleu. Si un cuerpu contién un escesu d'electrones quedará cargáu negativamente. D'otra miente, cola ausencia d'electrones un cuerpu queda cargáu positivamente, per aciu de qu'hai más cargues llétriques positives nel nucleu.

Ver tamién[editar | editar la fonte]