Electromagnetismu

De Uiquipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Ferrofluyíu que s'agrupa cerca de los polos d'un magnetu poderosu.

L'electromagnetismu ye una rama de la física qu'estudia y unifica los fenómenos eléctricos y magnéticos nuna sola teoría, que los sos fundamentos definiéronse por Michael Faraday y formuláronse per primer vegada de manera completa por James Clerk Maxwell. La formulación consiste en cuatro ecuaciones diferenciales vectoriales que rellacionen el campu eléctricu, el campu magnéticu y les sos respeutives fontes materiales (corriente eléctrica, polarización eléctrica y polarización magnética), conocíes como ecuaciones de Maxwell.

L'electromagnetismu ye una teoría de campos; esto ye, les esplicaciones y predicciones qu'apurre básense en magnitúes físiques vectoriales o tensoriales dependientes de la posición nel espaciu y del tiempu. L'electromagnetismu describe los fenómenos físicos macroscópicos nos cualos intervienen cargues eléctriques en reposu y en movimientu, usando pa ello campos eléctricos y magnéticos y los sos efectos sobre les sustancies sólides, líquides y gaseoses. Por ser una teoría macroscópica, esto ye, aplicable namái a un númberu bien grande de partícules y a distancies grandes respeutu de les dimensiones d'estes, l'electromagnetismu nun describe los fenómenos atómicu y molecular, pa los que ye necesariu usar la mecánica cuántica.

L'electromagnetismu consideráu como fuerza, ye una de les cuatro fuerces fundamentales del universu anguaño conocíu.Plantía:Link GA