Provenza-Alpes-Costa Azul

De Uiquipedia
Saltar a: navegación, buscar

Provenza-Alpes-Costa Azul (en francés: Provence-Alpes-Côte d'Azur, n'ocasiones acurtiada PACA) ye una rexón de Francia allugada nel sureste del país, na costa del Mar Mediterraneu. La rexón llenda al norte cola rexón de Ródano-Alpes, al este con Italia (rexones de Liguria y Piamonte), al sur col mar Mediterraneu, y al oeste cola rexón de Languedoc-Rosellón. Arrodia a Mónaco, una pequeña ciudá-principáu independiente. La so capital ye Marsella.

La rexón ta formada per seis departamentos, que yeren les provincies de Provenza (Provence) y el Delfinado (Dauphiné) demientres l'Antiguu Réxime. Una parte de Vaucluse ye resultáu de la anexón del condáu nel periodu revolucionariu y la mayor parte de los Alpes-marítimos de la incorporación del condáu de Niza a Francia demientres el segundu imperiu.

Xeografía[editar | editar la fonte]

La xeografía de la rexón Provenza-Alpes-Costa Azul carauterizase nel ámbitu físicu pola so gran diversidá y pola marcada división del so territoriu.

División político-alministrativa[editar | editar la fonte]

La rexón tien seis departamentos:

Relieve[editar | editar la fonte]

Comprende zones altes de montes, formaes pol brazu sudeste del arcu alpín, cadenes costeres qu'aislen llanures llitorales, y na so parte occidental, zones de llanura nel baxo valle del Ródano, que desemboca nun delta pantanosu (la Camargue). El puntu más altu de la rexón allugase na Barre des Écrins (4.102 m) nos Hautes-Alpes.

Clima[editar | editar la fonte]

El clima, de tipu mediterraneu, ta mui influyíu pol vientu del norte, el mistral. El Var ye una rexón acostumada a les considerables canícules, sicasí na fola de calor europea de 2003 -nel momentu de la fola de calor- y en xunetu de 2005/agostu de 2005, el calor foi tal que se declararen numberosos fueos, arrasando una gran parte de la vexetación del Massif des Maures.

Demografía[editar | editar la fonte]

Nel llitoral mediterraneu atopase la mayor parte de la población. Ye la tercer rexón más poblada (4,5 millones d'habitantes) dempués d'Islla de Francia y Ródano-Alpes. La so densidá de población, 144 habitantes/km², ye dalgo superior a la media nacional (110).

La población, fuertemente urbanizada, agrupase en torno a cuatro centros urbanos principales: tres sobre'l llitoral, Marsella, Toulon y Niza, y unu nel valle del Ródano, Aviñón. Los dos departamentos montañoses de los Hautes-Alpes y de los Alpes-de-Haute-Provence cuenten solu con 250.000 habitantes, lo que quier dicir, el 6% de la población total. La Costa Azul, parte del llitoral que s'estiende ente Toulon y les llendes con Italia, ye una de les rexones de Francia más frecuentaes polos turistes franceses y estranxeros.

Enllaces esternos[editar | editar la fonte]