Niza

De Uiquipedia
Saltar a: navegación, buscar
Vista panorámica del paseu marítimu de la ciudá, la "Promenade des Anglais"
Vista xeneral de la ciudá y del puertu.

Niza (en francés Nice [nis], n'occitanu Nissa o Niça, n'italianu Nizza) ye una ciudá y comuna francesa allugada nel departamentu d'Alpes Marítimos, na rexón de Provenza-Alpes-Costa Azul.

Ye unu de los centros de la turística rexón de la Costa Azul o Riviera francesa, na proximidá de los llendes con Italia, na parte baxa de los Alpes, al este del ríu Var o Varo.

Niza, capital hestórica del Condáu de Niza, foi una llocalidá lligada a Italia hasta la so definitiva integración en Francia a finales del sieglu XIX. Una parte de la so población caltién el nicense o niçard, niçois, o nizzardo, una variedá de la llingua galoitaliana llamada ligur, asemeyáu al idioma monegascu, y como ésti, mui influyíu pol dialeutu occitanu llamáu provenzal y, dende la segunda metá del sieglu XIX pol francés.

Güei ye la quinta ciudá más poblada de Francia. Nel 1990 la población de la ciudá yera de 345.700 habitantes, llogrando los 933.080 habitantes en toa l'área urbana nel censu de 1999. El so aeropuertu Nice-Côte d'Azur ye'l segundu con mayor tráficu del país galu.

Allugada ente les ciudaes franceses de Cannes y Montecarlo, Niza ye la reliquia de la Costa Azul, núcleu de la Riviera Francesa.

El so prestixosu balneariu y costes atraen a miles de ricos turistes tolos años, polo que ye la segunda ciudá más visitada de Francia.

Caminar per Niza ye un verdaderu luxu y símbolu del turismu más esquisitu.

Pue disfrutase de los sos paseos, sableres, museos, movida de la nueche y de la llamativa vista del Mediterraneu.

Hora llocal: GMT+1; GMT+2, en branu. Prefixu telefónicu:33

Enllaz Esternu[editar | editar la fonte]

[1]