Rio de Janeiro

De Uiquipedia
Saltar a: navegación, buscar

La ciudá de Rio de Janeiro (nome completu: São Sebastião do Rio de Janeiro, que quier dicir en llingua asturiana: San Sebastián del Ríu de Xineru, tamién conocida simplemente como Rio) ye la capital de l'estáu homónimu, la segunda ciudá más grande y poblada de Brasil dempués de São Paulo y tamién d'una de les más importantes ciudaes en Brasil; nómase A cidade maravilhosa ("la ciudá maraviosa") pola so belleza. A les persones nacíes na ciudá tienen el xentiliciu de carioca o fluminense. Foi la capital de Brasil dende 1763 fasta 1822, mientres Brasil foi una colonia portuguesa, y llueu fasta 1960 como una nación independiente, cuando la capitalidá del país camudó a la recién construyida Brasília.

Ye famosa polos sos entornos naturales, poles sos prestixoses cellebraciones d'antroxu, pola samba y otres músiques, poles sos playes turístiques enllenes d'hoteles (como Copacabana ya Ipanema). Dalgunos puntos d'interés sacantes les playes son la estatua xigante de Xesús, conocida como'l Cristu Redentor, asitiada na cima del cerru del Corcovado; el picu Pan d'Azúcar, col so teleféricu; el Sambódromu, una gran avenida utilizada pelantroxu; y l'estadiu de fútbol de Maracaná, unu de los más grandes del mundu.

El 2 d'ochobre de 2009, el Comité Olímpicu Internacional asignó a Rio de Janeiro la cellebración de los Xuegos Olímpicos de 2016.


Enllaces esternos[editar | editar la fonte]