San Petersburgu

De Uiquipedia
Saltar a: navegación, buscar
Palaciu d'iviernu, San Petersburgu.

San Petersburgu (en Rusu: Санкт-Петербург, AFI: [sankt pʲɪtʲɪrˈburk], Sankt Peterburg) ye la segunda ciudá n'importancia de Rusia, con 4.581.854 habitantes (2009) y un área metropolitana de 5,85 millones. Alcuéntrase asitiada na Rexón de Leningráu, nome que compartía cola ciudá mientres la época soviética (1924–1991). Los otros nomes de la ciudá foron Petrográu (Петрогра́д, 1914–1924) y Leningráu (Ленингра́д, 1924–1991).

Foi fundada pol zar Pedru el Grande el 16 de mayu de 1703 cola intención de convertirla na "ventana de Rusia facia'l mundu occidental". A partir de entoncies convirtióse en capital de l'imperiu rusu mientres más de doscientos años fasta que tres la revolución rusa la capital del país regresó a Moscú.

N'actualidá San Petersburgu ye la segunda ciudá más grande de la Federación Rusa y una de les ciudaes más grandes d'Europa. El centru de la ciudá ye considerau pola Unesco, Patrimoniu de la Humanidá. San Petersburgu ye amás sede de la corte constitucional de Rusia.

Enllaces esternos[editar | editar la fonte]