Oslo

De Uiquipedia
(Redirixío dende Oslu)
Saltar a: navegación, buscar

Oslo (tamién Oslu[1]) ye la capital y la ciudá más poblada de Noruega, amás de ser el so centru políticu, económicu y cultural. Políticamente constitúi un conceyu y al empar una de les diecinueve provincies del país. Según el censu d'1 de xineru de 2009 la so población yera de 607.292 habitantes, un 12% de la población total de Noruega, y pa la estimación de xineru del 2013 la población yera de 623.966. Ye la tercer ciudá y área urbana escandinava más poblada, namás superada por Copenhague y Estocolmu en dambos casos.

La so área metropolitana estiéndse a la contorna de la provincia de Akershus y tien una población de 1,5 millones d'habitantes. La superficie total entendida por Oslo ye de 154 km², de los que 115 km² son urbanos y 7 km² son rurales. Los espacios abiertos dientro de l'área urbana suman un total de 22 km².

La ciudá d'Oslo foi establecida como conceyu'l 3 de xineru de 1838. Foi dixebrada de la provincia de Akershus como una provincia independiente en 1842. El conceyu rural de Aker foi absorbíu pola espansión de Oslu en 1948 (y tresferida de la provincia de Akershus al conceyu de Oslo). La capital noruega entá comparte delles funciones importantes con Akershus y ye oficialmente la capital d'esta postrera.

Referencies[editar | editar la fonte]

  1. Cartafueyos Normativos. Nomes de los países del mundu y de les sos capitales y xentilicios, Academia de la Llingua Asturiana, 2010; ISBN 987-84-8168-500-8