Patrimoniu de la Humanidá

De Uiquipedia
Saltar a: navegación, buscar
Bandera oficial de la UNESCO de Patrimoniu de la Humanidá.

Patrimoniu de la Humanidá, ye'l títulu que recibe un sitiu específicu (seya viesca, monte, llagu, ermu, edificación, complexu o ciudá) que foi nomináu pal programa internacional Patrimoniu de la Humanidá pol comité de la Organización de les Naciones Xuníes pa la Educación, la Ciencia y la Cultura (UNESCO) debíu a la so importancia esceicional, cultural o ñatural.

L'oxetivu del programa ye catalogar, preservar, y dar a conocer sitios d'importancia cultural o ñatural esceicional pa l'heriedu común de la humanidá. Embaxu delles condiciones, los sitios mencionaos puen obtener fondos de la fondación pa la conservación del Patrimoniu de la Humanidá. Foi fondáu pola Convención pa la proteición de l'heriedu cultural y ñatural de la humanidá, que darréu foi adoptáu pola conferencia xeneral de la UNESCO'l 16 de payares de 1972. Dende entós, 180 países ratificaren la convención.