Xeografía

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Nuvola apps kalzium.png
Esti artículu forma parte de la serie
Ciencies
Ciencies naturales

AstronomíaBioloxía
FísicaXeoloxía
MatemátiquesQuímica

Ciencies sociales

AntropoloxíaDerechu
EconomíaEducación
FilosofíaLlingüística
HistoriaPolítica
SicoloxíaSocioloxía
Xeografía

Ciencies aplicaes

AgriculturaCiencies de la salú
ComunicacionesInformática
Inxeniería

La Xeografía ye la ciencia que tien por oxetu l'estudiu de la superficie terrestre y la distribución espacial y les rellaciones recíproques de los fenómenos físicos, biolóxicos y sociales que nella tan manifestaos.

Nun xacíu clásicu la Xeografía ye la descripción de la Tierra, pero anguaño, amás de describir, la xeografía tenta de desplicar. Ye la ciencia que agrupa les demás ciencies, tanto ñaturales como sociales, dende la hestoria fasta les matemátiques, ya que los campos d'estudiu son pervariaos:

En Xeografía Matemática estúdiase:

Topografía, con métodos de la Xeometría y les Matemátiques.
Cartografía, con métodos de la Xeodesia y Xeometría.
Xeografía astronómica, con métodos de la Astronomía y Xeometría.
Xeomática, con métodos de la Informática y Xeometría.
Orografía, con métodos de les Matemátiques y la Xeometría
En Xeografía física estúdiase:
Xeomorfoloxía, con métodos de la Litoloxía y la Xeofísica.
Pedoloxía, con métodos de la Edafoloxía y Xeomorfoloxía
Climatoloxía, con métodos de la Meteoroloxía y la Estadística.
Hidroloxía, continental y marina, con métodos de la Oceanografía y la Estadística.
Glacioloxía, con métodos de la Climatoloxía y la Estadística
Bioxeografía con métodos de la Bioloxía, la Botánica, la Zooloxía, la Edafoloxía y la Ecoloxía.
Paleoxeografía de la Xeografía en general y Xeología
En Xeografía humana estúdiase:
Xeografía de la población, con métodos de la Demografía, la Socioloxía y les Matemátiques.
Xeografía rural, con métodos de la Agronomía, la Climatoloxía, la Estadística y la Economía.
Xeografía económica con métodos de la Economía, les Matemátiques y la Socioloxía.
Xeopolítica, con métodos de les ciencies polítiques y la Economía.
Xeohestoria, con métodos de la hestoria.
Xeografía urbana, con métodos del Urbanismu, la Socioloxía y les Matemátiques.

Los métodos de la Hestoria aparecen en toes elles, falando incluso de Xeografía cultural, asina como los estadísticos y matemáticos. Tamién utilícense métodos d'Astronomía y Xeodesia pa facer los mapes (Cartografía), asina como la determinación de códigos de signos que ayuden a interpretalos.

Per otru llau, la Xeografía puede estudiase de forma xeneral o concretada nuna zona, rexón o país determináu. Falamos asina de Xeografía xeneral y Xeografía rexonal que ye la que s'ocupa de la aplicación de los análisis xeográficos a países concretos.