República Checa

De Uiquipedia
Saltar a: navegación, buscar
Česká republika, Česko
República Checa
Bandera de República Checa Escudu de República Checa
(Bandera de República Checa) (Escudu de República Checa)
Lema nacional: Pravda vítězí
(
«La verdá vence.»)
Himnu nacional: Kde domov můj?
(Au ta'l mio llar?)
Situación de República Checa
Capital
 • Población
 • Coordenaes
Praga
1.172.975 (2005)
50°05' N 14°28' E
Mayor ciudá Praga
Idiomes oficiales Checu
Forma de gobiernu República
Miloš Zeman
Bohuslav Sobotka
Independencia
 • Declarada
De Checoslovaquia
1 de xineru de 1993
Superficie
 • Total
 • % agua
Llendes
Costes
Puestu 114º
78.866 km²
2,0
1.881 km
nun tien
Población
 • Total
 • Densidá
 • Densidá
Puestu 79º
10.306.700 (2007)
130 ab./km²
130 hab/km²
PIB (PPA)
 • Total (2006)
 • PIB per capita
Puestu 41º
US$ 141.801 millones
US$ 13.848
Moneda Corona Checa (CZK)
Xentiliciu Checu, checa
Zona horaria
 • en Branu
CET (UTC+1)
CEST (UTC+2)
Dominiu d'Internet .cz
Códigu telefónicu +4201
Prefixu radiófonicu OMA-OMZ
Códigu ISO 203 / CZE / CZ
Miembru de: UE, OCDE, OTAN, ONU, OSCE
Sitiu web del Gobiernu:
{{{web_gobiernu}}}
1 Códigu 42 compartíu con Eslovaquia hasta 1997

La República Checa (Česká republika) o Chequia[1] (Česko) ye un país d'Europa central, ensin salida al mar y con llendes al norte con Alemaña y Polonia, al este con Eslovaquia y al sur Austria.

Hestoria[editar | editar la fonte]

El territoriu checu foi unificáu a caberos del sieglu IX pola dinastía de los přemyslitas. El Reinu de Bohemia foi un poder llocal significante, siendo'l rei de Bohemia ún de los siete elleutores del emperador del Sacru Imperiu Romanu.

Durante los quinientos años siguientes foi un reinu estable, centru de cultura ya educación n'Europa Central. Durante'l reináu de Carlos IV (1344-1378), Bohemia vivió la so dómina d'oru. Carlos IV convirtió a esta monarquía en la capital del Sacru Imperiu Romanu Xermánicu. Nel añu 1348 fundó la Universidá Carolina de Praga, el centru d'estudios superiores más antigu d'Europa Central.

Castiellu de Praga
Guardia ceremonial nes afueres del Castiellu de Praga

Llueu de la muerte de Carlos IV entama un período de decaecimientu del reinu ya inestabilidá política. Ún de los fautores foren los conflitos relixosos como les guerres husites provocaes pola quema na foguera del reformista Jan Hus en 1415 nel Conceyu de Constanza. Dempués de la dinastía de los reis polacos Jagellón, foi elexíu en 1526 al tronu checu el Habsburgo Fernando II. Con esti autu, y per casi cuatrocientos años, los Habsburgo ocuparon la corona checa, y per ende, pasó a ensamar parte del Imperiu Austríacu -postreramente Austrohúngaru-. Baxo'l réximen d'esa familia reinante, Bohemia sofrió guerres afaradores como la Guerra de los Trenta Años nel sieglu XVII y la Guerra de los Siete Años durante la dómina de la Reina María Teresa nel sieglu XVIII.

Dempués del colapsu d'Austria-Hungría tres de la Primera Guerra Mundial, los checos xunto colos sos vecinos los Eslovacos xuniéronse pa ensamar la república independiente de Checoslovaquia en 1918. Esti nuevo país contenía a una gran minoría alemana, lo que llevó a la disolución de Checoslovaquia cuando Alemaña anexó a esta minoría en virtú de los Alcuerdos de Múnich en 1938 y Eslovaquia declaró la so independencia. L'Estáu checu restante foi ocupáu polos alemanes en 1939.

Al finar la Segunda Guerra Mundial Checoslovaquia convirtióse nun Estáu socialista alliniáu cola Xunión Soviética. En 1968, una intervención armao de fuercies del Pautu de Varsovia terminó con una riestra de reformes empobinaes pol entós primer ministru Alexander Dubček, conocíes como la Primavera de Praga (en checu "Pražské jaro"), que tendíen según los sos partidarios a criar un "socialismu con face humano". En 1989 Checoslovaquia adoutó'l multipartidismu y entamó a dexar progresivamente la economía socialista, lo que se conoz como Revolución de Terciopelu. El 1 de xineru de 1993 Checoslovaquia dixebróse en dos por decisión parllamentaria. Dende entós, la República Checa, per un llau, y la República Eslovaca (o Eslovaquia), per otru, son dos países independientes.

La República Checa xunióse la OTAN en 1991 y a la Xunión Europea en 2004.

Gobiernu y política[editar | editar la fonte]

Václav Havel, primer presidente de la República Checa.
Václav Klaus, Presidente de la República Checa (2008).

Ye una Democracia parllamentaria, que la so Constitución y la Carta de les llibertaes y Drechos Fundamentales (parte integrante na Carta Magna de la República Checa) foron ratificaes el 16 d'avientu de1992, entraron en vixencia el primeru de xineru de 1993.

El drechu civil sofítase nel sistema llegal austro - húngaru. El sistema llegal alcuéntrase anguaño na estaya final d'armonización cola llexislación de la Xunión Europea.

El xefe d'Estáu - Presidente de la República, ye ellexíu nes eleiciones indireutes poles dos cámares del Parllamentu na so sesión conxunta, el mandatu presidencial ye de 5 años.

El Gobiernu fórmase cada cuatro años, en bas de los resultaos algamaos nes eleiciones parllamentaries (partíu ganaor en les eleiciones o coalición ente los principales partíos ganadores). A la tiesta del gabinete gubernamental alcuéntrase el Primer Ministro (Presidente del Gobiernu), propuestu poles fuercies polítiqiues ganadores nes eleiciones y ratificáu pol Presidente de la República.

El so poder llexislativu sofítase nun Parllamentu de la República Checa, bicameral. La cámara de Diputaos tien 200 escaños, y les eleiciones parllamentaries fáense cada cuatro años, en bas a un sistema proporcional. El Senáu cunta con 81 senadores, elexíos pal períodu de 6 años (sistema mayoritariu). Una tercera parte del Senáu renuévase en eleiciones cada dos años.

El Ministeriu de Rellaciones Esteriores de la República Checa encamienta l'usu de[2] la denominación "Chequia" (en checu Česko) pa cualesquier situación sacante nos documentos oficiales, y deseya que se siga el mesmu patrón que con otros estaos, por exemplu, la República Francesa o el Reinu d'España, davezu conocíos como Francia y España, respeutivamente. Entá asina, magar que'l términu curtiu entama a usase, el términu entá nun tien reconocencia na cartografía, y el so reemplazu nun tiempu prósimu nun paez columbrable.

Organización políticu-alministrativa[editar | editar la fonte]

La República Checa ta ensamada por 13 rexones (kraje en checu) y una ciudá capital (hlavní město), conseñada con un *:

Color Rexón Capital Habitantes
(2005)
  Praga* (Hlavní město Praha) Praga 1 176 592
  Bohemia Meridional (Jihočeský kraj) České Budějovice 626 870
  Moravia Meridional (Jihomoravský kraj) Brno 1 130 620
  Karlovy Vary (Karlovarský kraj) Karlovy Vary 304 644
  Hradec Králové (Královéhradecký kraj) Hradec Králové 547 903
  Liberec (Liberecký kraj) Liberec 428 291
  Moravia-Silesia (Moravskoslezský kraj) Ostrava 1 251 883
  Olomouc (Olomoucký kraj) Olomouc 639 033
  Pardubice (Pardubický kraj) Pardubice 505 584
  Plzeň (Plzeňský kraj) Plzeň 550 369
  Bohemia Central (Středočeský kraj) Praga 1 150 040
  Ústí nad Labem (Ústecký kraj) Ústí nad Labem 823 020
  Vysočina (Kraj Vysočina) Jihlava 510 032
  Zlín (Zlínský kraj) Zlín 590 484
Czech-regions.png

Xeografía[editar | editar la fonte]

Allugada n'Europa central, a unos 50 graos de llatitú Norte y 15 de llonxitú Este. Con una superficie de 78.864 km2, comparable cola de Portugal, Austria o Irlanda, esti estáu tien una densidá demográfica de 131 habitantes por quilómetru cuadráu.

Nel interior del país apaecen llanades y mesetes llixeramente ondulaes, mentres que a lo llargo de la llende, sacantes nel sureste del país, írguinse cordoleres montañoses qu'ensamaben hestóricamente la llende ñatural de los denomaos Países Checos. El puntu más baxu ye la salida del ríu Elba del territoriu checu, mentres que'l más altu ye'l monte Sněžka, con 1.602 d'altor.

El bioma dominante ye la viesca templada de frondoses, magar que tamién s'alcuentra la viesca templada de coníferes nos Cárpatos. WWF dixebra'l territoriu de República Checa ente cuatro ecorrexones:

Referencies[editar | editar la fonte]

  1. Cartafueyos Normativos. Nomes de los países del mundu y de les sos capitales y xentilicios, Academia de la Llingua Asturiana, 2010; ISBN 987-84-8168-500-8
  2. Llista de nomes y abreviaciones oficiales nel Llibro d'estilu interinstitucional. Ha notase que na columna nome usual recomiéndase el términu Chequia.
República Checa
Wikimedia Commons tien archivos rellacionaos con:


Bandera de la Xunión Europea Países de la Xunión Europea
Alemaña | Austria | Bélxica | Bulgaria | Chequia | Croacia | Dinamarca | Eslovaquia | Eslovenia | España | Estonia | Finlandia | Francia | Grecia | Hungría | Irlanda | Italia | Letonia | Lituania | Luxemburgu | Malta | Países Baxos | Polonia | Portugal | Reinu Xuníu | Rumanía | Suecia | Xipre
Rexón ultraperiférica de la Xunión Europea: Azores | Canaries | Guadalupe | Guyana Francesa | Madeira | Martinica | La Reunión



Países d'Europa
Albania | Alemaña | Andorra | Austria | Bielorrusia | Bélxica | Bosnia y Hercegovina | Bulgaria | República Checa | Croacia | Dinamarca | Eslovaquia | Eslovenia | España | Estonia | Finlandia | Francia | Grecia | Hungría | Irlanda | Islandia | Italia | Letonia | Liechtenstein | Lituania | Luxemburgu | República de Macedonia | Malta | Moldavia | Mónaco | Montenegro | Noruega | Países Baxos | Polonia | Portugal | Reinu Xuníu | Rumanía | Rusia | San Marino | Serbia | Suecia | Suiza | Turquía | Ucraína | Vaticanu | Xeorxa | Xipre

Dependencies: Akrotiri y Dhekelia | Gibraltar | Guernsey | Islles Feroe | Islla de Man | Jersey | Svalbard ya Islla Jan Mayen

Rexón autónoma: Islles Åland

Países con status discutíu: Abkhasia | Kosovo | Osetia del Sur | Transnistria