Rei

Nes monarquíes, el Rei o Monarca ye'l xefe d'Estáu d'un país, asumíu d'una forma tradicional, mayoritariamente herieditaria. Pue recibir desemeyaos títulos, como rei / reina, emperador / emperatriz, gran duque / gran duquesa, caudiellu o cacique. Arriendes, hai términos específicos derivaos de les llingües llocales, como zar (de Rusia), faraón (d'Exiptu), kan (pa dellos estaos de lo qu'anguaño ye China y Mongolia), etc. Los monarques de los estaos gobernaos pola llei islámica yeren denomaos sultanes. Los términos príncipe y princesa destínense en dalgunos estaos a los fíos, descendientes o heriedes del monarca, pero n'otros, ye'l mesmu monarca el que tien el títulu de príncipe. En dalgunos países, europeos, asiáticos y africanos un "rei" ye'l xefe d'estáu d'una nación-estáu pero n'otros países africanos, el rei pue que namái lo seya d'una tribu y ésta nun se correspuende con un estáu. El sistema de gobiernu empobináu por un monarca denómase Monarquía.

Socesión

El sistema de socesión al tronu nun ye'l mesmu en toles monarquíes. El vezu ye que'l socesor d'un rei seya'l so fíu primoxénitu (home); nel casu que nun lu hubiere, asocederíalu la so fía mayor (dependiendo si tala monarquía dexa reinar a muyeres) o dalgún familiar de sexu masculín, ya inclusu que la socesión pase per una rama femenina del llinaxe.

Monarques anguaño

Los monarques autuales son:

1. Rei Bhumibol Adulyadej de Tailandia (1946)
2. Reina Sabela II de Reinu Xuníu, Antigua y Barbuda, Australia, Bahames, Barbados, Belize, Canadá, Granada, Nueva Zelanda, Papúa Nueva Guinea, Islles Salomón, Saint Kitts y Nevis, San Vicente y les Granadines, Santa Llucía, Tuvalu y Xamaica (1952)
3. Sultán Muda Hassanal Bolkiak de Brunéi (1967)
4. Sultán Qaboos ibn Sa'id Al 'Bu Sa'id d'Omán (1970)
5. Reina Margarita II de Dinamarca (1972)
6. Rei Carlos XVI Gustavo de Suecia (1973)
7. Rei Xuan Carlos I d'España (1975)
8. Reina Beatriz de los Países Baxos (1980)
9. Rei Mswati III de Suazilandia (1986)
10. Emperador Akihito de Xapón (1989)
11. Príncipe Hans-Adam II de Liechtenstein (1989)
12. Rei Harald V de Noruega (1991)
13. Rei Alberto II de los Belxicanos (1991)
14. Emir Hammad al-Thani de Qatar (1995)
15. Rei Letsie III de Lesothu (1996)
16. Rei Abdalá II de Xordania (1999)
17. Rei Mohammed VI de Marruecos (1999)
18. Gran Duque Enrique I de Luxemburgu (2000)
19. Rei Gyanendra de Nepal (2001)
20. Rei Hamad bin Isa al Khalifa de Baḥréin (2002)
21. Copríncipes de Andorra: Joan Enric Vives Sicília (2003) y Nicolas Sarkozy (2007)
22. Rey Norodom Sihamoni de Camboya (2004)
23. Presidente Khalifa bin Zayed Al Nahayan de los Emiratos Árabes Xuníos. Emir d'Abu Dhabi (2004)
    1. Emir Hamad ibn Muhammad ash-Sharqi de Fujairah, Emiratos Árabes Xuníos (1974)
    2. Emir Rashid ibn Ahmad Al Mu'alla de Umm al Qaywayn, Emiratos Árabes Xuníos (1981)
    3. Emir Humayd ibn Rashid Al Nuaimi d'Ajman, Emiratos Árabes Xuníos (1981)
    4. Emir Emir Sultan III ibn Muhammad al-Qasimi de Sharjah, Emiratos Árabes Xuníos (1987)
    5. Emir Mohammed bin Rashid Al Maktoum de Dubai, Emiratos Árabes Xuníos (2006)
24. Príncipe Albertu II de Mónacu (2005)
25. Papa Benedictu XVI. Monarca del Estáu de la Ciudá del Vaticanu (2005)
26. Rei Abdullah d'Arabia Saudita (2005)
27. Emir Sabah Al-Ahmad Al-Jaber Al-Sabah de Kuwait (2006)
28. Rei Taufa'ahau Tupou V de Tonga (2006)
29. Yang di-Pertuan Agong (Rei de Malasia) Mizan Zainal Abidin (2006). Sultán de Terengganu (1998)
    1. Sultán Tuanku Abdul Halim de Kedah, Malasia (1958)
    2. Sultán Ahmad Shah de Pahang, Malasia (1974)
    3. Sultán Ismail Petra de Kelantan, Malasia (1979)
    4. Sultán Iskandar de Johor, Malasia (1981)
    5. Rajá Tuanku Syed Sirajuddin de Perlis, Malasia (2000)
    6. Sultán Sharafuddin Idris Shah de Selangor, Malasia (2001)
30. Rei Jigme Khesar Namgyal Wangchuck de Bután (2006)

Ver tamién

• Califa
• Faraón
• Feudalismu
• Monarquía
• Reinu