Imperiu británicu

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Territorios que nun momentu o otru formaron parte d'Inglaterra y posterior Reinu Uníu al traviés de la hestoria.

L'Imperiu británicu comprendió los dominios, colonies, protectoraos y otros territorios gobernaos o alministraos pol Reinu Xuníu ente los sieglos XIX y XX.

Mientres les primeres décades del sieglu XX, l'Imperiu británicu tomaba una población de cerca de 458 millones de persones y unos 31.700.000 km², lo que significaba aprosimadamente una cuarta parte de la población mundial y una quinta parte de les tierres emerxíes.

El picu puramente dichu desendolcóse mentanto unos 100 años (el denomáu sieglu imperial desenvueltu ente 1815 y 1914), al traviés d'una serie de fases d'espansión rellacionaes col comerciu, la colonización y la conquista, arriendes de períodos d'actividá diplomática. Probablemente, el puntu de máxima puxanza imperial pue asitiase ente 1890 y 1920. L'Imperiu facilitó la estensión de la teunoloxía, el comerciu, la llingua y el gobiernu británicos por tol mundu. La hexemonía imperial contribuyó al espectacular xorrecimientu económicu del Reinu Xuníu y al pesu de los sos intereses nel escenariu mundial. Na actualidá, países que son potencies mundiales o d'una gran importancia política mundial, son herederos del imperiu británicu: Estaos Xuníos, India, Canadá, Australia, Sudáfrica o Nueva Zelanda.

El primeru n'usar la espresión «Imperiu británicu» foi'l doctor John Dee, astrólogu, alquimista y matemáticu de la reina Sabela I d'Inglaterra, 1558-1603.