Canberra

De Uiquipedia
Saltar a: navegación, buscar

Canberra (del Ngunawal Kamberra, que significa 'llugar de xunta') ye la capital d'Australia, con una población cimera a los 345.000 habitantes. Ye see del Territoriu de la Capital Australiana, allugada na parte norte del mesmu, 300 quilómetros al sudoeste de Sydney y 650 quilómetros al nordeste de Melbourne. La situación de Canberra foi escoyida pa la posición de la capital nacional en 1908 como un compromisu ente Sydney y Melbourne, las dos grandes ciudaes. Ye distintu a les demás ciudaes australianes, yá que foi construyida dende cero, como una ciudá planiada. Tres un concursu internacional pal diseñu de la ciudá, escoyóse'l proyectu realizáu pol arquiteutu Walter Burley Griffin de Chicago y la construcción empezó en 1913. El diseñu de la ciudá tuvo la influencia del movimientu "ciudá xardín" ya incorpora en distintes árees vexetación natural, que llevaron a Canberra a llograr el títulu de "capital del parrotal". A pesar de que la crecedera y desenvolvimientu de Canberra viose enzancáu poles dos guerres mundiales y la Gran Depresión, a partir de la Segunda Guerra Mundial conviértese nuna ciudá próspera.

En cuantes que ye see del Gobiernu d'Australia, en Canberra atópense'l Parlamentu Australianu y la Corte Suprema d'Australia, amás de numberoses axencies y Ministerios. Tamién s'atopen delles instituciones sociales y culturales d'importancia nacional. El Gobiernu Federal contribúi nun gran porcentaxe al PIB y apurre una amplia ufierta llaboral. Canberra ye un destín popular pa turistes nacionales, pero tamién pa los estranxeros.