Victoria del Reinu Xuníu

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Semeya de la reina Victoria

Alexandrina Victoria de Hannover, (Londres, 24 de mayu de 1819 - Islla de Wight, 22 de xineru de 1901) foi reina del Reinu Xuníu y d'Irlanda dende'l 20 de xunu de 1837 hasta la so muerte en 1901, y 1ª emperatriz de la India dende'l 1 de xineru de 1877, tamién hasta la so muerte. Reinó demientres 64 años, y el so reináu foi el más llargu de la hestoria de Reinu Xuníu. El reináu de Victoria tuvo solliñáu por un gran espardimientu del Imperiu Británicu. La Dómina Victoriana -como foi denomáu'l so reináu- tuvo inmersu na Revolución Industrial, un periodu de cambeos significativos a nivel social, económicu y teunolóxicu nel Reinu Xuníu. Demientres esa dómina el Reinu Xuníu convirtióse na superpotencia más grande qu'enxamás se viera'l mundu.

Victoria, que yera cuasi dafechu d'ascendencia alemana (sacante pol so ancestru Sofía de Hannover, yera tamién descendiente por llinia femenina de Xacobu VI d'Escocia y I d'Inglaterra), foi la cabera monarca de la Casa de Hannover; el so fíu y socesor, Eduardo VII perteneció a la Casa de Sajonia-Coburgo-Gotha.