Dolmen

De Uiquipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Dolmen de la Necrópolis del Monte Areo, Asturies.Nesta Necrópolis afáyense más de 30 vestixos prehistóricos Milenios V a III edC
Dolmen d'Axeitos, Galicia

Un dolmen ye una construcción megalítica consistente en delles lloses (menhires) afincaes na tierra en posición vertical, y una llosa de cobertoria sofitada sobro elles en posición horizontal. Son mui frecuentes nes tierres del norte, centru y sur d'Europa. La so función atribuyía suel ser la de sepulcru.

El dolmen, qu'en bretón quier dicir mesa de piedra, consiste nos modelos cenciellos en dos piedres verticales y enriba una horizontal, davezu acompañaes d'otres piedres nos alredores, de grandes dimensiones. Esti tipu más cenciellu, dos lloses verticales y una horizontal, nómase cista, o seya caxa; cuando'l dolmen central tien un pasiellu que-y sirve d'entrada nómase Sepulcru de Corredor, y tres el corredor d'entrada vien el dolmen mayor o galería cubierta a mou de cámara, con usu de delles piedres verticales.

Estes tumbes construyíense sobro montones de tierra o piedres ("túmulos") nes que les llendes siñalábense a vegaes con un círculu de piedres llevantaes ("Crómlech"). Les ufriendes mezclabense nel túmulu y al llau de los cuerpos enterraos.


Enllaces Esternos[editar | editar la fonte]