Pan

De Uiquipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Pa otros usos d'esti términu, ver Pan (dixebra). Disambig.svg

Delles menes de Pan.
Pan asturianu

El pan ye un alimentu básicu ellaboráu xeneralmente con cereales, davezu en forma de fariña, y agua.

Dende bien antiguo tiénense fecho panes de delles menes. Una de les grandes desemeyances ye'l miestu de lleldu o formientu, que lu fai espillir. L'aición del lleldu tresforma les carauterístiques de la fariña y da-y volume, güelmura, dondura y tastu al pan. Al pan fechu ensin formientu denómase-y ácimu.

Les fariñes más usaes son de: trigu, centén, cebada, maíz, arroz, pataques y soya. Sicasí, davezu tamien s'usen fariñes de llegumes y frutos ensugaos. Los líquidos pueden ser: lleche o el biru d'ésta, bebíes alcohóliques como'l vinu o la cerveza, ya inclusu entemezos avinagraos.

Ye avezao estoxar el pan con sal y especies (que cimblen según seyan les rexones, los vezos..) y amesta-y grases, semientes, frutes, etc.

En cuantes a la ellaboración, hai delles menes de cocinalu: en fornu, nel sartén, vedriyu (cazuelu), a les trébedes (parrilla), sobro les cernaes, sobro'l fueu, etc.