Sorghum

De Uiquipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Sorgu
Sorgu
Clasificación científica
Reinu: Plantaee
División: Magnoliophyta
Clas: Liliopsida
Orde: Poales
Familia: Poaceae
Xéneru: Sorghum

El sorgu (Sorghum spp.) ye un xéneru d'unes 20 especies de gramínees orixinaries de les rexones tropicales y sotropicales d'África oriental. Cultívense na so zona d'orixe, Europa, América y Asia como cereal pa consumu humanu, animal, na producción de forraxes, y pa la ellaboración de bebíes alcohóliques. El so aguante énte la seca y la calor fai d'élli un cultivu importante nes rexones ensuches, y ye ún de los cultivos alimentarios más importantes del mundu.

Carauterístiques[editar | editar la fonte]

El sorgu tiene un hábitu y una fisioloxía vexetal (metabolismu de les "C-4") asemeyáu al del maíz (Zea mais), magar que con un sistema radicular más estensu y ramificáu, de carauterístiques freboses y hasta 1,2 m de fondura. El tallu ye cilíndricu, de 1 a 3 m d'altura, con una inflorescencia terminal en forma d'espiga ensamada por flores bisexuales. El granu ye una cariópside d'alrodiu de 4 mm de diámetru.


Cultivu[editar | editar la fonte]

Estímase que la domesticación de la principal especie d'usu alimentariu de sorgu, Sorghum bicolor, prodúxose alrodiu del sieglu I edC. na zona d'Etiopía. Les especies silvestres utilizábense yá pa alimentación dende facía milenios, tanto n'África como na rexón índica.

Les especies cultivaes agrúpense en especies de granu, de paya, de xarabe y de pastu.

Nomenclatura[editar | editar la fonte]

El nome xenéricu Sorghum caltiénse como oficial (Moench, 1794). Sorgum L. nun ye válidu