Zea mays

De Uiquipedia
Saltar a: navegación, buscar
Uiquipedia:Wikipedia:Llista d'artículos que toa Wikipedia tien que tener/Archivu
Wikipedia:Artículos destacaos
Commons-emblem-notice.svg
Maíz
Illustration Zea mays0.jpg
Clasificación científica
Reinu: Plantae
Clas: Liliopsida
Subclas: Commelinidae
Orde: Poales
Familia: Poaceae
Subfamilia: Panicoideae
Xéneru: Zea
Especie: Z. mays
Nome binomial
Zea mays
L.
Zea mays "fraise".
Zea mays 'Oaxacan Green'.

El maíz ( tamién conocíu como maís, meíz, millu o borona) ye una planta yerbácea añal, de la familia de les gramínees que se cultiva pa consumu tanto humanu como animal. El so nome científicu ye Zea mays.

Esta especie, orixinaria de México (Valle de Tehuacán), llegó a Europa nel sieglu XVI y cultívase anguaño en tol mundu, siendo'l cereal más plantáu, per delantre del trigu y del arroz.

La Planta[editar | editar la fonte]

El país ye una planta yerbácea añal de tamañu variable (ente 40 cm. y hasta 10 m.). Les variedaes más ultivaes tienen ente un y tres metros d'altor.

El tueru o narbasu, lleñosu y güecu aseméyase al del bambú. Componse de tres capes: una epidermis esterior, impermeable y tresparente, una parede per onde circulen les sustancies alimenticies y una médula esponxosa y blanca onde s'almacenen les reserves alimenticies.

El narbasu divídese en varios entenuedos d'alredor de 20 cm., separaos por nuedos. En cada nuedu hai una fueya, alternativamente de cada llau del tueru.

Les fueyes tienen una forma allargada y salen del tueru con la punta pa contra baxo. D'elles nacen les panoyes, cubiertes por fileres de granos en númberu variable (ente ocho y trenta).

El granu ta formáu d'un embrión y d'una sustancia de reserva, l'albume. L'albume ta constituyíu esencialmente d'almidón y ye lo que -y da'l color al granu de maíz, xeneralmente amariellu, pero tamién blancu, coloráu o negru.

Les flores, a diferencia d'otres gramínees, son unisexuales y axúntesne en inflorescencies masculines y femenines. Le masculines atópense nos estremos terminales de la planta y les femenines nes vaines axilares.

El sistema racinal comprende un gran númberu de raices que nacen de los nuedos allugaos na base del narbasu y que formen corones sucesives, tanto nos nuedos enterraos como nos primeros nuedos aéreos, nuna parte onde los entenuedos son bastante curtios.


Producción[editar | editar la fonte]

El maíz ye'l cereal más cultiváu nel mundu, per delantre del arroz y del trigu. La producción mundial en 2003 fue de 638 millones de tonelaes. Los principales países productores son:

Na Xunión Europea los principales productores son Francia y Italia.

La consumición mundial en 1999 fue de 593 millones de tonelaes:

Emplegos[editar | editar la fonte]

YellowCorn.jpg

El maíz tien principalmente un usu alimentariu, tantu pal consumu humanu como pal animal.

En munchos países, principalmente d'Iberoamérica, el maíz ye un componente esencial de la dieta de los sos habitantes.

Suel consumise o bien en forma de granos enteros (separaos o na panoya), o bien reducío a fariña preparada en forma de papielles o de tortes cocíes. Tamién entra na composición de delles preparaciones industriales, como los cereales pa almorzar o les palomites (popcorn).

L'aceite de maíz, ye un de los más baratos y úsase pa frir alimentos.


Polo que respecta a l'alimentación animal, pue aprovechase la planta entera, fresca o ensilada pal consumu de bovinos, aves y gochos principalmente.

L'usu industrial nun se reduz a la industria alimentaria, yá que tamién s'emplega na producción de cola pa la industria testil, como edulcorante, como espesante o na industria farmacéutica. Asina, el maíz entra na composición de numberosos productos como deterxentes, pintures, cosméticos, antibióticos o dentífricos.

A partir del maíz tamién s'obtien un alcohol, que mezcláu con bencina pue emplegase como carburante. Delles esperiencies industriales busquen facer del maíz una alternativa al petróleu.

A nivel mundial, dos tercios del maíz son usaos pa l'alimentación animal y alredor d' un 27 % pa l'alimentación humana.

Historia[editar | editar la fonte]

El maíz n'Asturies[editar | editar la fonte]

CornShocksForestvilleMinnesota2006.JPG

El maíz empezó a cultivase n’Asturies a finales del sieglu XVI, anque suel atribuyise la primer coyecha, fechada en 1605 nel conceyu de Tapia, a Gonzalo Menéndez Cancio, almirante y capitán xeneral de la Florida, territoriu américanu d'au, según delles fontes, s'adentró n'Europa el maíz. De fechu, en 2003, el conceyu de Tapia entamó, xunta'l Serviciu Rexonal d'Investigación y Desenrollu Alimentariu d'Asturies (Serida) y delles empreses de la zona, un proyeutu pal cultivu del tipu de maíz d'aquella primer coyecha de 1605, y la ellaboración de farines de calidá alta pal consumu humanu.

Esti cultivu xeneralizóse nel primer terciu del sieglu XVII, lo que representó una revolución nel campu asturianu, al tener un altísimu rendimientu y permitir un aprovechamientu más intensivu del suelu. Sicasí nun desplazó a otros cereales de menor rendimientu, como’l trigu o la escanda, colos que taba asociáu’l so cultivu: nes meyores tierres llegaben a obtenese tres colleches en dos años, semando primero trigu y escanda, depués nabos y alcacer, y a lo último del ciclu maíz y fabes.

El maíz tamién favoreció el desarrollu de la ganadería, al asociase el so cultivu col de los nabos y l’alcacer y aprovechase pa l’alimentación animal los tarucos y el narbasu, y hasta la fariña en dellos casos. En cambiu, la so llegada provocó un retrocesu na superficie d’arboláu, especialmente na d’árboles frutales como les castañales.

El maíz convirtióse bastante rápido nel alimentu básicu de los asturianos. Suel ponese en rellación l’incrementu demográficu del sieglu XVII , nel que duplicó la población asturiana, cola introducción del so cultivu. Hasta époques recientes la so fariña usábase pa facer la boroña o consumíase cocida con agua y sal (fariñes), con lleche o nel pote.

Tradicionalmente el maíz solía guardase nos horros y paneres, lo qu’esplica l’abondanza d’esti tipu de construcciones n’Asturies.

El llabor de quitar la fueya a les panoyes y enrestrales, la esfoyaza, yera un acontecimientu de gran importancia nel que participaba tol mundu, vieyos y mozos, con tarees especíques pa caún. Les esfoyaces representaben asina, n’Asturies rural, un momentu privilexiáu pa cortexar y compartir cantares, xuegos y cosadielles.