Quilogramu

De Uiquipedia
Saltar a: navegación, buscar
Uiquipedia:Llista d'artículos que toa Wikipedia tien que tener
quilogramu
Símbolu kg
Magnitú Masa
equivalencia SI 103 gramos
Dimensión M
Sistema SI

El quilogramu ye la unidá de masa del Sistema Internacional d'Unidaes, y el so valor ta definíu pola masa que tien el cilindru patrón compuestu por una aleación de platín y iridiu, guardáu na Oficina Internacional de Pesos y Midíes de Sevres, cerca de París. Anguaño ye la única unidá que se define por un oxetu patrón. El so símbolu ye kg (en minúscules, ensin puntu nin plural).

La primer definición especificaba que yera la masa d'un decímetru cúbicu (un llitru) d'agua destilao a una atmósfera de presión y 3,98 ºC, una temperatura singular yá que ye a la que l'agua tien la mayor densidá a presión atmosférica normal.

Un quilogramu equival a 1.000 gramos.

Tamién ye común que s'utilice como unidá de fuercia nel Sistema Téunicu, anque ha faese sol nome de quilogramu-fuercia o kilopondiu, definiéndose como'l pesu, aprosimadamente, d'una masa d'un quilogramu allugada na superficie terrestre al nivel del mar. La definición namái ye correuta na Tierra, yá qu'intervién el valor de la gravedá.

Los múltiplos y submúltiplos más usaos del quilogramu y el gramu son los que vienen darréu:

  • Tonelada (Tm) o Megagramu (Mg) na nomenclatura oficial, masque nun s'usa esti postrer términu = 1.000 kg
  • Hectogramu (hg) = 0,1 kg = 10-1 g
  • Decagramu (dag) = 0,01 kg = 10-2 g
  • Gramu (g) = 0,001 kg = 10-3 g
  • Decigramu (dg) = 0,0001 kg = 10-4 g (una décima de gram)
  • Centigramu (cg) = 0,00001 kg = 10-5 g (una centésima de gramu)
  • Miligramu (mg) = 0,000001 kg = 10-6 g (una milésima de gramu)
  • Microgramu (µg) = 10-9 kg = 10-6 g (1 millonésima de gramu)


Unidaes de masa
Múltiplos y submúltiplos del gramu
yotagramu | zetagramu | exagramu | petagramu | teragramu | xigagramu | megagramu o tonelada| miriagramu | quilogramu | hectogramu | decagramu | gramu | decigramu | centigramu | miligramu | microgramu | nanogramu | picogramu | femtogramu | atogramu | zeptogramu | yoctogramu
Otres unidaes de masa
arroba | faniega | granu | llibra | onza | quilate | quintal
Sistemes de midida
Sistema Internacional | Sistema Métricu Decimal | Sistema Ceguesimal | Sistema Téunicu | Sistema Anglosaxón | Sistema Xaponés