Padre nuesu

De Uiquipedia
Saltar a: navegación, buscar
Representación del Sermón del Monte. Equí foi, según l'evanxeliu de Matéu, ú Xesús-yos desplicó a los sos discípulos como habíen de facer pa falar con Dios: esi ye l'orixe del Padre Nuesu. El cuadru ye una obra de Carl Heinrich Bloch que se conserva nel Nationalhistoriske Museum på Frederiksborg Slot de Dinamarca.

El Padre Nuesu (del llatín, Pater Noster) ye'l nome d'una oración cristiana que, acordies colo que cuenten los evanxelios de Matéu (Mt 6:9-13) y Lluques (Lu 11:1-4) diera a conocer Xesús de Nazaret a los sos discípulos. Les diferencies qu'apaecen anguaño nes versiones d'esta oración nes diferentes confesiones cristianes derívense de les distintes interpretaciones de la descripción de les circunstancies na que la oración foi dicha por Xesús y del distintu estilu lliterariu de los dos evanxelistes citaos.

El Padre Nuesu ye, pa les confesiones mayoritaries del cristianismu, la oración más principal de toes. La Ilesia Católica considéralu un resume de la doctrina cristiana; los protestantes tómenlu como'l modelu d'oración cristiana; y, pa los ortodoxos, ye la oración más perfecha de toes.

Testu n'asturianu y llatín del Padre Nuesu católicu[editar | editar la fonte]

Asturianu Llatín
Padre nuesu que tas en cielu: Pater noster, qui es in caelis,
santificáu seya'l to nome, sanctificetur nomen tuum.
amiye'l to reinu,
Adveniat regnum tuum.
(Vulgata: Veniat regnum tuum)
fáigase la to voluntá, lo mesmo na tierra qu'en cielu. Fiat voluntas tua, sicut in caelo, et in terra.
El nuesu pan de tolos díes dánoslu güei, Panem nostrum quotidianum da nobis hodie,
(Vulgata: Panem nostrum supersubstantialem da nobis hodie)
perdónanos les nueses ofienses,
et dimitte nobis debita nostra
lo mesmo que nós facemos colos que nos faltaren; sicut et nos dimittimus debitoribus nostris.
(Vulgata: sicut et nos dimisimus debitoribus nostris)
nun nos dexes cayer na tentación, Et ne nos inducas in tentationem, sed libera nos a malo.
y llíbranos del mal. Amén. Quia tuum est regnum, et potéstas, et glória in sæcula (sæculorum). Amen

Bibliografía[editar | editar la fonte]

Enllaces esternos[editar | editar la fonte]