Avena

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Alcacer, Avena
Avena
Avena
Clasificación científica
Reinu: Plantae
División: Magnoliophyta
Clas: Liliopsida
Orde: Poales
Familia: Poaceae
Xéneru: Avena
Especie: A.Sativa
Nome binomial
Avena sativa
L.,

L'Avena, o en delles fasteres tamién Alcacer (Avena sativa), ye una planta de la familia de les poácees, utilizada como alimentu y como pación pa los animales.

Antigüamente l'avena nun tuvo la mesma importancia del trigu o la cebada, n'Asia Central cultivábase'n bona cantidá, magar que yera considerada una mala yerba. L'arqueoloxía atopare pruebes del usu de l'avena n'Europa Central mientres la Edá de Bronce, y tamién s'alcontraren pebides d'esti cereal n'escavaciones exipcianes, magar que nun se pudo probar que furen cultiváes.

Ye una planta herbácea añal, perteneciente a la familia de les gramínees. Les especies más cultivaes son Avena sativa y Avena byzantina, nesi orde.

Ye rica en proteínes d'altu valor biolóxicu, grases y un gran númberu de vitamines, minerales. Ye'l cereal con mayor proporción de grasa vexetal, un 65% de grases non saturaes y un 35% de ácidu linoleicu. Tamién caltién hidratos de carbonu de fácil absorción, arriendes de sodiu, potasiu, calciu, fósforu, magnesiu, fierro, cobre, cinc, vitamines B1, B2, B3, B6 y E. Arriendes caltien una bona cantidá de frebes, que nun son tan importantes como nutrientes pero qu'aiden al bon funcionamientu intestinal.

Esti cereal úsase principalmente pa l'alimentación del ganáu, como plata forraxera y en menor cantidá pa alimentación humana, magar que, pesie a les sos propiedaes enerxizantes, nun s'usa muncho. L'avena ye abondo recomendáo p'aquelles persones que tienen d'aumentar la so capacidá enerxética, como los estudiantes, persones ablayaes o con muncha sensación de suañu o estrés permanente. Esto conviérte l'avena nun alimentu mui importante pa entamar el día.

Los mayores productores d'avena son Rusia, Canadá, Estaos Xuníos, Australia, Finlandia, Alemaña, Polonia y Suecia.


Dichos, adaxos y testos de lliteratura oral[editar | editar la fonte]

  • Yá ye vieyu l’alcacer pa zamploñes.
  • La concencia e d’alcacer y paciólo un burru.
  • El que tenga muches tierres y les quiera echar a perder, que les siembre un añu de ñabos y otru añu d’alcacer

Fonte:DICCIONARIO GENERAL DE LA LENGUA ASTURIANA Xosé Lluis García Arias

Alcacer
Wikimedia Commons tien archivos rellacionaos con:


Enllaces esternos[editar | editar la fonte]