Vinu

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Vinu tintu

El vinu ye una bebida que s'obtien de la uva per aciu de la formentación alcohólico del so mostu o zusmiu; el formientu produzse pola aición de lleldos o llevadures que tresformen los zucres del frutu n'alcohol etílicu y anhídridu carbónicu.

Tien el nome de «vinu» namái el líquidu que resulta del formientu alcohólico, dafechu o parcial del zusmiu d'uves, ensin mestu de nenguna sustancia. En munches llexislaciones considérase namái vino, a la bebida espirituosa obtenía de Vitis vinifera, pesie a que obtiénense bebíes asemeyaes de la Vitis labrusca y Vitis rupestris, etc.

Orixe de la so producción[editar | editar la fonte]

Les evidencies de producción de vinu más antigües daten d'afayamientos arqueolóxicos d'ente los años 6.000 y 5.000 edC. na rexón de Xeorxa ya Irán, y n'Europa (Grecia) fai 6.500 años (esto ye, alrodiu del 4.500 edC.). Les primeres referencies documentaes llévenos a l'antigua Grecia, onde se bebía mezclao con agua y conservabáse en pelleyos de cabra.

Lo primero qu'hai que dicir ye que'l vinu, a lo llargo de la historia, tuvo mui bien consideráu pola alta sociedá, siendo testigu imprescindible en cualesquier acontecimientu o banquete d'importancia y alredor d'él firmárense los grandes trataos y asocedíos históricos.

Yá n'Exiptu, Grecia y Roma adorábase a Dioniso o Baco (dios de los viñeos) y na Biblia fálennos de la Última Cena de Xesús, representando con él el so sangre. Sabemos qu'en China, va 4.000 años, yá conocíen el procesu de fermentación de la uva, y que n'Exiptu, nel sieglu IV edC yá conocíen la viticultura. Xuliu César foi un gran apasionáu del vinu y introdúxolu per tol Imperiu Romanu.

Etimoloxía[editar | editar la fonte]

La etimoloxía conocía de la pallabra asturiana vinu remana de la llatina vinum y ésta de la griega οινος, magar que considérase que la radical alcuéntrase prósima a la pallabra sánscrita vana (amor), que dio tamién llugar a la pallabra Venus. Esta rellación semántica vien dada pola antigua creyencia nos poderes afrodisiacos del vinu.