Imperiu Romanu

De Uiquipedia
Saltar a: navegación, buscar
Wikipedia:Llista d'artículos que toa Wikipedia tien que tener
Mapa de l'Imperiu Romanu al rodiu del añu 117 d.C.

L'Imperiu Romanu foi una dómina de l'Antigua Roma, n'Antigüedá clásica, carauterizada por una clase de gobiernu autocrática. La nacencia de l'imperiu vien precediu pola expansión de la so capital, Roma que enantó'l so control alrodiu del Mar Mediterraneu. So la dómina imperial los dominios de Roma continuaron medrando, aportando al so cénit baxo el reinau de Traxanu, yendo dende'l Océanu Atlánticu al oeste fasta les veres del Mar Prietu, Mar Bermeyu y el Golfu Pérsicu al este, y dende'l desiertu del Sáhara al sur fasta les tierres de biesques a les veres de los ríos Rin y Danubiu y la fastera con Caledonia al norte. La so superficie máxima estimada sedría d'unos 6,14 millones de km².

El términu ye la traducción de la espresión llatina Imperium Romanum. Polibiu foi unu de los primeros cronistes en documentar la espansión de Roma inda como República. En cuasi tres sieglos denantes de César Augustu, Roma consiguiera numberosos dominios en forma de provincies direutamente baxo alministración senatorial o baxo xestión consular, y tamién gracies a pautos d'adhesión como protectoraos d'estaos.