Anime

De Uiquipedia
Saltar a: navegación, buscar
Wikipe-tan

El términu anime refierse a la animación xaponesa, especialmente a l'animación de dibuxos.

Etimolóxicamente s'alderica si ye una abreviación de la trescripción xaponesa de la pallabra inglesa animation (acurtiada como asocede con munches pallabres foriates). O si, como señalen los entendíos, l'orixe taría nel vocablu francés animé, (animáu).

D'una o otra forma la pallabra llatina anima quier dicir ánima, alma, y remanez en pallabres como animismu y animación, toes elles venceyaes cola idea de movimientu o vida de coses qu'orixinalmente nun la tienen.

Internacionalmente, l'anime llevó una vez el nome popular "Japanimation", pero esti términu cayó en desavezu. Los fans pronunciaben la pallabra preferiblemente como abreviación de la fras "Japan Animation". Vio'l so mayor usu demientres los años 1970 y 1980, que xeneralmente comprende la primera y segunda folada d'anime fandom. El términu sobrevivió al menos fasta entamos de los 1990, pero paeció desapaecer xusto enantes del resurdir del anime a metanes de los 1990. En xeneral, el términu "Japanimation" agora namái apaez en contestos nostálxicos (anque'l propiu anime revivió'l nome de nuevo hai poco).

Los dobladores d'anime lleven davezu'l nomatu xaponés equivalente: seiyuu.