Uruguái

Artículu destacáu
Coordenaes: 33°S 56°W / 33°S 56°O / -33; -56
De Wikipedia
Uruguái
República Oriental del Uruguay
estáu soberanu
Bandera d'Uruguái escudu d'Uruguái
Lema nacional Libertad o Muerte (Llibertá o Muerte)
Himnu nacional Himnu Nacional d'Uruguái
Alministración
Nome oficial Repúbilca Oriental del Uruguay (es)
la République orientale de l’Uruguay (fr)
Oriental Republic of Uruguay (en)
Capital Montevidéu
Forma de gobiernu República
Democracia participativa
presidencialismu
Presidente d'Uruguái Luis Alberto Lacalle Pou (dende 1r marzu 2020)
Luis Alberto Lacalle Pou (dende 1r marzu 2020)
Llingües oficiales castellanu
División
Rellaciones diplomátiques
Miembru de
Xeografía
Coordenaes 33°S 56°W / 33°S 56°O / -33; -56
Superficie 176215 km²
% agua 1,5%
Costes 660 km
Llenda con 1.564 km
Puntu más altu Cerro Catedral (es) Traducir
Puntu más baxu Océanu Atlánticu
Demografía
Población 3 444 263 hab. (2023)
Densidá 19,55 hab/km²
Xentiliciu uruguayu (masculín singular)
uruguaya (femenín singular)
Esperanza de vida 77,493 años
IDH 0,809 (2021)
Tasa de fertilidá 2,02 (2014)
Economía
Moneda pesu uruguayu
PIB nominal 61 412 268 249 $ (2021)
Bancu central Banco Central del Uruguay (es) Traducir
Más información
Dominiu d'Internet .uy
Códigu telefónicu +598
Códigu ISO 858 / URY / UY
Estaya horaria UTC−03:00 y America/Montevideo (es) Traducir
gub.uy
Cambiar los datos en Wikidata

La República Oriental del Uruguái o simplemente Uruguái[11] o Uruguay[12] ye un país d'América del Sur que poseye'l segundu territoriu más pequeñu del subcontinente, con una superficie de 176.215 km². Al norte y noreste llenda col estáu brasilanu de Rio Grande do Sul. Al oeste llenda cola provincia arxentina d'Entre Ríos, de la que ta dixebrada pol ríu Uruguái y pel sur, tien costes sobre'l Río de la Plata, que lu separta de la provincia de Buenos Aires y de la ciudá de Buenos Aires. Pel sureste, tien costes sobre l'Océanu Atlánticu.

Según les Naciones Xuníes ye'l país de Llatinoamérica col nivel d'alfabetización más altu. Según un estudiu de la organización Tresparencia Internacional ye'l segundu país de Llatinoamérica (dempués de Chile) que tien el menor índiz de perceición de la corrupción. Según el Programa de les Naciones Xuníes pal Desenrollu (PNUD) ye'l tercer país de Llatinoamérica (dempués d'Arxentina y Chile) que poseye'l mayor Índiz de Desenrollu Humanu (IDH). Tamién ye'l país de Llatinoamérica (xunto con Costa Rica) cola distribución d'ingresu más equitativa ente'l 10% más ricu y el 10% más probe. Asinamesmo ye'l cuartu país de Llatinoamérica (dempués de Cuba, Costa Rica y Chile) cola esperanza de vida más alta. Ye'l tercer país de Llatinoamérica (dempués d'Arxentina y Chile) col PIB (PPA) per cápita más altu, y el novenu país de Llatinoamérica (depués de Brasil, Méxicu, Arxentina, Venezuela, Colombia, Chile, Perú, y Ecuador respeutivamente), col PIB más altu. Foi ún de los primeros países nel mundu n'establecer el drechu les muyeres a sufragar. Arriendes, foi la primer nación del mundu que, siguiendo los postulaos de José Pedro Varela, estableció por llei un sistema educativu de baldre, obligatoriu y llaicu (1877). Ye'l primer país Llatinoamericanu, y el segundu en tol Continente Americanu, en reconocer y llegalizar la xunión civil, incluyendo pareyes del mesmu sexu, en tol territoriu nacional.

Orixe etimolóxicu[editar | editar la fonte]

Bandera l'Uruguay aliando nun edificiu en Colonia del Sacramento.

Na dómina colonial conociérase al país como Banda Oriental, y nos primeros años de la llucha independentista nomósela Provincia Oriental, como parte de les llamaes Provincies Xuníes del Ríu la Plata. Al crease la primer Constitución del país como nación independiente, qu'entró en vigor en 1830, propúsose agregar al nome del país la referencia al ríu Uruguái. Col tiempu esi agregáu pasó a ser la denominación más avezada del país.

El nome Uruguay remana del guaraní. Sicasí, esisten dellos espliques alrodiu del so aniciu:

  • "Ríu'l país del urú". Una versión mui venceyada cola anterior ye la de Félix de Azara. Afirma que'l nome provién d'una ave pequeña, l'urú, qu'habita en parte de les cuestes del ríu Uruguay y significaría entóncenes "ríu'l país del urú".
  • "El Ríu de los que traen de xintar". Esta versión inédita cobrara fuercia dende l'aprucida d'un antiguu escritu redactáu pol xesuita Lucas Marton. Nun pasaxe nel que se dirixe al aniciu del vocablu Uruguay, diz: "Siendo ésti de la llingua guaraní, gueté la rempuesta ente la xente d'esti pueblu, que dempués de munchos años siguen diciendo la mesma cosa: ‘El Ríu de los que traen de xintar'. Resulta ser que dende inmemoriales tiempos añeróse'l pueblu nativu na más abondosa variedá d'alimentos, frutes, pexes, semientes, yerbes, carnes, y otres variedaes. Nun ye poca cosa ser ente'l pueblu un Uru, pues hasta 40 guerreros avezaos acompanguen a estos tresportadores de comides. Guai, [Gua: principal, orixe; i: ríu] ye'l ríu que xune mar y selva con tal preciosa carga. Non con poca razón, nomen ellos tamién Uru el que tresporta comida, a una ave de vivos colores, que recueye semientes del ríu y les lleva al so ñeru". Del Llibru Yumaranei, por Lucas C. Marton.
  • "Ríu de los cascoxos". Pela so parte, un collaborador de Félix de Azara da esta otra versión mui desemeyada, dixebrando la pallabra n'uruguá, "cascoxu", ya ï "ríu",

Anguaño, los habitantes del país suelen llamase familiarmente orientales, mas el xentiliciu correutu y reconocío nes normes ye "uruguayos".

Símbolos patrios[editar | editar la fonte]

Escarapela Nacional uruguaya

La Bandera d'Uruguái o Pabellón Nacional ye ún de los símbolos nacionales d'esti país. Adoptóse poles lleis del 16 d'avientu de 1828 y 12 de xunetu de 1830. Les sos colores son el blancu y l'azul, habiendo'l sol, qu'ocupa el cantón, color oro. La bandera tien les siguientes proporciones: el llargu y l'anchu tán n'arreyamientu de 3 a 2 y l'espaciu que contién el sol consiste nun cuadru na parte cimera, xunto al asta, qu'aporta hasta la sexta franxa, esclusiva, de color azul. La primer franxa y la cabera son de color blancu. El dibuxu'l sol consiste nun círculu radiante, con cara, orláu de dieciséis, con un diámetru de 11/15 del cuadru blancu.

La disposición de los elementos que componen el pabellón nacional uruguayu inspírase na bandera d'Estaos Xuníos, polo que les nueve franxes de finxu que distribúyense sol campu representen los primeros nueve departamentos. El cantón ocúpase pel Sol de Mayu, símbolu qu'históricamente fai referimientu a la dixebra d'España del Virreinatu'l Ríu la Plata.

L'escudu Nacional d'Uruguái ye l'aprobáu poles lleis del 19 de marzu de 1829 y del 12 de xunetu de 1906 y el Decretáu pol señor Miguel Copetti, axustáu nes sos rigles d'execución a la modificación endiciada pol Poder Executivu, que consistía na supresión de trofeos militares y de marina, fincado orláu por dos xamasques d'olivar y de llaurel xuníos na base por un llazu azulencu (llei del 12 de xunetu de 1906 mentada).

Historia[editar | editar la fonte]

Dómina colonial[editar | editar la fonte]

José Gervasio Artigas na Ciudadela por Juan Manuel Blanes.

Enantes de les esploraciones española y portuguesa el so territoriu taba pobláu por delles etnies indoamericanes nómades, ente les que la charrúa yera la más importante, si bien recientes investigaciones aportaren datos que podríen modificar fondamente los conceutos hasta agora remanaos acierca los pobladores prehispánicos de la rexón.

El primer asentamientu européu foi l'asentamientu español nomáu San Lázaro, fundáu por Sebastián Gaboto na marxen oriental del Río de la Plata a entamos de 1527. Poques selmanes dempués los españoles, al mandu de Gaboto, fundaron un segundu fuerte na desembocadura del rigu San Salvador, que recibe'l so nome européu a partir del nome del Fuerte de San Salvador. Tales establecimientos foron efímeros.

Los primeros asentamientos a los cuales correspuende nomar poblaos europeos foron los de la española Villa Soriano (1574) y, más sero, la que fundaron los portugueses violando'l Tratáu de Tordesillas, la Colonia del Sacramento y, llueu, dafechu, la fundación española a partires de Buenos Aires de la ciudá fortificada de Montevidéu. Los españoles asentáronse a partir de 1726, cuando produzse la fundación de Montevidéu, por mor del abangue de tropes portugueses nel territoriu uruguayu d'anguaño y la fundación de ciudaes por éstos. La ciudá de Montevidéu fundóse con calter militar y mercante, siendo una importante plaza militar de los dominios realiegos nel sur duemientres el sieglu XVIII y el principal puertu l'estuariu del Río de la Plata. La importancia de Montevidéu como principal puertu del Virreinatu del Río de la Plata granxó-y en delles ocasiones bregues con Buenos Aires, capital del virreinatu.

El 22 de payares de 1749, el rei d'España noma primer Gobernador de Montevidéu a José Joaquín de Viana. Esti, aporta'l Río de la Plata nel barcu Nuestra Señora de la Concepción el 3 de febreru de 1751, arrivando a Buenos Aires, au xura'l cargu de primer Gobernador de Montevidéu ante'l Capitán General Andonaegui y toma posesión del mesmu en sesión solemne quel Cabildu montevideanu celebrara el 14 de marzu. La Gobernación de Montevidéu avarganaba los territorios dende la foz del arroyu Cufré, nel oeste, fasta'l bustiellu Pan de Azúcar, al este, aportando pel norte dende les ñacientes de los rigos San José y Santa Lucía siguiendo la llinia de la Cuchilla Grande fasta'l bustiellu Ojosmín, que s'alcuentra nel actual departamentu de Flores. Corresponde a los güei departamentos de Montevidéu, Canelones y parte de los de San José, Flores, Florida, Lavalleja y Maldonado.

En 1798 y en 1806 a 1807 (Invasiones Ingleses) algares de Montevidéu y de Buenos Aires rellancien xuntes los ataques de la flota inglesa (la primer comandada pol Comodoro Sir Home Riggs Popham y la segunda pol Almirante Sir Charles Stirling) venida a conquistar los territorios del Plata. Na revolución de Mayu de 1810 y demientres el llevantamientu revolucionariu de les provincies del Plata, Montevidéu caltiénse lleales a les autoridaes españoles.

El país constituyóse como Estáu en 1828, dempués de diverses lluches nes que figuró enforma José Gervasio Artigas, que'l so envís, sicasí, nun yera crear un estáu independiente sinón una organización nomada Provincies Unidas del Río de la Plata (Provincies Xuníes del Ríu la Plata), qu'incluyía los güei, territorios del Uruguay y delles provincies arxentines. Foi tres la xesta de los Trenta y Tres Orientales de secute persiguida pola Guerra del Brasil que surdió la República Oriental del Uruguay.

La Suiza d'América[editar | editar la fonte]

A finales del sieglu XIX el país ampliara la so organización y demientres la dómina batllista consolidó la so democracia y algamó altos niveles de bienestar, equiparables a los europeos. Por mor d'esto, Uruguay entamó a ser conocíu internacionalmente como "la Suiza d'América". Uruguay foi'l primer país n'establecer por llei el drechu al divorciu (1907) y ún de los primeros países nel mundiu n'establecer el drechu de les muyeres a sufragar. Amás, foi la primera nación del mundiu que, siguiendo los postulaos de José Pedro Varela, estableció por llei un sistema educativu de baldre, obligatoriu y llaicu (1877).

A la bonanza económica dada poles consecuencies de la Segunda Guerra Mundial, cuando s'entamó la industrialización del país, onde por años dexóse d'importar productos manufacturaos europeos y a fabricase nel territoriu nacional, habiendo una de les más baxes tases de desocupación. A too esto sumose, l'edificiu más altu d'América Llatina en 1925 Palacio Salvo, la escelente cadarma, sanidá y educación con niveles superiores a los países europeos y a munchos países de l'América Llatina n'espoxigue, los sos universidaes públiques, l'estadiu más grande del mundu (Estadiu Centenariu), los servicios públicos estatales, (lletricidá, teléfonos, gas, tranvíes, ferrocarriles, agua corriente, ente otros), un Pesu uruguayu que tendía a apreciase frente al dólar, nueves instituciones públiques, el trunfu nos campeonatos de fútbol nos Xuegos Olímpicos (París 1924 y Amsterdam 1928) y los mundiales de 1930 (cuya sede foi la ciudá de Montevidéu) y 1950, en Brasil (ver Maracanazo), fazañes que contribuyeron a caltener el mitu de la "edá d'oru" del Uruguay.

Deterioru económicu[editar | editar la fonte]

Hacia 1955 anicióse una crisis económica qu'afectó tamién a les instituciones públiques polítiques. Demientres la década de 1960 hebo un procesu de deterioru social y económicu con notable aducimientu de la organización masiva de les estayes populares dirixíos por partíos d'izquierda, pola clas obrera y pola llucha reivindicativa de los estudiantes. Tamién se rexistró l'actividá d'otros grupos, ente los que figuren los "Tupamaros" que s'abangaron pola llucha armada al tresvel de la guerrilla urbana. La mayor organización y fuercia del movimientu popular foi enfrentáu por otres organizaciones d'estrema derecha, como la Juventud Uruguaya de Pie (JUP)(Juventú Uruguayo de pie. Les Fuercies Armaes, alentaes por sectores de la oligarquía foron asumiendo protagonismu y metanos de la crisis social, económica y política que vivía'l país, (9 de febreru de 1973) xofien a un güelpe d'estáu cívicu - militar.

El güelpe d'estáu[editar | editar la fonte]

El 27 de xunu de 1973 l'entóncenes presidente, Juan María Bordaberry, elimina'l parllamentu col sofitu de les Fuercies Armaes y crea un Conseyu d'Estáu con funciones llexislatives, de controlador alministrativu y con encomendación de tazmiar una reforma constitucional que reafirme los principios republicano-democráticos, restrinxe la llibertá d'espresión, de camientu y faculta a les FF.AA. y Policiales p'asegurar la prestación inenterrumpida de los servicios públicos.

Esti güelpe y el so Conseyu d'Estáu resultante viose de secuti resistío por gran parte de la ciudadanía y pola totalidá de los trabayadores aconceyaos na Convención Nacional de Trabayadores CNT, asina como tamién pol Movimientu Estudiantil, principalmente representáu pola Federación d'Estudiantes Universitarios FEU de la Universidá de la República, quienes realizaron una fuelga xeneral de 15 díes de duración, la más llarga de la historia fasta'l momentu[13].

Les Fuercies Armaes apresaron a cabezaleros tupamaros y a otros ciudadanos ensin posición política acusándolos de sedición demientres tol tiempu que duró la dictadura militar, ye decir, hasta 1985, asina como tamién (demientres breves intres) a connotaos dirixentes de los partíos políticos tradicionales como Jorge Batlle Ibáñez y Luis Alberto Lacalle de Herrera, quienes dempués seríen Presidentes de la República cola torna a la democracia, ente otros.

Los integrantes de partidos consideraos "d'esquierda" foron recluyíos en cuasi total incomunicación y sofrieron apremios físicos y psicolóxicos (comprobaos dempués por organismos como la Cruz Roxa), mientres que los de los partíos tradicionales foron lliberaos, ensin dexar por ello de ser sospechosos en tou momentu y sometíos a dafecha vixilancia. Nes cárceles uruguayes morrieron alrrodiu d'un centenar de prisioneros políticos y continúen desaparecíes otres 140 persones[14].

En 1976, al afechar Bordaberry el so mandatu constitucional, ante la convicción de que'l caos político que viviera'l país yera responsabilidá del so sistema políticu, propón a la Xunta de Comandantes en Xefe de les Fuercies Armaes una reforma del sistema institucional del país, eliminando los partíos políticos y sustituyéndolos por "corrientes de camientu" nun sistema de corte corporativista, idea que nun ye compartida polos militares que deciden relevalu del cargu. Mientres continuaba la persecución de los "sediciosos", Bordaberry ye reemplazáu pol entóncenes presidente del Conseyu d'Estáu, Alberto Demicheli, quien suspende les eleiciones previstes en payares y delega la presidencia n'Aparicio Méndez (ex Ministru de Salú Pública), quien asúmela por una estada de cinco años.

Torna a la democracia[editar | editar la fonte]

Palaciu Salvo, Montevidéu.

El 30 de payares de 1980 la ciudadanía refuga'l proyeutu de reforma constitucional propuestu pol réxime de facto, dando entamu a un procesu de apertura política. El 1 de setiembre de 1981 asume la presidencia el xeneral Gregorio Álvarez, quien en 1984 llama a eleiciones, si bien con ciudadanos y partidos políticos proscritos. Tras realizar esi mesmu añu, sal trunfante el Partido Colorado. Demientres los primeros díes de 1985 Álvarez dexa'l mandu en manes del Presidente de la Suprema Corte de Xusticia n'exerciciu, Rafael Addiego Bruno y finalmente'l 1 de marzu de 1985 el gobiernu retornó a los civiles cola asunción de Julio María Sanguinetti como Presidente.

Nun atroxu por dexar atrás el pasáu y retornar en paz al sistema democráticu, los partíos políticos mayoritarios acordaron votar la "llei de gandición" que desanició tolos delitos cometíos a partir del del 1ᵘ de xineru de 1962 n'arreyamientu a les aiciones subersives, pero escluyendo a testu espresu los funcionarios policiales y militares que cometieren delitos arreyaos cola llucha antisubersiva.

La ley 15.848 de la Gandición de la Pretensión Punitiva d'Estáu (popularmente conocida como "llei d'impunidá" o "llei de gandición"), que tapecía a tolos miembros de les Fuercies Armaes acusaos de violaciones a los derechos humanos ente 1973 y 1985, foi aprobada pol parllamentu n'avientu de 1986. Nos años siguientes llevóse a cabo una campaña de recueya de firmes p'afitar un referendu col envís de derogala. El 16 d'abril de 1989, llueu de que más de un 25% de la ciudadanía uruguaya habilitara cola so firma el referendu, llevóse a cabu'l mesmu, con un trunfu'l nomáu "votu amariellu" (por el color de la papeleta), que ratificaba la llei, con un marxe de 57% escontra 43% respeuto al "voto verde". El trunfu del "votu mariellu" significó nun afechar la llei de gandición, y caltener l'amnistía a los delitos cometios demientres el gobiernu militar.

Nos comicios de payares de 1989 resultó electu Luis Alberto Lacalle (del Partido Nacional). En 1994 Sanguinetti resultó electu por segunda vegada y en 1999 trunfó Jorge Batlle (del Partido Colorado).

Anguaño[editar | editar la fonte]

Tabaré Vázquez (esquierda) y el so vicepresidente, Rodolfo Nin Novoa.

Nes eleiciones presidenciales realizaes el 31 d'ochobre de 2004 resultó elixíu Tabaré Vázquez, candidatu pola coallición izquierdista ''Encuentro Progresista-Frente Amplio-Nueva Mayoría'' col 50,% de los votos, algamando la vitoria na primer torna y percarciando un parllamentu con mayoríes absolutes. Ye la primer vegada na historia del país qu'un partíu políticu nun tradicional accede al Poder Executivu. Nes eleiciones municipales de 2005 el Partíu Nacional obtuvo diez intendencies, el EP-FA-NM obtuvo ochu y el Partíu Colorado obtuvo una. Les próximes eleiciones presidenciales tán coxitaes pal añu 2009.

Gobiernu y política[editar | editar la fonte]

Sé del Mercosur (Parque Rodó, Montevidéu).

La República Oriental del Uruguái ye un Estáu unitariu democráticu, de calter presidencialista.

Según un informe publicáu pola revista británica The Economist, Uruguay ye consideráu'l país más dafechamente democráticu d'América del Sur, allugáu nel puestu 27 so un total de 167[15]. Y ye'l segundu de Llatinuamérica na tabla de los países con menor índiz d'abarruntamientu de corrución (ellaboráu pola organización Transparencia Internacional), namái detrás de Chile.El so gobiernu dixébrase en tres poderes independientes: poder executivu, poder llexislativu y poder xudicial.

Poder executivu[editar | editar la fonte]

El poder executivu ye exercíu pol presidente de la República, qu'actúa conxuntamente col Conseyu de Ministros. El presidente ye al empar xefe d'Estáu y Gobiernu, y ye elixíu xunto col Vicepresidente al tresvel d'eleición popular direcuta, mientres qu'estos designen al empar al conseyu de ministros. El presidente tien un mandatu de 5 años ensin reeleición inmediata hasta dempués d'igual estada dende'l cese del so cargu. Escuéyense nuna mesma candidatura presentada pol respeutivu partíu. En casu de que ninguna candidatura aquiste la mayoría absoluta de los votos, procédese a una segunda torna ente les dos primeres mayoríes. En dicha votación resulta ganadora la candidatura que recalde la mayoría simple de los votos. De magar el 1 de marzu de 2005 el presidente ye'l socialista Tabaré Vázquez, de la coallición Frente Amplio.

El Conseyu Ministros costa de trece ministerios, que detállense de secuti endiciando quien ocupa'l cargu al entamu'l mandatu de Tabaré Vázquez. Tamién depende de la Presidencia de la República, la Oficina de Planiamientu y Presupuestu (OPP) que tien rangu ministerial y cuyu Direutor y Sodireutor son escoyíos pol Presidente la República.

Ministeriu Nome Estaya
Interior Daisy Tourné Partíu Socialista
Defensa Nacional Azucena Berrutti Partíu Socialista
Arreyamientos Esteriores Reinaldo Gargano Partíu Socialista
Economía y Finances Danilo Astori Asamblea Uruguay
Educación y Cultura Jorge Brovetto Independiente, presidente'l Frente Amplio
Salú Público María Julia Muñoz Vertiente Artiguista
Trabajo y Seguridad Social Eduardo Bonomi Movimiento de Participación Popular
Vivienda, Ordenamientu Territorial y Mediu Ambiente Mariano Arana Vertiente Artiguista
Ganadería, Agricultura y Pesca José Mujica Movimiento de Participación Popular
Industria, Enerxía y Minería Jorge Lepra Independente
Tresporte y Obres Públques Víctor Rossi Alianza Progresista
Turismu y Deporte Héctor Lescano Alianza Progresista
Desenrollu Social Marina Arismendi Partíu Comunista

Poder llexislativu[editar | editar la fonte]

Faza del Palaciu Llexislativo, sé del poder llexislativu.

El poder llexislativu reside n'Asambleya Xeneral, la cual consta d'una Cámara de Senadores de 30 miembros y d'una Cámara de Representantes de 99 miembros, correpondientes a los 19 departamentos del país. Les eleiciones pal parllamentu celébrense en llistes pesllaes al empar cola eleición presidencial (nun s'aplica'l votu per cada candidatu a Diputáu o Senador sinón per una llista presentada por cada partíu políticu). Los Diputaos s'escueyen por departamentu mientres que los senadores s'escueyen a escala nacional, dambos pa mandatos de cinco años.

Poder xudicial[editar | editar la fonte]

El poder xudicial ye encabezonáu pola Suprema Corte de Xusticia, cuyos miembros son nomaos pola Asamblea Xeneral al traviés duna mayoría de dos tercios y cuyos mandatos duren diez años. La Suprema Corte de Xusticia ye la cabera instancia d'apelación y ye tamién la encargada de xuzgar la constitucionalidá de les lleis. El poder xudicial encadármase asinamesmo por Tribunales d'Apelaciones, Xueces Lletraos y Xueces de Paz.

Intendentes[editar | editar la fonte]

Los gobiernos llariegos de caún de los 19 departamentos organícense a semeyancia del gobiernu central, con dos muérganos fundamentales: l'Intendente Municipal (Executivu), y la Xunta Departamental (Llexislativu). Acúpense de les xeres doméstiques del departamentu, tresporte, cuida de les ciudaes, puxarres, allumáu públicu, ente otres funciones.

  • L'Intendente ye escoyío direutamente pol pueblu, n'eleiciones que realícense en 19 circuscriciones (una por cada departamentu).
  • Les Xuntes Departamentales son organismos unicamerales encadarmaos por 31 Ediles. El partíu políticu que reclada la mayoría simple de votos, aquista 16 de les banques y el restu dixébrense ente los demás partíos en proporción a los votos alcaldiaos.
  • Esiste tamién, en pequeños pueblos o ciudaes autoridaes llariegues que son escoyíes pol pueblu o nomaes pola Xunta Departamental a iniciativa del Intendente de les Xuntas Llariegues.
  • La reforma constitucional de 1997, institucionalizó'l Congresu d'Intendentes, col envís de coordinar les polítiques de los Gobiernos Departamentales pa permitir a estos acordar ente só, col Poder Executivu o con otros muérganos del Estáu.

Organización políticu-alministrativa[editar | editar la fonte]

Confórmase por 19 departamentos:

División polítical d'Uruguái
Departamentu Capital Superficie (km²) Población (2005)
Artigas Artigas 11 928 078 019
Canelones Canelones 4536 0485 240
Cerro Largo Melo 13 648 086 564
Colonia Colonia del Sacramento 6106 0119 266
Durazno Durazno 11 643 058 859
Flores Trinidad 5144 025 104
Florida Florida 10 417 068 181
Lavalleja Minas 10 016 060 925
Maldonado Maldonado 4793 0140 192
Montevidéu Montevidéu 530 01 325 968
Paysandú Paysandú 13 922 0113 244
Río Negro Fray Bentos 9282 053 989
Rivera Rivera 9370 0104 921
Rocha Rocha 10 551 069 937
Salto Salto 14 163 0123 120
San José San José de Mayo 4992 0103 104
Soriano Mercedes 9008 084 563
Tacuarembó Tacuarembó 15 438 090 489
Trenta y Tres Trenta y Tres 9529 049.318
Total¹ 175 016 03 241 003

¹Ensin incluyir la suma de los llagos artificiales del Río Negro (1.199 km²). [3]

Les principales ciudaes son Montevidéu, Las Piedras, Punta del Este, Ciudad de la Costa, Salto, Paysandú y Fray Bentos.

Xeografía[editar | editar la fonte]

Semeya satelital
Mapa físicu del Uruguay

Con una superficie terrestre de 176.215 km² —de la que 175.016 km² ye la suma total de los departamentos y 1.199 km² abargana la suma de los llagos artificiales del Río Negro—, exerce además la so soberanía sobre delles islles so'l ríu Uruguay, con un total de 105 km²; 16.799 km² d'augues xurisdicionales (Río Uruguay, Río de la Plata y Laguna Merín) y un área de mar territorial de 125.057 km². Al empar Uruguay caltién dos disputes fronterices con Brasil sobro los territorios conocíos como Isla Brasilana y Rincón de Artigas, qu'acupen un área de 237 km². L'área total del territoriu uruguayu abargana 318.413 km²[16].

El relieve arréyase na parte sur a les tierres pampeanes y constitúyese por vastes llanaes ondulaes y asulcaes por coteros nomaos cuchielles. Les más importantes son les que pertenecen a la Cuchilla de Haedo y a la Cuchilla Grande. El so puntu más eleváu ye'l bustiellu Bustiellu Catedral (Uruguay), con 514 m.

La cuenca hidrográfica más importante ye la del ríu Uruguay, que s'emplega como vía de comunicación pa colos demás países vecinos. La cuenca'l Río de la Plata fórmase por ríos de cursu curtiu. La cuenca la Laguna Merín intégrenla los ríos Yaguarón, Tacuarí y otros.

El clima ye atemperiáu nel sur y subtropical nel norte'l país, les lluvies son arrumes y repártense ente primavera-branu y seronda. El 75% del territoriu ye terrén de paciones. Les viesques son escases (25 % del territoriu).

Banzáu de Salto Grande.

Economía[editar | editar la fonte]

L'agricultura (arroz, trigu, maíz, xirasol, llinu, algodón, forraxera (azucrera) y la ganadería (vacunos, ovinos) son los recursos fundamentales de la economía. Les industries principales son la del papel y cartón, fertilizante, alcohol, [[cementu] y refinu d'hidrocarburos. Los recursos minerales y enerxéticos son escasos. Figura tamién el sector de servicios (financieros, lloxística, tresporte, comunicaciones) asina como la puxante industria de les teunoloxíes de la información, en particular el desenrollu de software y servicios arreyaos.

Nos caberos años medrara sobremanera la esplotación forestal d'Eucaliptus grandis y Eucaliptus globulus, con clisada a la producción de madera aserrada y madera pa la producción de celulosa. Asinamesmo, tan en construcción una planta de la empresa finlandesa Botnia y otra de la española ENCE, asina como otras n'estáu de proyeutu.

Otru de los principales ingresos económicos del país ye'l turismu: la nación cuenta con una llinia costera so'l Río de la Plata y l'Océanu Atlánticu batuxada de balnearios, ente los que se figuren Punta del Este y Piriápolis, de sonadía internacional. El turismu agropecuariu, históricu y termal tamién tien emportancia.

Esportaciones ya importaciones[editar | editar la fonte]

AlemañaEspañaMéxicuArxentinaBrasilEstaos Xuníos
RusiaChinaEstaos XuníosParaguayBrasilArxentina

Demografía[editar | editar la fonte]

Pirámide de población d'Uruguái en 2017.

La población del país costitúyese esencialmente pol aporte de grupos d'inmigrantes. Los pueblos indíxenes orixinales desapaicieren cuasi dafechu por mor, principalmente, d'un sistemáticu estermín lleváu a cabu demientres el sieglu XIX, de xeitu qu'anguaño la inmensa mayoría de los uruguayos son descendientes de'españoles ya italianos, siguíos de franceses y alemanes y otros europeos (88% aprox.), con pequeñes minoríes de mestizos (8% aprox.) y de negros (4% aprox.)[17].

Salú[editar | editar la fonte]

Uruguái cuenta un sistema de salú mixtu (públicu y priváu). El Ministeriu de Salú Pública (M.S.P.) ye'l responsable de normalizar, evaluar y fiscalizar l'atención a la salú en toó'l país, tantu pa l'asistencia pública como privada.

Según l'Institutu Nacional d'Estadística d'Uruguái, en 2006 el 97,2% de la población que reside en llocalidaes de 5.000 o más habitantes dispón de dalguna mena d'asistencia médica, mientres que'l 2,8% rexistrara l'ausencia total de derechos pa l'asistencia de la so salú.

Esti mesmu estudiu reveló que práuticamente'l 46% de la población alcuéntrase afiliada a una institución d'asistencia médica privada, mientres que'l 42% atiende la so salú al tresvel del Ministeriu de Salú Público o l'Hospital de Clíniques (dependiente de la Universidá de la República). Dientro de los primeros, más de la metá (24,4%) cuenta amás con serviciu d'emerxencia móvil, en tanto apenas el 4,8% de los usuarios de salud pública, cuenta con este serviciu[18].

Los recursos humanos constituyen ún de los principales puntos favoratibles na salú nel Uruguay, ya que según un informe realizáu en 2006 pola Organización Mundial de la Salú, el país ye'l segundu n'América Llatina con más médicos por habitante (3,65 por cada mil habitantes) dempués de Cuba (5,91)[19].

Estadístiques[editar | editar la fonte]

  • Esperanza de vida al ñacer (est. 2006)[20]:
    • Población total: 76,33 años
    • Homes: 73,12 años
    • Muyeres: 79,65 años
  • Mortalidá materna[21]: 11 reportados cada 100.000 ñacíos vivos
  • Mortalidá infantil: 12,7 por mil (2005)[22][23]: 18.1 por 1.000
  • Alfabetismu: 97,7% (2006)[24]
  • Consumu de caloríes diaries: 2.862 per cápita
  • Augua potable[25]: 98 %

Augua potable y saniamientu[editar | editar la fonte]

Uruguái ye l'únicu país d'América Llatina que percanciara una cobertura cuasi universal d'accesu a l'augua potable seguro y a un saneamientu afayadizu, con altos niveles de calidá de servicios (por accesu a l'augua potable ver[26] y por saniamientu ver[27]). Daos estos percancies, la prioridá del gobiernu ye meyorar la eficiencia de los servicios y enanchar l'accesu al serviciu d'alcantarielláu (nun pertinente) n'estayes au s'emplega saneamientu en sitiu.

Cultura[editar | editar la fonte]

Grupu de murga uruguaya
Ficheru:Zitarrosa2.jpg
Alfredo Zitarrosa
América invertida (1943) de Joaquín Torres García.

Música[editar | editar la fonte]

La música rioplatense por escelencia ye'l tangu y la so hermana menor, la milonga, pero Uruguay posee además ritmos qu'anguaño-y son esclusivos, como'l candombe y la murga uruguaya, que tienen el so apoxéu nes llamaes d'antroxu (nel casu del candombe) y nel mesmu Carnaval, nel casu de la murga. Ente los músicos y cantantes destacaos s'alcuentren Julio Sosa, Carlos Gardel, José Carbajal, Daniel Viglietti, Amalia de la Vega, Osiris Rodríguez Castillo, Jaime Roos, los hermanos Hugo Fattoruso y Osvaldo Fattoruso (ex integrantes de Los Shakers y Opa), Jorge Drexler, Eduardo Mateo, Ruben Rada, Alfredo Zitarrosa, Jorge Lazaroff, Pablo Sciuto, Tabaré Arapí y Leo Maslíah, y grupos como El Cuarteto de Nos, Los Estómagos, El Kinto, Tótem, Los vidrios, Zero, La Chancha, Los Shakers, Opa, Los Iracundos, Los Olimareños, Los que Iban Cantando, La Tabaré Riverock Banda, Traidores, Buitres Después de la Una, No Te Va Gustar, La Vela Puerca, Trotsky Vengarán, La Trampa, Rey Toro, etc. Tamién son uruguayos l'autor del tangu más famosu del mundu (La Cumparsita), Gerardo Matos Rodríguez, y el revolucionador de la téunica d'execución de guitarra culta, Abel Carlevaro.

Pintura[editar | editar la fonte]

En pintura figuren Juan Manuel Blanes, Joaquín Torres García, Carlos Sáez, Rafael Barradas, Petrona Viera, Pedro Figari, Carmelo de Arzadum, Ernesto Laroche, Felipe Seade, José Gurvich, Carlos Páez Vilaró, José Cúneo, Hugo Nantes y Clever Lara.

Escultura[editar | editar la fonte]

N'escultura figuren enforma Juan Manuel Ferrari, José Belloni, José Luis Zorrilla de San Martín, Gonzalo Fonseca y Germán Cabrera. Ente los escultores contemporáneos figuren Ramón Cuadra Cantera, Mario Lorieto, Hugo Nantes, Ricardo Pascale, Octavio Podestá, Pablo Atchugarry y Águeda Dicancro [4].

Lliteratura[editar | editar la fonte]

La poesía uruguaya ñaz con Bartolomé Hidalgo, aniciador de la corriente gauchesca y autor de los famosos cielitos. Romildo Risso, José Alonso y Trelles, y Serafín J. García foron grandes continuadores d'esa tendencia, pero nel sieglu XX destacó con particular lluz propia Osiris Rodríguez Castillo. Nos sos llibros Grillo Nochero y Cantos del Sur y del Norte, aprucen representaos los sos más famosos poemes. Gurí pescador, Como yo lo siento, De Corrales a Tranqueras, Camino de los quileros y Décimas de Jacinto Luna, son yá clásicos nel xéneru.

Los románticos afáyense representaos na obra d'Adolfo Berro, Juan Zorrilla de San Martín.

Destaquen tamién Juan José Morosoli y José Enrique Rodó.

En 1900 Julio Herrera y Reissig ye'l precursor de la poesía modernista hispanoamericana. Destaquen nesta dómina les poetes Juana de Ibarbourou (tamién conocida como Juana de America) y Delmira Agustini. Ente los llíricos destaquen Emilio Frugoni, Emilio Oribe, Salvador Puig, Circe Maia. Ente los valores intelectuales con producción actual, sobresalen Juan Carlos Onetti, Carlos Martínez Moreno, Eduardo Galeano, Mario Benedetti, Jorge Majfud y Amir Hamed. Nel teatru destaquen Florencio Sánchez y Jacobo Langsner.

Horacio Quiroga destaca tamién colos sos Cuentos de amor de locura y de muerte [5], y ye consideráu por munchos como'l Edgar Allan Poe sudamericanu.

Filosofía[editar | editar la fonte]

Destaquen Carlos Vaz Ferreira y Arturo Ardao.

Cine[editar | editar la fonte]

El cine uruguayu puédese considerar que ñaz en 1919, en xeneral pecuñarizóse por producciones uruguayes-estranxeres. Somos a figurar El Lugar del Humo (1979), Mataron a Venacio Flores (1982),etc... Demientres la so historia tuvo intres en que se produciría un despegue del mesmu qu'enxamás se daba, somos a dicir que a partir del añu 2003 el mesmu entama con una estada d'ésitos.

Los principales esponentes del cine d'anguaño uruguayu son Juan Pablo Rebella y Pablo Stoll, quienes en 2005 ganaron el Premiu Goya a la meyor película estranxera de fala hispana, tamién el Festival de Cine de Cannes, premiu FIPRESCI (2004), col film Whisky. El premiu Premiu Goya, fora yá aquistáu por un uruguayu en 2003, cuando Diego Arsuaga lo ganara pola so película El último tren. Otres producciones uruguayes destacaes son 25 Watts, En la puta vida, El viñedo, y El Baño del Papa.

Rescamplar César Charlone como direutor de fotografía del film brasilanu Ciudad de Dios, pol cual foi nomáu al premiu Óscar.

Asinamesmo, Jorge Drexler ye'l primer uruguayu en recibir un premiu Óscar a la meyor banda sonora orixinal nuna llingua desemeyada al inglés pol canciu Al otro lado del río de la película Diarios de motocicleta basada na vida d'Ernesto "Che" Guevara.

Nos caberos años el gobiernu uruguayu diera grandes incentivos a les filmaciones y producciones, esonerando d'impuestos. Esto determinó que parte del film Miami Vice se filmara ente la ciudá de Montevidéu y el balneariu Atlántida.

Arte Contemporaneu y nuevos medios[editar | editar la fonte]

Si bien trátase d'un país pequeñu, esiste una gran cantidá d'artistes y productores culturales de desemeyaes llinies que trabayen tantu nel país como nel esterior. Amás del pabellón propiu na Bienal de Venecia, n'Italia, artistes uruguayos tamién esponen asiduamente nes bienales de São Paulo, Mercosur y de L'Habana, ente otres.

A partir del añu 2004 entamó a tener relieve dientro del movimientu cultural, la Fundación d'Arte Contemporaneu (FAC) que ye una organización qu'acoye a una ventena d'artistes cuya producción tien énfasis na contemporaniedá. Ente los nomes que destaquen na escena de les artes contemporanies s'alcuentren Fernando López Lage, María Clara Rossi, Martín Sastre, Daniel Umpiérrez, Brian Mac Kern, Enrique Aguerre, el colleitivu LOGO, Pablo Uribe, Santiago Tavella, Nicolás Branca, Beatriz Martínez, Guillermo Sierra, Rulfo y José Andrés de Vera y Paysal.

Asinamesmo, la ciudá de Punta del Este, ún de los principales balnearios del Conu Sur,nomárase Capital Iberoamericana de Cinematografía.

Relixón[editar | editar la fonte]

L'Estáu uruguayu ye llaicu, con dafecha llibertá de cultos. La separtación Ilesia-Estáu estableciérase na Constitución de 1919 como culminación d'un procesu de secularización qu'entamara en 1877 cola aprobación del Decretu Llei d'Educación Común redactáu por José Pedro Varela qu'establecía la non obligatoriedá de la educación relixosa nes escueles. Esiste na sociedá un ampliu clima de tolerancia hacia los desemeyaos cultos. La Constitución y la llei prohíben la discriminación por sides relixoses[28].

La relixón mayoritaria ye'l catolicismu, con un 66% d'adeptos, magar que gran parte d'esti porcentaxe nun son prauticantes. Hai 2% de protestantes y un 1% de xudíos. El componente de relixones sincrétiques ente'l catolicismu y relixones africanes tien creciente importancia. Aproximadamente'l 31% de la población nun profesa nenguna relixón[29].

Tresporte, comunicaciones y teunoloxía[editar | editar la fonte]

Tresporte[editar | editar la fonte]

Carreteres[editar | editar la fonte]

La rede vial nacional d'Uruguái cunta con 8.705 quilómetros de carreteres d'ún o más carriles, más de 2.300 quilómetros d'autopistes o autovíes según National Geographic, que se distribuyen nos 175.016 km² de territoriu y sirven a más de tres millones d'habitantes y decenes de miles de turistes, lo que significa ún de los más altos índices d'accesos a desemeyaes partes del territoriu d'América Llatina. Tipos de firme nes carreteres:

Ferrocarriles[editar | editar la fonte]

Los ferrocarriles uruguayos cunten con aproximadamente 2900 km de llinies, toes con anchu de vía de 1435 mm, tracción diésel y sólo 11 km de doble vía. La metá de la rede ta clausurada, circulando trenes de carga nos ramales Montevidéu - Rivera - Livramento, Piedra Sola - Tres Árboles, Sayago - Minas, Verdún - Planta ANCAP, Carnelli - La Teja, Chamberlain - Paysandú - Salto - Concordia y Algorta - Fray Bentos. Trabáyase na reapertura de 25 d'Agostu - San José - Ombucitos, reabriéndose'l tramu hasta San José pa los servicios de pasaxeros n'avientu de 2006.[30]

Los servicios de pasaxeros préstense en tres llinies suburbanes partiendo de Montevidéu hacia'l Norte (25 'Agostu, 63 km), Oeste (San José, 96 km compartiendo los 63 de la llinia a 25 d'Agostu) y Noreste (Ing. Víctor Sudriers, 44 km, compartiendo los primeros 8 km coles otres dos). Dende'l 1ᵘ de marzu de 2003 los trenes de pasaxeros parten y lleguen d'una nueva y pequeña estación terminal allugada a 500 metros hacia'l norte de la Estación Central de Montevidéu, que permanez pesllada dende entóncenes. Esto significó una pérdida de mas de 100.000 pasaxeros pa los servicios de trenes[31].

L'Alministración de Ferrocarriles del Estáu ye anguaño l'alministradora de la rede y la qu'opera los trenes. Ta permitida la circulación de material d'otres empreses ya instituciones y delles poseen los sos propios vagones y llocomotores (ANCAP, AUAR, CEFU, CUCP).

Estación Central "Xeneral Artigas" inaugurada el 23 de xunu de 1897 y clausurada el 1ᵘ de marzu de 2003, reemplazada por un apeaderu 500 metros hacia'l norte.
Cifres de tresporte de carga
per ferrocarril
Añu Tonelaes Tonelaes-quilómetru
2000 1:321.338 238:686.674
2001 1:191.154 219:166.926
2002 822.745 178:135.295
2003 881.056 187:595.062
2004 1:220.046 296:546.835
Tresporte de pasaxeros
(boletos vendíos y abonos,
nun inclúi trenes especiales)
Añu Boletos vendíos y abonos
2000 277.073
2001 244.427
2002 383.339
2003 547.550
2004 464.449
2005 532.747
2006 695.607

Aeropuertos[editar | editar la fonte]

N'Uruguái esisten aproximadamente 64 aeropuertos o aeródromos secundarios, de los cuales nueve cunten con pista d'aterrizaxe pavimientada, siendo los otros cincuenta y cinco arródromos secundarios o pistes d'emerxencia cola pista ensin pavimientar o con pavimientu leve[32]. Los dos más importantes son l'Aeropuertu Internacional de Carrasco afayáu en Canelones, dientro l'área metropolitana de Montevidéu, y l'Aeropuertu Intenacional de Laguna del Sauce nel departamentu de Maldonado. L'Aeropuertu Internacional de Carrasco ta en procesu de construcción d'una nueva terminal aérea cuya inauguración ta prevista pal añu 2009, destinando l'edificiu d'anguaño como terminal de cargues.

Navegación[editar | editar la fonte]

Dientro de los 450 km de costes nel Río de la Plata y 220 km de costes marines s'alluguen como principales puertos el Puertu de Montevidéu, Colonia del Sacramento, Fray Bentos (en realidá, nel postreru sur del ríu Uruguái), Nueva Palmira, La Paloma, Piriápolis y Punta del Este.

Comunicaciones[editar | editar la fonte]

N'Uruguái la llibertá de prensa ampárase pola Constitución. Según un estudiu realizáu por Reporteros Ensin Llendes en 2006, el país ocupa la posición númberu 57 nel índiz de llibertá de prensa mundial, terceru en Sudamérica (dempués de Bolivia y Chile) y octavu en Llatinoamérica (llueu de Bolivia, Trinidá y Tobagu, El Salvador, Costa Rica Panamá, El Salvador y Chile)[33].

Cada mil habitantes circulen 293 xornales, hai 603 radio-receptores, 530 televisores y 278 llinies telefóniques. Habiendo en cuenta una familia de 4 persones de clase media, toes gozaríen d'estos bienes.

Según estimaciones de 2005, nel Uruguay esisten 93 emisores de radio AM, 191 emisores de FM, 7 de onda curtia y 62 emisores de televisión.[34]. En 2007 el país algamó la cifra d'un millón d'usuarios de'internet[35].

Nel país hai 4 canales importantes:

  • Canal 4 Montecarlo TV
  • Canal 5 Televisión Nacional (canal estatal)
  • Canal 10
  • Canal 12 La Tele

A los mesmos debemos-y enantar les canales del interior del país y les sos repetidores.

Telefonía[editar | editar la fonte]

El sistema telefónicu uruguayu ye 100% dixital dende 1997, gracies a los enfotos por meyorar de la empresa monopólica estatal de telecomunicaciones ANTEL. Uruguái foi'l primer país en toda América (incluyíu Estaos Xuníos) en poseer esti estatus[36].

N'Uruguái hai más d'un millón de teléfonos fixos[37], 27,84 llinies por cada 100 habitantes, lo que constituye la más alta densidá en telefonía fixa de Llatinoamérica[38]. La metá del sistema telefónicu s'alcuentra en Montevidéu (00.598.2.XXX.XXXX).

La telefonía móvil (09X.XX.XX.XX) dixébrase en tres empreses, una pública dependiente d'ANTEL, denomada ANCEL (099.XX.XX.XX y 098.XX.XX.XX), y dos privaes: Movistar (094.XX.XX.XX y 095.XX.XX.XX) y CTI Móvil (096.XX.XX.XX). Anguaño Uruguay esperimenta'l boom de la telefonía móvil, au más de dos millones d'habitantes disponen de teléfono móvil, dos tercios de la población total.[39].

Teunoloxía[editar | editar la fonte]

La industria de teunoloxíes de la informática ye puxante n'Uruguái. Los principales esponentes son los productos GeneXus (Artech), Bantotal (DeLarrobla y asociados). La industria del software ye una de les mayores esportadores del país. Y manque a les dificultaes de la zona, esta industria ye una de les que mayor medría y futuru promete, siendo la única industria con desemplegu cero en tol país.

Educación[editar | editar la fonte]

Son principios fundamentales de la educación pública uruguaya la llaicidá, gratuidá y obligatoriedá, tal como foren proclamaos por José Pedro Varela.

Nel Uruguay la población tien accesu a educación de baldre dende primer nivel de xardinería hasta la graduación na universidá. El país cunta con una universidá pública, la Universidá de la República, que consta de delles facultaes y servicios engadíos. Esta ufierta compleméntase por intituciones d'educación privada qu'abarganen dende la educación preescolar hasta la terciaria.

Ún de los percancies más importantes de la enseñanza nel país ye l'altu índiz d'alfabetización, ya que según The World Factbook, l'índiz d'alfabetismu alcuéntrase nel 98%, el más altu d'América Llatina, siguío por Arxentina (97.1%) y Cuba (97,0%)[40]. Estos datos vense confirmaos nel Informe so'l Desenrollu Humanu de 2005 realizáu pol Programa de Naciones Xuníes pal Desenrollu, nel cual Uruguay caltién la so posición a la tiesta d'América Llatina con respeutu a l'alfabetización col 97,7% de la población, siguío nuevamente por Arxentina (97,2%) y Cuba (96,9%)[41].

Estadístiques[editar | editar la fonte]

Alfabetismu (est. 2003)[42]:

  • Población total: 98%
  • Homes: 97.6%
  • Muyeres: 98.4%

Tasa neta d'iscripción escolar:

  • Primaria total: 93 %
  • Homes: 93 %
  • Muyeres: 93 %

Secundaria:

  • Homes: 77 %
  • Muyeres: 92 %

Universidá: 35 %

Docentes de primaria: ún cada 21 estudiantes

Universidaes Públiques[editar | editar la fonte]

Nel ámbitu públicu, la única universidá d'Uruguái ye la Universidá de la República, dedicada a carreres profesionales. Pa estudiar carreres terciaries y téuniques alcuéntrase la Universidá del Trabayu del Uruguay.

Universidaes privaes[editar | editar la fonte]

De magar 1985, entamen a fundase universidads privaes, siendo la Universidá Católica d'Uruguái la primer d'elles.

Deportes[editar | editar la fonte]

El deporte con más siguidores n'Uruguái ye'l fútbol. Históricamente'l fútbol foi un elementu fundamental no tocante al afianzamientu de la "nacionalidá" uruguaya y a la proyeición internacional de la imaxe d'Uruguái como país, nos entamos del sieglu XX. "La celeste" (nomatu históricu de la escoyeta uruguaya, que surde del color de la so camiseta) esmechó n'Europa coles sos presentaciones olímpiques y ganóse l'almiración y el respetu del universu deportivu, allugando al fútbol sudamericanu nel más altu planu de considerancia nuna dómina en que dichu continente yera entá inoráu nel mapa internacional del fútbol (Uruguái en particular desconocíu en tolos mapes, nun sólo nel futbolísticu). Uruguái ganó dos medalles d'Oro consecutives, nos Xuegos Olímpicos (París 1924 y Ámsterdam 1928), siendo demientres 80 años l'únicu país sudamericanu n'ocupar el máximu sitial olímpicu, honor compartíu agora con Arxentina dende los Atenas 2004.[43]

Uruguái comparte tamién con Arxentina el primer llugar en cantidá de copes América, dambos con 14, siguíos por Brasil, con 7. No referente a títulos mundiales, Uruguái conquistó en dos vegaes la Copa Mundial de Fútbol (en 1930 y 1950, siendo esti últimu un llogru deportivu históricu y ún de los intres más dramáticos ya inescaecibles de la historia del fútbol, cuya final ye conocida dende entóncenes col nomatu del "Maracanazo"). A nivel de clubes, Nacional y Peñarol, los dos principales equipos uruguayos, representaren al Uruguay de forma ablucante, alcaldiando ente dambos ocho Copes Libertadores y seis Copes Intercontinentales, además d'una destacada llista (en cantidá y calidá) de títulos intenacionales que-yos permiten ocupar güei (payares 2006) la primer y la tercer posición nel Ranking de Clubes de la Confederación Suramericana de Fútbol (Peñarol 1094 pts, Boca Juniors 1023 pts, Nacional 960 pts).[44]

Otros deportes que gocien de muncha sonadía son el baloncestu y el rugbi que caberamente ganara mas adeptos, asina como tamién el ciclismu,; nos Xuegos Olímpicos de Sydney 2000 Milton Wynants ganó una medaya de plata tornando a poner a Uruguái nel medayeru llueu de 36 años.

Uruguái nos Xuegos Olímpicos


Fiestes[editar | editar la fonte]

Feriaos
Fecha Nome n'asturianu Nome llariegu Notes
1 de xineru Añu nuevu Año nuevo Non llaborable.
6 de xineru Epifanía Día de los niños Llaborable ya inamovible. Nomáu popularmente Día de Reis
Data móvil Antroxu Carnaval Llaborable (llunes y martes de la séptima selmana anterior al domingu de Pascua).
Data móvil Selmana Santa Semana de turismo Llaborable, sacante xueves y vienres.
19 d'abril Desembarque de los 33 Orientales Desembarcu de los 33 Orientales Llaborable. Si cai en sábadu, domingu o llunes: conmemórase en dicha fecha. Si cai martes o miércoles: conmemórase el llunes anterior. Si cai xueves o vienres: conmemórase el llunes siguiente.
1 de mayu Día Intenacional del Trabayu Día de los trabajadores Non llaborable.
18 de mayu Batalla de Las Piedras Batalla de Las Piedras Llaborable. Si cai sábadu, domingu o llunes: conmemórase en dicha fecha. Si cai martes o miércoles: conmemórase'l llunes anterior. Si cai xueves o vienres: conmemórase'l llunes siguiente.
19 de xunu Nacencia de José Artigas Natalicio de José Artigas Llaborable ya inamovible.
18 de xunetu Xura de la Constitución Jura de la Constitución Non llaborable.
25 d'agostu Declaratoria de la Independencia Declaratoria de la Independencia Non llaborable.
12 d'ochobre Día de la Raza Día de las Américas Llaborable. Si cai Sábadu, domingu o llunes: conmemórase en dicha fecha. Si cai martes o miércoles: conmemórase'l llunes anterior. Si cai xueves o vienres: conmemórase'l llunes siguiente.
2 de payares Día de los Fieles Difuntos Día de los difuntos Llaborable ya inamovible.
25 d'avientu Nadal Día de la familia Non llaborable. Nomáu popularmente "Navidad".

Notes:

  • A raíz de la natura llaica del estáu uruguayu, les festividaes cristianes (Selmana Santa y Nadal) reciben oficialmente otros nomes (Selmana de turismu y Día de la familia). Sicasí, sacante la Selmana Santa, les mesmes son conocíes popularmente pol so nome cristianu. Esta cabera nómase-y indistintamente Santa, de Turismu, Criolla, o de la Torna Ciclista.
  • Nos años en qu'hai cambéu de mandu presidencial (los terminaos en 0 o en 5), el 1ᵘ de marzu ye feriáu non llaborable.
  • Los feriaos non llaborables son siempres inamovibles.

Vér tamién[editar | editar la fonte]

Referencies[editar | editar la fonte]

  1. URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.
  2. URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.
  3. URL de la referencia: https://www.iho.int/srv1/index.php?option=com_wrapper&view=wrapper&Itemid=452&lang=en. Editorial: Organización Hidrográfica Internacional. Data de consulta: 8 avientu 2017.
  4. URL de la referencia: http://www.unesco.org/eri/cp/ListeMS_Indicators.asp.
  5. URL de la referencia: http://www.earthobservations.org/members.php.
  6. URL de la referencia: http://www.upu.int/en/the-upu/member-countries.html. Data de consulta: 4 mayu 2019.
  7. URL de la referencia: https://www.itu.int/online/mm/scripts/gensel8. Data de consulta: 4 mayu 2019.
  8. URL de la referencia: https://public.wmo.int/en/members/uruguay. Data de consulta: 26 mayu 2020.
  9. URL de la referencia: https://www.who.int/choice/demography/by_country/en/. Data de consulta: 21 xunetu 2020.
  10. URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 3. Supports qualifier: data de principiu.
  11. (2010) Cartafueyos Normativos. Nomes de los países del mundu y de les sos capitales y xentilicios. Uviéu: Academia de la Llingua Asturiana. ISBN 978-84-8168-500-8.
  12. Como apaez na entrada d'«uruguayu» nel DALLA [1]
  13. "Tiempos de dictadura 1973/1985. Hechos, voces, documentos. La represión y la resistencia día a día" - Virginia Martínez, Ediciones de la Banda Oriental
  14. SERPAJ - Lista de detenidos-desaparecidos en Uruguay
  15. The Economist - Democracy index
  16. Servicio Geográfico Militar - Uruguay: superficie territorial.
  17. CIA - The World Factbook - Uruguay (n'inglés)
  18. INE - Uruguay en Cifres 2006
  19. Global distribution of health workers in WHO Member States (20 February 2006) (n'inglés)
  20. CIA - The World Factbook - Uruguay (n'inglés)
  21. Organización Panamericana de la salud
  22. [http://www.cbasico.fmed.edu.uy/material_bajar/2006/SP1Situacion_epidemiologicaUruguay2006.pdf#search=%22Ministerio%20de%20Salud%20P%C3%BAblica%20mortalidad%20infantil%202005%22 www.cbasicoMortalidá en menores de 5 años
  23. Organización Panamericana de la Salud
  24. www.observa.com.uy (31-07-06)
  25. Panorama:Estadístiques del Uruguay - Unicef
  26. JMP [Programa Conxuntu OMS/UNICEF de Monitoreu del Abastamientu d'Agua y del Saniamientu http://www.wssinfo.org/pdf/country/URY_wat.pdf]
  27. JMP [2])
  28. U.S. Department of State - Entenational Religious Freedom Report 2006 - Uruguay (n'inglés)
  29. CIA - The World Factbook - Uruguay (n'inglés)
  30. Ferrocarriles del Uruguay
  31. Grupu de Pasaxeros en defensa de la Estación Central
  32. CIA - The World Factbook - Uruguay (n'inglés)
  33. Índiz sobre l'estáu de la llibertá de prensa nel mundu (ochobre 2006)
  34. CIA - The World Factbook - Uruguay (n'inglés)
  35. Montevidéu COMM - Un millón d'internautes
  36. ANTEL - Reseña histórica.
  37. CIA - The World Factbook - Uruguay (m'inglés)
  38. UNPAN - Benchmarking E-government: A Global Perspective (2002)
  39. Uruguay tien más de 1.200.000 móviles en funcionamientu
  40. CIA - The World Factbook - Uruguay (n'inglés)
  41. Informe so'l Desenrollu Humanu 2005
  42. CIA - The World Factbook - Uruguay (n'inglés)
  43. www.olympic.org
  44. Ranking de Clubes de la CONMEBOL

Enllaces esternos[editar | editar la fonte]


Países d'América
Antigua y Barbuda | Arxentina | Les Bahames | Barbados | Belize | Bolivia | Brasil | Canadá | Chile | Colombia | Costa Rica | Cuba | Dominica | República Dominicana | Ecuador | Estaos Xuníos d'América | Granada | Guatemala | Guyana | Haití | Hondures | Méxicu | Nicaragua | Panamá | Paraguái | Perú | El Salvador | Saint Kitts y Nevis | Saint Lucia | San Vicente y Les Granadines | Surinam | Trinidá y Tobagu | Uruguái | Venezuela | Xamaica

Dependencies: Anguila | Les Bermudes | Islles Caimán | Clipperton | Guadalupe | Guyana Francesa | Groenlandia | Islles Malvines | Islles Turques y Caicos | Montserrat | Martinica | Puertu Ricu | Shag Rocks | Xeorxa del Sur y Sandwich del Sur