Système universitaire de documentation

De Wikipedia
Saltar a navegación Saltar a la gueta
04-11-18
Amuesa de SUDOC en 2013.

El Système universitaire de documentation, SUDOC, (n'asturianu: «Sistema universitariu de documentación») ye un catálogu unificáu de documentación de les biblioteques universitaries franceses que s'empecipió en 1999 emplegando distintos centros de documentación d'universidaes y centros d'investigación. L'alministración central ta al cargu de l'Agence bibliographique de l'enseignement supérieur (ABES).

Trátase d'un rexistru de más de 10 millones de referencies bibliográfiques, qu'inclúi monografíes, tesis, publicaciones periódiques y otros documentos. El resultáu d'una busca informa al usuariu sobre la llocalización precisa del documentu, yá qu'inclúi les coleiciones de publicaciones en serie d'unos 2400 centros franceses de documentación, investigación ya información.[1] Col so índiz de control d'autoridaes Autorités (IdRef), SUDOC forma parte del Virtual International Authority File (VIAF).

Referencies[editar | editar la fonte]

  1. «El catálogu Sudoc» (inglés, francés y español). Consultáu'l 22 de marzu de 2016.