Colombia

República de Colombia
Bandera de Colombia Escudu de Colombia
Lema nacional: Llibertá y Orde
Himnu nacional: Himno Nacional de Colombia
Capital  • Población  • Coordenaes	Bogotá 6.776.009 (2008) 4º39' N 74º3'W
Ciudá más poblada	{{{ciudá_más_poblada}}}
Llingües oficiales	{{{llingües_oficiales}}}
Llingües reconocíes	{{{llingües_reconocíes}}}
Forma de gobiernu Presidente	República democrática Juan Manuel Santos
Independencia  • Declarada  • Reconocida	De España 20 de xunetu de 1810 19 d'agostu de 1819
Superficie  • Total	Puestu 25º 1.141.748 km²
Población  • Total	Puestu º 46.044.601 (2011 proy.)
PIB (PPA)  • Total (2010 (est.))  • PIB per capita	Puestu º US$ 289.433 millones US$ 6.359
Moneda	Pesu colombianu ($, COP)
Xentiliciu	Colombianu, -a, -o
Zona horaria	UTC-5
Dominiu d'Internet	.co
Códigu telefónicu	+57
Prefixu radiófonicu
Códigu ISO	COL / CO
Miembru de: CSN, ONX, OEA, CAN
Sitiu web del Gobiernu: {{{web_gobiernu}}}

Colombia, oficialmente República de Colombia, ye un país asitiáu na fastera noroccidental d'América del Sur, lo que la fai poseedora de costes nos océanos Atlánticu (mar Caribe), Pacíficu y el ríu Amazones.

Llenda con Venezuela al este, Brasil al sudeste, Perú y Ecuador al sur, y Panamá al Oeste.

Política y gobiernu

Organización política

La Constitución colombiana, aprobada'l 5 de xunetu de 1991, define al país como un Estáu social de derechu organizáu como una república xunitaria, descentralizada, con autonomía de los sos territorios, democrática, participativa y pluralista.

El poder executivu correspuénde-y al presidente de la república. Esti ye elexíu por sufraxu directu pa un mandatu de cuatro años, y puede presentase a la reeleición namái una vez na so vida. El presidente ye'l xefe del estáu, xefe del gobiernu y comandante en xefe de les Fuerces Armaes.

El poder llexislativu ta nes manes del Congresu, una institución bicameral compuesta pol Senáu y la Cámara de Representantes. Los sos miembros, 102 senadores y 165 representantes, son elexíos cada cuatro años.

No que cinca al poder xudicial, los sos muérganos cimeros son: la Corte Constitucional; el Conseyu d'Estáu, que fai les veces de tribunal contencioso-alministrativu; la Corte Suprema de Xusticia, que ye'l tribunal de casación y tamién l'únicu que puede xulgar a los cargos públicos aforaos; y el Conseyu Superior de la Xudicatura.

Gobiernu

El presidente del país ye, dende'l 7 d'agostu del 2010, Juan Manuel Santos Calderón. El so vicepresidente ye Angelino Garzón. El presidente de la Cámara de Representantes ye Simón Gaviria, y el del Senáu Juan Manuel Corzo. El gabinete de ministros (abril 2012) ta formáu polos titulares de los ministerios que vienen darréu:

• Interior: Germán Vargas Lleras.
• Relaciones Esteriores: María Angélica Holguín.
• Defensa: Juan Carlos Pinzón.
• Facienda y Creitu Públicu: Juan Carlos Echeverry.
• Xusticia: Juan Carlos Esguerra.
• Tecnoloxía: Diego Molano.
• Trabayu: Rafael Pardo.
• Agricultura y Desarrollu Rural: Juan Camilo Restrepo Salazar.
• Tresporte: Germán Cardona Gutiérrez.
• Cultura: Mariana Garcés Córdoba.
• Minas y Enerxía: Mauricio Santa María.
• Educación Nacional: María Fernanda Campo.
• Mediu Ambiente: Frank Pearl.
• Vivienda: Beatriz Uribe.
• Comerciu, Industria y Turismu: Sergio Díaz Granados.
• Salú: Beatriz Londoño.

Partíos políticos y sindicatos

Los principales partíos políticos del país son:

• Partíu Lliberal (PL). El so presidente ye Simón Gaviria.
• Partíu Comunista de Colombia (PCC). El so secretariu xeneral ye Jaime Caycedo.
• Partíu Conservador Colombianu (PC). El so presidente ye Efraín Cepeda Sarabia.
• Polu Democráticu Alternativu (PDA). La so presidenta ye Jaime Dussán.
• Partíu Social d'Unidá Nacional (Partido de la U). El so director ye Juan Lozano.

No que cinca a los sindicatos, los más representativos son:

• Central Unitaria de Trabayadores (CUT), presidida por Tarsicio Mora.
• Confederación Xeneral del Trabayu (CGT), que'l so secretariu xeneral ye Julio Roberto Gómez.
• Unión Sindical Obrera (USO), presidida por César Loza.
• Federación Nacional de Trabayadores al Serviciu de l'Estáu (Fenaltrase), presidida por Roberto Chamucero.

Demografía

La población del país ye, según la proyección pal añu 2011 del Departamento Administrativo Nacional de Estadística, de 46.044.601 habitantes. No que cinca a la so adscripción étnica, según el censu de 2005 nel país había un 10,6% d'afrocolombianos, un 3,4% d'indíxenes amerindios y un 0,01% de rom. Esi censu nun da adscripción étnica denguna al 85,94% sobrante de la población.

Les principales ciudaes del país, según la citada proyección, son:

Ciudá	Población
Santafé de Bogotá	7.467.804
Medellín	2.368.282
Cali	2.269.653
Barranquilla	1.193.667
Cartagena de Indias	955.709

Enllaces esternos

• Gobiernu de Colombia
• Presidencia de la República
• Bancu de la República
• Departamento Administrativo Nacional de Estadística

Wikimedia Commons tien archivos rellacionaos con:

Colombia