Océanu Pacíficu
L'océanu Pacíficu ye la mayor de les divisiones oceániques de la Tierra. Estiéndese dende'l océanu Glacial Árticu al norte hasta'l océanu Glacial Antárticu (o, según les definiciones, hasta l'Antártida) al sur, y ta arrodiáu por Asia y Australia al oeste y por América al este.
Con una estensión de 165,25 millones de km², esta sodivisión del Océanu Mundial -y, por tantu, de la hidrosfera- cubre'l 46% de la superficie acuática de la Tierra y alredor del 33% de la so superficie total, siendo, poro, mayor que la suma de toles mases de tierra del planeta. L'ecuador sodivídelu en océanu Pacíficu Norte y océanu Pacíficu Sur, con dos esceiciones: les islles Galápagos y Gilbert, que s'estienden al norte y al sur d'elli, considérense parte del Pacíficu Sur[1] La fosa de les Marianes, na fastera occidental del Pacíficu Norte, ye'l puntu más fondu de la superficie terrestre, llegando hasta los 10.911 m de fondura[2].
Los primeros occidentales qu'avistaron el océanu Pacíficu ficiéronlo a entamos del sieglu XVI, cuando l'esplorador español Vasco Núñez de Balboa cruzo l'istmu de Panamá en 1513 y descubrió lo qu'elli llamó Mar del Sur. El nome actual dió-ylu l'esplorador portugués Fernandu de Magallanes demientres la espedición española que circunnavegó'l mundu en 1521. Dempués de bordear el cabu d'Hornos alcontró vientos favorables al aportar a mar abiertu, y poro decidió llamar Mar Pacifico al océanu que travesaba[3].
| Los cinco océanos de la Tierra |
|
Enllaces esternos[editar | editar la fonte]
Referencies[editar | editar la fonte]
- ↑ International Hydrographic Organization (1953). Limits of Oceans and Seas (3rd ed.). Monte Carlo, Monaco.
- ↑ Japan Atlas: Japan Marine Science and Technology Center.
- ↑ Biografía de Fernando de Magallanes na Catholic Encyclopedia (n'inglés).
