República de China
| 中華民國 Zhōnghuá Mínguó | |||||
| |||||
| Lema nacional: nun tien | |||||
| Himnu nacional: Himnu Nacional de Taiwán | |||||
| Capital • Población |
Taipéi¹ 2.625.757 | ||||
| Ciudá más poblada | Taipéi | ||||
| Llingües oficiales | Chinu mandarín | ||||
| Forma de gobiernu | República semipresidencialista Tsai Ing-wen Chen Chien-jen Su Tseng-chang | ||||
| Fundación • Declarada • Establecida • Treslláu a Taiwán |
Revolución de Xinhai 10 d'ochobre de 1911 1 de xineru de 1912 7 d'avientu de 1949 | ||||
| Superficie • Total • % agua |
Puestu 137º 35.980 km² 2,8% | ||||
| Población • Total • Densidá |
Puestu 47º 22.814.636 640 hab/km² | ||||
| PIB (PPA) • Total (2005) • PIB per capita |
Puestu 16º $631.200 millones $27.600 | ||||
| Moneda | Nuevu dólar taiwanés | ||||
| Xentiliciu | taiwanés, -esa, -és (-eso)[1] | ||||
| Zona horaria | UTC+8 | ||||
| Dominiu d'Internet | .tw | ||||
| Códigu telefónicu | +886
| ||||
| Prefixu radiófonicu |
| ||||
| Códigu ISO | 158 / TWN / TW | ||||
| Miembru de: APEC | |||||
| Sitiu web del Gobiernu: {{{web_gobiernu}}} | |||||
| ¹ Baxo'l Kuomintang, Nanjing apaecía en publicaciones y mapes oficiales como la capital oficial, mientres que Taipei yera la capital provisional. Baxo la actual alministración del Minjindang nun s'empleguen eses referencies. | |||||
La República de China o Taiwán[1] ye un estáu del este asiáticu[2][3][4] formáu por un archipiélagu d'islles de les que la islla de Taiwán ye la más importante. Los sos vecinos son la República Popular China al oeste, Xapón al noreste y les Filipines al sur. Ye l'estáu más pobláu y cola mayor economía que nun forma parte de les Naciones Xuníes. Dexó de selu en 1971, cuando los países miembros decidieron que la representante china nesi organismu fora la República Popular China. Taiwán ye reconocíu como la representante de China por 20 países.
La islla de Taiwán, conocida tamién antiguamente como Formosa, tuvo habitada por aboríxenes hasta que, nel sieglu XVII, aportaron a les colonies holandeses y españoles un gran númberu de xentes d'etnia Han. Tres d'un breve periodu, el nomáu reinu de Tungning (1661-1683) la islla foi conquistada pola dinastía Qing, la cabera dinastía imperial china. Los Qing cedieron Taiwán a Xapón en 1895, tres de la guerra xinón-xaponesa. Nesi intre de dominiu xaponés nel continente estableciose, tres de la cayida de la dinastía Qing, la República de China. Esta entidá política tomó'l control de Taiwán en 1945, tres de la derrota xaponesa na Segunda Guerra Mundial. De resultes de la guerra civil china la República perdió'l territoriu continental a manes de los comunistes, y el so gobiernu coló del continente, pa establecese en Taiwán, en 1949. Magar que sigue considerándose'l gobiernu llexítimu de China, la so xurisdicción efectiva llimítase, tres de la pérdida de la islla de Hainan en 1950, a Taiwán y les islles que la arrodien. Foi miembru fundador de les Naciones Xuníes, pero perdió l'estatus de miembru en 1971 en favor de la República Popular China.
Nos primeros años de la década de 1960 Taiwán entamó una fase de rápidu crecimientu económicu ya industrialización, que dio orixe a una economía de base industrial estable. Nes décades de 1980 el país camudó'l so sistema políticu: dexó de ser una dictadura militar de partíu únicu, dominada pol Kuomintang, pa convertise nuna democracia multipartidista con un réxime semipresidencial. El país, que ye la vixésimusegunda mayor economía del mundu, tien un sector d'alta teunoloxía que xuega un papel fundamental dientru del sistema económicu mundial. Ocupa posiciones destacaes nos ránking que miden la llibertá de prensa, los servicios sanitarios[5], la educación pública, la llibertá económica y'l desarrollu humanu}[6] . El país benefíciase de cuntar con una fuerza llaboral percualificada: ye ún de los países con mayor nivel educativu del mundu, una y bones un altísimu porcentaxe de los sos ciudadanos tienen un títulu universitariu[7][8].
La República Popular China tien reclamao insistentemente la so soberanía sobre Taiwán, afirmando que la República de China nun tien esistencia llexítima. Consecuentemente, refuga tener rellaciones diplomátiques con cualisquier país que la reconozca oficialmente. De resultes, munchos países mantienen con Taiwán llazos diplomáticos informales, al traviés d'oficines de representación y otres instituciones que funcionen como embaxaes y consulaos de facto, y namái venti países reconocen oficialmente al so gobiernu. La participación del país n'organizaciones internacionales ta, pol mesmu motivu, perllimitada, pues China rechaza inclusu que participe nelles como actor non estatal. Nel ámbetu internu, la principal llinia que divide a los partíos políticos del país ye la que separta a los partidarios d'una xunificación con China de los partidarios de declarar la independencia. Una llinia cada vegada más feble porque los partíos que representen dambes posiciones tienen moderao los sos discursos nos caberos tiempos pa enanchar la so base ellectoral. La República Popular, pela so banda, tien amenazao con usar la fuercia militar si Taiwán declara formalmente la so independencia o cuando los cabezaleros de la propia República Popular decidan que la xunificación pacífica nun ha ser posible[9].
Referencies[editar | editar la fonte]
- ↑ 1,0 1,1 Academia de la Llingua Asturiana (2010). Cartafueyos Normativos. Nomes de los países del mundu y de les sos capitales y xentilicios. ISBN 987-84-8168-500-8.
- ↑ (2018) Government and Politics in Taiwan. London: Routledge. “Además, el so estatus d'estáu democráticu dinámicu fae que cunte con grandes simpatíes internacionales y una imaxe esterior xeneralmente positiva.”
- ↑ (2013) Statehood and Self-Determination: Reconciling Tradition and Modernity in International Law. Cambridge: Cambridge University Press. “La población de les islles de Formosa y Pescadores ye gobernada por un gobiernu efectivu qu'esclúi el dominiu d'otros, pero Taiwán nun ye xeneralmente consideráu un estáu.”
- ↑ «China-Taiwan Relations» (7 d'avientu de 2016). Consultáu'l 12 d'abril de 2018. «La Repúblca Popular China considera a la islla como una provincia de so, mentantu qu'en Taiwán -un territoriu col so propiu gobiernu democráticamente elixíu- los diferentes partíos políticos tienen diferentes visiones del estatus de la islla y de la so rellación col territoriu continental chinu. Dellos caltienen el principiu de que hai namái "una China" que compriende islla y continente, qu'el so gobiernu efectivu ye la Repúbica de China, con sé en Taipei; otros, pela so banda, defenden la idea d'un Taiwán independiente de jure.»
- ↑ «The Quality of Life in Taiwan». Social Indicators Research 92 (2): pp. 377–404. 5 de payares de 2008. doi:. «"un segundu puestu nel ránking de los servicios sanitarios ellaborada por The Economist nel añu 2000"».
- ↑ (PDF). Directorate General of Budget, Accounting and Statistics, Executive Yuan, R.O.C. (2010). Consultáu'l 12 d'abril de 2018.
- ↑ «5 mil. Taiwanese hold degrees from higher education institutions» (13 March 2016).
- ↑ Tang, Pei-chun (12 de marzu 2016). «Undergraduate degree holders in Taiwan exceed 5 million».
- ↑ «Full text of Anti-Secession Law». People's Daily (14 de marzu de 2005). Consultáu'l 12 d'abril de 2018.
Wikimedia Commons tien conteníu multimedia tocante a República de China.