Antigua y Barbuda

De Wikipedia
Saltar a: navegación, buscar
Antigua y Barbuda
Antigua and Barbuda
Flag of Antigua and Barbuda.svg Coat of arms of Antigua and Barbuda.svg
Bandera d'Antigua y Barbuda Escudu d'Antigua y Barbuda
Lema nacional Each endeavouring, all achieving (inglés: «Caún esforciándose, toos llogrando»)
Himnu nacional Fair Antigua, We Salute Thee y God Save the Queen
Alministración
Capital San Xuan
Monarca del Reino Unido Sabela II del Reinu Xuníu
Primer Ministru d'Antigua y Barbuda Gaston Browne
Llingües oficiales inglés
División
Xeografía
Coordenaes 17°07′00″N 61°51′00″O / 17.116666666667, -61.85Coordenaes: 17°07′00″N 61°51′00″O / 17.116666666667, -61.85
ATG orthographic.svg
Superficie 440.29 km² (puestu 200)
% agua Despreciable
Costes 153 km
Llendes 0 km
Puntu más altu Monte Obama
Demografia
Población 89 985 hab. (2013)
Densidá 204,38 hab/km²
Economía
Moneda Dólar del Caribe Oriental
PIB nominal 1 220 976 011 (2014)
PIB per cápita 13 714,73
Más información
Dominiu d'Internet .ag
Códigu telefónicu +1268
Códigu ISO 028 / ATG / AG
Estaya horaria UTC−4
www.ab.gov.ag
Cambiar los datos en Wikidata

Antigua y Barbuda[1] ye un estáu insular formáu por un conglomeráu d'islles asitiáu al este del mar Caribe. Forma parte de les Pequeñes Antilles cola islla de Guadalupe al sur, Montserrat al suroeste, Saint Kitts y Nevis nel oeste y San Bartolomé al noroeste.

Historia[editar | editar la fonte]

Artículu principal: Historia d'Antigua y Barbuda

Los primeros habitantes de les islles d'Antigua y Barbuda fueron, en 2.400 e.C., amerindios pre-cerámicos. Más llueu, les tribus ameríndies arawak y carib van poblar les islles. Orixinalmente, el nome que los llariegos daben a la islla d'Antigua yera Wadadli. Cristobal Colón desembarcaría ellí nel so segundu viaxe a América en 1493 y diera-y a la islla'l nome d'Antigua. Barbuda recibió más tarde esti nome poles "barbes" de líquenes qu'encolingaben de les palmeres.

A los primeros colonizadores españoles y franceses los van suceder los británicos, qu'en 1667 formen una colonia col establecimientu de católicos irlandeses n'Antigua. La esclavitú, afitada pa empobinar les plantaciones de zucre, foi abolida oficialmente'l 1838 en toles colonies britániques, pero n'Antigua y Barbuda va persistir hasta l'apaición de los sindicatos en 1939. Vere Bird foi'l fundador del Partíu Llaborista d'Antigua (PLA), primer partíu políticu creáu nel país, y tamién el primer líder sindical de la nación. Depués de décades de llucha, gana les eleiciones de 1960 y conviertese en Primer Ministru.

En 1960 promÚlgase una constitución pola qu'Antigua y Barbuda escomienza a autogobernase per aciu d'un parllamentu escoyíu democráticamente, pero'l poder ocultu d'Inglaterra quedaba espeyáu nel fechu de que Londres exercía los ministerios de Rellaciones Esteriores y de Defensa del país.

Les islles conviertense nun estáu asociáu a la corona británica en 1967, cuando Vere foi reelixíu. Dende ehí entamaría un periodu llargu nel que la família d'esti políticu va entrar y va salir del gobiernu. La primera derrota eleutoral de Vere foi en 1971 énte George Walter, pero va volver al poder depués de les eleiciones de 1976.

El país obtien l'estatus de miembru independiente de la Commonwealth l'1 de payares de 1981, cuando Vere Bird faise primer ministru per enésima vegada. Como país soberanu, unitariu y democráticu, Antigua y Barbuda entrará a formar parte del CARICOM y de la ONU. Pese a la oposición, que rellacionaba a Bird con dellos presuntos episodios de corrupción, el dirixente va algamar caltenese nel poder y, asina tou, ser reelixíu en 1984.

Un añu primeru, Antigua y Barbuda roblaba una alianza con Estaos Xuníos d'América, pola cual a esi últimu se-y permite usar el territoriu nacional con fines militares empara del pagu d'un canon añal d'arrendamientu. Demientres la invasión de Granada de 1983, les tropes antiguanes acompangaron a les norteamericanes.

Si bien les sableres del país son ún de los motores económicos de la rexón, la so industria azucrera foi intermitente a lo llargo de tola so historia.

Nos años últimos Antigua y Barbuda ta acusada de ser un de los mayores paraísos mundiales pa narcotraficantes y blanquiadores de dineru.

Gobiernu y Política[editar | editar la fonte]

Antigua y Barbuda ye un miembru de la Mancomunidá de Naciones y la xefa d'estáu ye la reina Sabela II, que tien como representante n'Antigua y Barbuda a un gobernador xeneral, anguaño James B. Carslyle dende xunu de 1993. El poder executivu ta nes manes del primer ministru, que ye tamién el xefe de gobiernu. El primer ministru ye davezu'l líder del partíu vencedor de les eleiciones pa la Cámara de Representantes (17 miembros), celebraes ca cinco años. La otra cámara del parllamentu, el Senáu, tien 17 miembros que son nomaos pol gobernador xeneral.

Organización político-alministrativa[editar | editar la fonte]

La islla d'Antigua dividese en seyes parishes o parroquies:-

Parroquies d'Antigua.

Mesmo la islla de Barbuda como la islla deshabitada de Redonda gocien cauna d'estatus de dependencia.

Xeografía[editar | editar la fonte]

Mapa d'Antigua y Barbuda

El país consta de varies islles, de la cuala Antigua ye la mayor y más poblada. Barbuda, al norte d'Antigua, ye la otra islla principal. Les islles tienen un clima tropical caldiu, con seles temperatures constantes demientres l'añu. La islla deshabitada de Redonda tamién pertenez a la nación d'Antigua y Barbuda.

Les islles son na so mayoría de tierres baxes, col puntu cimeru en Boggy Peak, a 402 metros. El principal pueblu del pequeñu país ye la capital Saint John's n' Antigua; el mayor pueblu de Barbuda ye Codrington.

Economía[editar | editar la fonte]

Artículu principal: Economía d'Antigua y Barbuda

La economía basase en gran parte nel turismu. Ye importante tamién la producción agrícola de caña de zucre, algodón y frutes; asina como'l refináu de petroleu y les manufactures testiles, d'ebanistería y de producción de ron.

Demografía[editar | editar la fonte]

Medra de la población dende 1961 (en miles d'habitantes)

La más de la población remana de los esclavos que solíen trabayar nes plantaciones de zúcre; pero tamién hai grupos d'europeos, principalmente irlandeses, británicos y portugueses. Anque l'idioma oficial ye l'inglés, la más de los llocales fala patois, una forma d'inglés distorsionáu.

Cásique tolos antiguanos son cristianos, siendo la ilesia anglicana (cerca del 50%) la confesión con más fieles.

Fiestes
Fecha Nome n'asturianu Nome llocal Notes
1 de payares Día de la Fiesta Nacional National Day Independencia del Reinu Xuníu en 1981

Referencies[editar | editar la fonte]

Enllaces esternos[editar | editar la fonte]


Países d'América
Antigua y Barbuda | Arxentina | Les Bahames | Barbados | Belize | Bolivia | Brasil | Canadá | Chile | Colombia | Costa Rica | Cuba | Dominica | República Dominicana | Ecuador | Estaos Xuníos d'América | Granada | Guatemala | Guyana | Haití | Hondures | Méxicu | Nicaragua | Panamá | Paraguái | Perú | El Salvador | Saint Kitts y Nevis | Saint Lucia | Saint Vincent y les Granadines | Surinam | Trinidad y Tobago | Uruguái | Venezuela | Xamaica

Dependencies: Anguilla | Les Bermudes | Islles Caimán | Clipperton | Guadalupe | Guyana Francesa | Groenlandia | Islles Malvines | Islles Turques y Caicos | Montserrat | Martinica | Puerto Rico | Shag Rocks | Xeorxa del Sur y Sandwich del Sur