Venezuela

Coordenaes: 8°N 67°W / 8°N 67°O / 8; -67
De Wikipedia
Venezuela
República Bolivariana de Venezuela
estáu soberanu
bandera de Venezuela escudu de Venezuela
Lema nacional Dios y Federación¹
Himnu nacional Gloria al Bravo Pueblo (es) Traducir
Alministración
Nome oficial República Bolivariana de Venezuela (es)
Bolivarian Republic of Venezuela (en)
Venezuela (es)
la République bolivarienne du Vénézuéla (fr)
Capital Caraques
Forma de gobiernu presidencialismu
república federal
Presidente de Venezuela Nicolás Maduro (dende 5 marzu 2013)
Presidente de Venezuela Nicolás Maduro (dende 5 marzu 2013)
Llingües oficiales castellanu
llingua de señes venezolana
División
Rellaciones diplomátiques
Miembru de
Xeografía
Coordenaes 8°N 67°W / 8°N 67°O / 8; -67
Superficie 912050 km²
% agua 0.3%
Costes 3.000 km aprox.
Llenda con 4.700 km aprox.
Puntu más altu Picu Bolívar
Puntu más baxu Lagunillas (es) Traducir
Demografía
Población 28 515 829 hab. (2019)
Densidá 31,27 hab/km²
Xentiliciu venezolanu (masculín singular)
venezolana (femenín singular)
Esperanza de vida 74,545 años
IDH 0,691 (2021)
Tasa de fertilidá 2,365 (2014)
Economía
Moneda bolívar soberano (es) Traducir
Bancu central Banco Central de Venezuela (es) Traducir
Más información
Dominiu d'Internet .ve
Códigu telefónicu +58
Códigu ISO 862 / VEN / VE
Estaya horaria UTC−04:00 y America/Caracas (en) Traducir
mppre.gob.ve
Cambiar los datos en Wikidata

Venezuela, oficialmente República Bolivariana de Venezuela ye un país de la costa norte d'América del Sur. Llenda al norte col Mar Caribe y l'Océanu Atlánticu, al sur con Brasil, al oeste con Colombia y con Guyana al este.

Historia[editar | editar la fonte]

Política y gobierno[10][editar | editar la fonte]

Organización política[editar | editar la fonte]

La República Bolivariana de Venezuela entamó un procesu de refundación política'l 30 d'avientu de 1999, data na qu'entró en vigor la constitución que los venezolanos aprobaran en referendu el 15 d'avientu d'esi añu pa sustituyir la de 1961. La llamada "Bolivariana" o "La Bicha" pol presidente Chávez tien nueve títulos, 360 artículos, 18 disposiciones transitories, una disposición derogatoria y una final. Acordies con ella el Poder Públicu ta integráu polos poderes Municipal, Estatal (rexonal) y Nacional. El caberu divídese, pela so banda, en Executivu, Llexislativu, Xudicial, Ciudadanu (que compriende al Defensor del Pueblu, la Fiscalía Xeneral y la Contraloría) y l'Eleutoral (formáu pol Conseyu Nacional Eleutoral).

El poder executivu exércelu'l presidente de la república, que ye elixíu por sufraxu universal pa un periodu de seis años. La constitución, que creó la figura del vicepresidente de la república, nun impide que'l presidente pueda ser reelixíu les veces que quiera. El muérganu del poder llexislativu ye l'Asamblea Nacional, unicameral, con miembros escoyíos con representación proporcional de la población y, amás, trés diputaos por cada rexón. Los indíxenes tienen garantizada por llei una representación de polo menos trés lexisladores. Tocántenes al poder xudicial, el so muérganu cimeru ye'l Tribunal Supremu de Xusticia, una institución que tien autonomía financiera, alministrativa y funcional. Una de les sos sales, la Constitucional, resuelve los conflictos que se deriven de la interpretación de la Constitución.

El poder eleutoral exércelu'l Conseyu Nacional Eleutoral como muérganu cimeru d'una estructura qu'inclúi tamién a la Xunta Eleutoral Nacional y la Comisión de Participación Política y Financiamientu. El poder ciudadanu, pela so banda, exércelu'l Conseyu Moral Republicanu, que ta integráu polos titulares de la Defensoría del Pueblu, la Fiscalía Xeneral de la República y la Contraloría Xeneral de la República. Estes instituciones tienen l'encargu de: prevenir, investigar y sancionar les aiciones qu'atenten escontra la ética pública y la moral alministrativa; vixilar la buena xestión y la llegalidá de les actuaciones nel usu del patrimoniu públicu; vixilar el cumplimientu del principiu de llegalidá en toa l'actividá alministrativa del Estáu; promover la educación como procesu creador de la ciudadanía; y promover la solidaridá, la llibertá, la democracia, la responsabilidá social y el trabayu.

Tres de la so reelección el 3 d'avientu de 2006 el presidente Hugo Chávez anunció una reforma d'esta Constitución, y pidió-y a l'Asamblea Nacional qu'aprobara una llei "habilitante" pa dá-y poderes especiales durante 18 meses. Mandó tamién nacionalizar la principal empresa de telecomunicaciones del país (CANTV) y delles empreses elléctriques, amás de les asociaciones con multinacionales petroleres na Faza Petrolífera del Orinocu. Chávez propunxo modificar 33 artículos de la Constitución, y l'Asamblea, tres d'aldericar un tiempu, otros 36 más. El nuevu proyeutu constitucional foi puestu a referendu el 2 d'avientu de 2007 y refugáu pola población. Sicasí el presidente, tres de reconocer la so derrota, insistió na necesidá de reformes p'avanzar hacia lo qu'elli llama "socialismu del sieglu XXI".

Nes eleiciones municipales y rexonales de 2008, nes que participaron el 65,45% de les persones con derechu a votar, el Partíu Socialista Xuníu de Venezuela (PSUV), fundáu por Chávez, sacó cinco millones de votos, algamando la victoria en 17 de les 22 gobernaciones y nel 80% de los conceyos del país. El 15 de febreru de 2009 púnxose a referendu otra vuelta una reforma constitucional, qu'incluyía'l derechu del presidente a presentase a más d'una reelección. Esta vez la reforma foi aprobada, lo que-y permitió a Chávez volver a presentase nes eleiciones d'avientu de 2012.

Les eleiciones parllamentaries de setiembre de 2010 renovaron los 165 escaños de l'Asamblea Nacional, que quedó tres d'elles con 98 miembros chavistes y 67 opositores. Esto marcó la vuelta de la oposición al múerganu llexislativu, una y bones cinco años antes, nes caberes eleiciones parllamentaries, renunciaran a participar col envís de desllexitimar al chavismu, que tuvo gracies a esa aición cinco años de control total del parllamentu.

La situación de transición na que vive'l país por culpa la cabera operación quirúrxica que-y prauticaron a Chávez en L'Habana n'avientu de 2012 pa curalu d'un cáncer tien un resultáu inciertu, una y bones nun ye seguru que'l presidente vaiga poder facese cargu de les sos responsabilidaes. De nun poder diba abrise otru procesu d'eleición presidencial nel país. La victoria de la oposición habría provocar, de xuru, nuevos cambios nel ordenamientu constitucional del país.

Xeografía[editar | editar la fonte]

Venezuela tien una superficie de 916.445 km² y pue dividise en 8 rexones naturales:

  • Los Andes
  • Llagu de Maracaibo
  • Insular
  • Cordillera de la Costa
  • Sistema Deltaico
  • Los Llanos
  • Sur del Orinoco o Guayana
  • Sistema Coriano

Organización políticu-alministrativa[editar | editar la fonte]

Venezuela ye una república federal dividía en 23 estaos, el Distritu Capital (onde ta la ciudá de Caraques), 72 dependencies federales (islles, isllotes y cayos). Tamién reclama'l territoriu de la Guayana Esequiba.

Cada estáu ta dividíu en conceyos y estos en parroquies. En total hai 335 conceyos y 1.065 parroquies.

En Venezuela tamién hai un ordenamientu por rexones políticu-alministratives, qu'agrupa alos estaos según les sos carauterístiques sociales, económiques y tradicionales. Son les siguientes:

Economía[editar | editar la fonte]

Demografía[editar | editar la fonte]

Relixón[editar | editar la fonte]

Un 86% de la población ye católica; el restu practiquen otres relixones, sobre too'l protestantismu.

Fiestes[editar | editar la fonte]

Fiestes
Fecha Nome
1 de xineru Añu Nuevu
6 de xineru Epifanía del Señor
Llunes y martes
antes del Miércoles de Ceniza
Carnaval
Xueves y Viernes santu Selmana Santa
19 de marzu Día de San Xosé
19 d'abril Declaración de la Independencia
1 de mayu Día del Trabayador
24 de xunu Batalla de Carabobo y Día del Exércitu
5 de xunetu Día de la Independencia
24 de xunetu Nataliciu de Simón Bolívar y
Día de l'Armada
12 d'ochobre Día de la resistencia indíxena
1 de payares Día de Tolos Santos
8 d'avientu Inmaculada Concepción
25 d'avientu Navidá

Cultura[editar | editar la fonte]

Deportes[editar | editar la fonte]

Los deportes más practicaos en Venezuela son el béisbol, el baloncestu, boxeo y el fútbol.

Símbolos Nacionales[editar | editar la fonte]

En Venezuela amás de reconocese a la bandera, l'himnu y l'escudu como símbolos nacionales hai elementos típicos de la flora y fauna nacional que tamién lo son:

Referencies[editar | editar la fonte]

  1. URL de la referencia: https://www.interpol.int/Member-countries/World. Editorial: Interpol. Data de consulta: 7 avientu 2017.
  2. URL de la referencia: https://www.opcw.org/about-opcw/member-states/. Editorial: Organización pa la Prohibición d'Armes Químiques. Data de consulta: 7 avientu 2017.
  3. URL de la referencia: https://www.iho.int/srv1/index.php?option=com_wrapper&view=wrapper&Itemid=452&lang=en. Editorial: Organización Hidrográfica Internacional. Data de consulta: 8 avientu 2017.
  4. URL de la referencia: http://www.unesco.org/eri/cp/ListeMS_Indicators.asp.
  5. URL de la referencia: http://www.upu.int/en/the-upu/member-countries.html. Data de consulta: 4 mayu 2019.
  6. URL de la referencia: https://www.itu.int/online/mm/scripts/gensel8. Data de consulta: 4 mayu 2019.
  7. URL de la referencia: https://taz.de/Venezuela-verlaesst-die-OAS/!5401728/. Data de consulta: 16 febreru 2020.
  8. URL de la referencia: https://www.who.int/choice/demography/by_country/en/. Data de consulta: 21 xunetu 2020.
  9. URL de la referencia: https://www.wcoomd.org/-/media/wco/public/global/pdf/about-us/wco-members/list-of-members-with-membership-date.pdf. Data de consulta: 16 marzu 2024. Páxina: 3. Supports qualifier: data de principiu.
  10. Los datos recoyíos nesti apartáu tán sacaos del Anuario Iberoamericano 2012 del Real Institutu Elcano y l'Axencia Efe. Disponible en http://www.anuarioiberoamericano.es/

Enllaces esternos[editar | editar la fonte]


Países d'América
Antigua y Barbuda | Arxentina | Les Bahames | Barbados | Belize | Bolivia | Brasil | Canadá | Chile | Colombia | Costa Rica | Cuba | Dominica | República Dominicana | Ecuador | Estaos Xuníos d'América | Granada | Guatemala | Guyana | Haití | Hondures | Méxicu | Nicaragua | Panamá | Paraguái | Perú | El Salvador | Saint Kitts y Nevis | Saint Lucia | San Vicente y Les Granadines | Surinam | Trinidá y Tobagu | Uruguái | Venezuela | Xamaica

Dependencies: Anguila | Les Bermudes | Islles Caimán | Clipperton | Guadalupe | Guyana Francesa | Groenlandia | Islles Malvines | Islles Turques y Caicos | Montserrat | Martinica | Puertu Ricu | Shag Rocks | Xeorxa del Sur y Sandwich del Sur