Surinam

De Wikipedia
Saltar a: navegación, buscar
Republiek Suriname
Bandera de Surinam Escudu de Surinam
Bandera de Surinam Escudu de Surinam
Lema nacional: Justitia - Pietas - Fides
(llatín: «Xusticia - Piedá - Llealtá»)
Himnu nacional: God zij met ons Suriname
Situación de Surinam
Capital
 • Población
 • Coordenaes
Paramaribo
240.924 (2012)
N 56°00′ W
Ciudá más poblada Paramaribo
Llingües oficiales holandés
Llingües reconocíes holandés
Forma de gobiernu República parllamentaria
Dési Bouterse
Independencia
 • Fecha
de Países Baxos
25 de payares de 1975
Superficie
 • Total
 • % agua
Llendes
Costes
Puestu 90º
163.270 km² km²
1,1%
1.707 km
386 km
Población
 • Total
 • Densidá
Puestu 166º
585.824 (2016est.)
2,9 hab/km²
PIB (PPA)
 • Total (2017)
 • PIB per capita
Puestu 161º
US$ $3.641 millardu
US$ 6.373
Moneda Dólar surinamés (SRD)
Xentiliciu Surinamés, -esa, -és (-eso)
Zona horaria
 • en Branu
UTC-4
UTC-4
Dominiu d'Internet .sr
Códigu telefónicu +597
Prefixu radiófonicu PZA-PZZ
Códigu ISO 740 SUR SR
Miembru de: CSN, CARICOM, OEA, ONX
Sitiu web del Gobiernu:

{{{web_gobiernu}}}

Surinam, oficialmente República del Surinam (n'holandés Republiek Surinam) ye un estáu allugáu na costa atlántica nororiental d'América del Sur. Llenda col océanu Atlánticu al norte, cola Guayana Francesa al este, con Guyana al oeste y con Brasil al sur. Ye, colos sos 165.000 km² d'estensión, el país más pequeñu del continente sudamericanu. La so población, de 566.000 persones, vive na so mayoría averada a la costa, na capital del país, Paramaribo, y na rodiada d'esta.

El territoriu de Surinam, habitáu tradicionalmente por delles tribus indíxenes, foi esploráu y disputáu por varies potencies europees primnero de quedar embaxu la xurisdicción holandesa a finales del sieglu XVII. En 1954 el país convirtiose nún de los países constituyentes del Reinu d'Holanda. El 25 de payares de 1975 declarose estáu independiente, pero sigue calteniendo importantes rellaciones económiques, culturales y diplomátiques cola so antigua metrópoli. Los sos habitantes indíxenes vienen siendo de magar cada vegada más activos na reclamación de les sos tierres tradicionales y na conservación de los sos vezos y formes de vida.

Surinam considérase, dende'l puntu de vista cultural, un país caribeñu, y ye miembru de la Comunidá del Caribe (CARICOM). La llingua oficial del gobiernu, los negocios, la educación y los medios de comunicación ye l'holandés, pero el sranan, una llingua criolla que toma como base l'inglés, fálase perdayuri y fae les veces de lingua franca nesti país que ye ún de los más diversos, dende'l puntu de vista étnicu, relixosu y llingüísticu, del mundu.


Historia[editar | editar la fonte]

La presencia humana en Surinam remóntase al 3.000 e.C.. Los primeros n'habitar la zona foron los arawak, una tribu nómada que vivía, de la pesca y la caza, na fastera costera del territoriu. Dempués aportaron a ella los caribe, que sometieron a los arawak gracies a la superioridá de los sos barcos. Asentáronse en Galibi, na desembocadura del ríu Marowijne. Mentantu que grupos grandes d'arawak y caribes vivíen a la vera la mar y nes sabanes del país, pequeños grupos d'otres tribus indíxenes, como los akurio, trió, warrau o wayana, ocupaben l'interior viescosu.

La colonización[editar | editar la fonte]

Dende'l sieglu XVI la fastera costera del Surinam foi esplorada por navegantes franceses, españoles ya ingleses. Un sieglu dempués, colonos ingleses ya holandeses establecieron colonies de plantación nes fértiles llanures de la Guayana, nes vegues de los ríos. La colonia más antigua documentada ye un asentamientu inglés, nomáu Marshall's Creek, a lo llargo del ríu Surinam[1].

Les lluches ente ingleses y holandeses pol control d'esti territoriu finaron en 1667. Nesi añu, nes negociaciones que llevaron a la robla del tratáu de Breda, los holandeses decidieron conservar la colonia de plantación de Surinam, que-yos ganaran a los ingleses. A cambiu, los ingleses quedáronse con Nueva Amsterdam, la principal ciudá de l'antigua colonia de Nueva Holanda, na costa atlántica norteamericana: de siguíu camudáron-y el nome pol de Nueva York.

En 1683 fundose, col envís de gobernar y defender la colonia, la Sociedá de Surinam, na que participaron la ciudá d'Amsterdam, la familia Van Aerssen van Sommelsdijck y la Compañía Holandesa de les Indies Occidentales. Los colonos dexaban en manes d'esclavos africanos, a los que trataben permal[2], el cultivu, el collecháu y el procesáu del café, el cacáu, la caña de zucre y l'algodón que se cultivaba nes vegues de los ríos.

Paramaribo en 1955.

Munchos esclavos escapáronse de les plantaciones y, cola ayuda de les poblaciones natives de les viesques circundantes, establecieron una cultura nueva y única nel interior del país. Son los conocíos como cimarrones, nomaos en francés Nèg'Marrons, que significa lliteralmente "negros marrones", esto ye, "negros de piel claro". Los cimarrones, al traviés d'un procesu d'etnoxénesis, fueron evolucionando pa formar varies tribus independientes a partir de la xuntura d'esclavos de diferentes etnies africanes. Estes tribus incluyeron los saramaka, paramaka, ndyuka, kwinti, aluku y matawai.

Loa cimarrones entamaron a atacar las plantaciones pa reclutar nuevos miembros d'ente los esclavos y pa capturar muyeres, armes, comida y ferramienta. A vegaes mataben tamién a los dueños de les plantaciones y les sos families. Estos entamaron a construyir defenses, importantes en dellos casos[3] pero cuasi siempre insuficientes. Tamién organizáronse campañes armaes p'acabar con ellos, pero los cimarrones escapaben pente la viesca, que conocíen abondo meyor que los sos perseguidores. Finalmente, p'acabar coles lluches, les autoridaes coloniales europees roblaron nel sieglu XVIII dellos trataos de paz coles diferentes tribus. Nellos reconocíen l'estatus soberanu d'estes tribus y el derechu a comerciar nos sos territorios del interior de la colonia.

L'abolición de la esclavitú[editar | editar la fonte]

Holanda abolió la esclavitú en Surinam en 1863, nún procesu gradual qu'obligaba a los esclavos, como forma de compensación parcial pa los propietarios, a trabayar nes plantaciones demientres diez años de transición a cambiu d'una paga mínima. Tres de 1873 la mayoría de los esclavos lliberaos abandonaron les plantaciones nes que ellos y los sos antepasaos trabayaran por varies xeneraciones y colaron pa la capital, Paramaribo.

Como colonia de plantación que yera, Surinam tenía una economía dependiente de cultivos agrícoles con manu d'obra intensiva. Pa solucionar la falta de trabayadores los holandeses reclutaron y transportaron trabayadores dende les Indies Orientales Holandeses (l'actual Indonesia) y, tres d'un alcuerdu colos ingleses, que controlaben la zona, la India. Amás, a finales del sieglu XIX y entamos del XX, aportaron tamién al territoriu trabayadores, la mayoría homes, reclutaos en China y en Oriente Prósimu.

De resultes de too ello la población del Surinam, magar que perpequeña en númberu, ye una de les más multiétniques y multiculturales del mundu[4].

La descolonización[editar | editar la fonte]

Demientres la Segunda Guerra Mundial, el 23 de payares de 1941, los Estaos Xuníos alcordaron col gobiernu holandés nel esiliu la ocupación del Surinam pa protexer les mines de bauxita del territoriu. En 1942 el gobiernu holandés nel esiliu entamó a revisar les rellaciones ente Holanda y les sos colonies cara al periodu postbélicu. De resultes d'ello, Surinam convirtiose en 1954 nuna parte constituyente del Reinu d'Holanda, xunto coles Antilles Holandeses y Holanda. Dábase-y con ello l'autogobiernu, desque Holanda solo caltenía'l control de los asuntos esteriores y la defensa. En 1974 el Partíu Nacional de Surinam, formáu mayoritariamente por criollos, esto ye, xentes d'etnia africana o mestiza, entamó les negociaciones con Holanda p'algamar la independencia total, que foi efectiva'l 25 de payares de 1975.

El Surinam independiente[editar | editar la fonte]

Henck Arron, la reina Beatriz d'Holanda y Johan Ferrier el día de la independencia de Surinam (25 de payares de 1975).

El primer presidente del país foi Johan Ferrier, col antiguu gobernador y cabezaleru del Partíu Nacional Henck Arron como primer ministru. Nos primeros años tres de la independencia la economía dependió en bona medida de l'ayuda económica del gobiernu holandés. Amás, neso años coló del país cuasi una tercera parte de la población, qu'emigró a Holanda por miéu a que al nuevu país-y fora a dir peor de lo que taba como parte constituyente del reinu d'Holanda. Nun andaben mui escaminaos. La política surimanesa dexeneró bien ceo en lluches ente etnies y corrupción, col Partíu Nacional usando les perres de l'axuda holandesa nel so propiu provechu partidista. Los sos cabezaleros foron acusaos de fraude nes elecciones de 1977, nes que volvió ganar Arron, y esto agudizó la salida de xente del país en dirección a Holanda

El 25 de febreru de 1980 un golpe d'estáu, entamáu por un grupu de 16 sarxentos llideraos por Dési Bouterse, derrocó'l gobiernu d'Arron[5]. Los militares contrarios al nuevu gobiernu intentaron contragolpes en abril y agostu de 1980, el 15 de marzu de 1981 y otra vuelta'l 12 de marzu de 1982. El primer intentu dirixolu Fred Ormskerk[6], el segundu dellos militares marxistes-leninistes, el terceru Wilfred Hawker y el cuartu Surendre Rambocus.

Hawker escapó de prisión demientres el cuartu intentu de contragolpe, pero foi capturáu y executáu. Dempués, la nueche del 7 d'avientu de 1982, ente les 2 y les 5 de la madrugada, l'exércitu, dirixíu por Dési Bouterse, detuvo a 13 ciudadanos destacaos que teníen criticao la dictadura, y encerrolos en Fort Zeelandia, en Paramaribo[7]. Nos trés díes siguientes toos ellos, amás de Rambocus y Jiwansingh Sheombar, otru militar implicáu nel cuartu intentu de contragolpe, foron asesinaos.

Dési Bouterse, presidente del Surinam.

En 1987 cellebráronse elecciones. L'Asamblea Nacional aprobó una nueva constitución que permitió a Bouterse quedar como xefe del exércitu. Esti, descontentu col gobiernu, fizo dimitir a tolos ministros, por teléfonu, en 1990; esti fechu conociose de magar popularmente como'l golpe d'estáu telefónicu. Sicasí, el so poder entamó a menguar dempués de les elecciones de 1991. Influyó nello la guerra civil ente l'exércitu y la guerrilla lleal al cabecilla Ronnie Brunswijk, qu'entamó en 1986. El momentu más baxu de Bouterse llegó en 1999, cuando foi xulgáu in absentia por tráficu de drogas n'Holanda. Magar que foi declaráu culpable y sentenciáu a dir a prisión, permaneció en Surinam y siguió marcando'l ritmu de la política del país.

Asina, el 19 de xunetu de 2010 volvió al poder al ser elexíu pola Asamblea como presidente del país[8]. Primero d'ello elli, y otres 24 persones, foran xulgadas polos asesinatos d'avientu de 1982. Dos meses antes de que saliera'l veredictu, en 2012, l'Asamblea Nacional estendió una llei d'amnistía que-yos perdonó los crímenes. El 14 de xunetu de 2015 Bouterse foi reelexíu presidente[9]

Política[editar | editar la fonte]

Sé de l'Asamblea Nacional del Surinam.

La República de Surinam ye una república democrática parllamentaria representativa, con un sistema xurídicu determináu pola constitución de 1987. La rama llexislativa del gobiernu fórmala una Asamblea Nacional unicameral con 51 miembros, elexíos n'elección popular única por un periodu de cinco años.

El presidente del país ye elexíu pa un periodu de cinco años por una mayoría de dos tercios de l'Asamblea. Si nun hai alcuerdu ente los parllamentarios fórmase una Asamblea del Pueblu, na que participen tolos parllamentarios y les autoridaes rexonales y municipales que foran elexíes na cabera eleición; esta Asamblea, por mayoría, ye la que decide entós quién ha de ser el presidente. El presidente, que ye al tiempu xefe de gobiernu, elixe un gabinete de 16 ministros. Hai, tamién, un vicepresidente, elexíu al empar qu'el presidente por mayoría simple na Asamblea Nacional o na Asamblea del Pueblu, tamién pa cinco años. La constitución nun recueye dengún mecanismu pa destituyir o sustituyir al presidente, que namái dexa de serlo si dimite.

El muérganu cimeru del poder xudicial ye'l Tribunal Supremu. Los miembros d'esti tribunal, que supervisa la llabor de tolos demás de menor rangu del país, son designaos de por vida pol presidente tres de consultar cola Asamblea Nacional, el Conseyu d'Estáu y los colexos d'abogaos. El país reconoz, como corte final d'apelación, al Tribunal de Xusticia del Caribe, inauguráu en 2005 en Trinidad.

Xeografía[editar | editar la fonte]

Mapa de Surinam.

Surinam ye'l país más pequeñu de Sudamérica. El puntu más altu ye Julianatop (1.286 m sobre'l nivel del mar). El territoriu pue dixebrase en dos partes bien diferenciaes: El norte, onde vive la mayor parte de la población, con tierres cultivaes; y el sur, formáu pola selva tropical.

Distritos[editar | editar la fonte]

Surinam ta dividíu en diez distritos:


Districts of Suriname
Distritu Capital Área (km²) Área (%) Población
(censu del 2012)[10]
Population (%) Pop. dens. (hab/km²)
1 Brokopondo Brokopondo 7.364 4,5 15.909 2,9 2,2
2 Commewijne Nieuw-Amsterdam 2.353 1,4 31.420 5,8 13,4
3 Coronie Totness 3,902 2,4 3.391 0,6 0,9
4 Marowijne Albina 4.627 2,8 18.294 3,4 4,0
5 Nickerie Nieuw-Nickerie 5.353 3,3 34.233 6,3 6,4
6 Para Onverwacht 5.393 3,3 24.700 4,6 4,6
7 Paramaribo Paramaribo 182 0,1 240.924 44,5 1323,8
8 Saramacca Groningen 3.636 2,2 17.480 3,2 4,8
9 Sipaliwini Nun tien 130.567 79,7 37.065 6,8 0,3
10 Wanica Lelydorp 443 0,3 118.222 21,8 266,9
SURINAM Paramaribo 163.820 100.0 541.638 100 3,3

Economía[editar | editar la fonte]

Artículu principal: Economía de Surinam

Demografía[editar | editar la fonte]

La población de Surinam ye una mecedura d'estremaos grupos étnicos. El mayor de toos ye'l "Hindustani", descendientes d'inmigrantes del sieglu XIX de la India. Son casi'l 37% de la población. Los "criollos", mecedura de blancu y negru representen el 31%, mientres que los Xavaneses y "Maroons" (descendientes d'esclavos africanos escapaos) faen el 15 y 10% respectivamente. El restu ta formáu por indios, chinos y blancos.

Enllaces esternos[editar | editar la fonte]

Referencies[editar | editar la fonte]

  1. Baynes, Thomas Spencer. Encyclopædia Britannica: A Dictionary of Arts, Sciences, and General Literature, Volume XI (Ninth Edition—Popular Reprint ed.). H.G. Allen, 1888.
  2. Streissguth, Tom. Suriname in Pictures. Twenty-First Century Books, 2009, p. 23. ISBN 978-1-57505-964-8.
  3. Simon M. Mentelle, Extract of the Dutch Map Representing the Colony of Surinam, c.1777, Digital World Library via Library of Congress. Consultáu'l 20 de xunu de 2017.
  4. "Multicultural Netherlands". UC Berkeley. 2010.
  5. "Suriname", nel The World Factbook de la CIA. Consultáu'l 21 de xunu de 2017.
  6. Janssen, R., In Search of a Path: An Analysis of the Foreign Policy of Suriname from 1975 to 1991. BRILL, 1991, p. 60. ISBN 978-90-04-25367-4.
  7. Bouterse heeft Daal en Rambocus doodgeschoten. Network Star Suriname, Paramaribo, 23 de marzu de 2012.
  8. Suriname ex-strongman Bouterse back in power, BBC News, 19 de xunetu de 2010
  9. Suriname's Bouterse Secures Second Presidential Term, Voice of America News, 14 de xunetu de 2015.
  10. «Suriname at GeoHive». Geohive.com. Consultáu'l 13 de xunetu de 2014.


Países d'América
Antigua y Barbuda | Arxentina | Islles Bahames | Barbados | Belize | Bolivia | Brasil | Canadá | Chile | Colombia | Costa Rica | Cuba | Dominica | República Dominicana | Ecuador | Estaos Xuníos d'América | Granada | Guatemala | Guyana | Haití | Hondures | Méxicu | Nicaragua | Panamá | Paraguái | Perú | El Salvador | Saint Kitts y Nevis | Saint Lucia | Saint Vincent y les Granadines | Surinam | Trinidad y Tobago | Uruguay | Venezuela | Xamaica

Dependencies: Anguilla | Les Bermudes | Islles Caimán | Clipperton | Guadalupe | Guyana Francesa | Groenlandia | Islles Malvines | Islles Turques y Caicos | Montserrat | Martinica | Puerto Rico | Shag Rocks | Xeorxa del Sur y Sandwich del Sur

Bandera de la OCI Organización pa la Cooperación Islámica Bandeira de la OCI
Afghanistán | Albania | Arabia Saudita | Arxelia | Azerbaiján | Bahrain | Bangladesh | Benín | Brunéi | Burkina Fasu | Camerún | Chad | Comores | Costa de Marfil | El Líbanu | Emiratos Árabes Xuníos | Exiptu | Gabón | Gambia | Guinea | Guinea-Bisáu | Guyana | Indonesia | Irán | Iraq | Kazakhstán | Kirguistán | Kuwait | Libia | Malasia | Maldives | Malí | Marruecos | Mauritania | Mozambique | Níxer | Nixeria | Omán | Pakistán | Palestina | Qatar | Senegal | Sierra Lleona | Siria | Somalia | Sudán | Surinam | Taxiquistán | Togu | Tunicia | Turkmenistán | Turquía | Uganda | Uzbequistán | Xibuti | Xordania | Yemen

Países observadores: Bosnia y Hercegovina | República Centroafricana | Rusia | Tailandia | República Turca de Xipre del Norte