Kazakhstán

De Wikipedia
(Redirixío dende Kazakstán)
Saltar a: navegación, buscar
Қазақстан Республикасы
Kazakstan Respubłīkasi
Республика Казахстан
Respublika Kazakhstan
Bandera de Kazakhstán Escudu de Kazakhstán
Bandera de Kazakhstán Escudu de Kazakhstán
Lema nacional:
Himnu nacional: Менің Қазақстаным
Situación de Kazakhstán
Capital
 • Población
 • Coordenaes
Astaná
780.880 hab.
51°10′0″N 71°26′0″E
Ciudá más poblada Astaná
Llingües oficiales Kazakhstanín y rusu
Llingües reconocíes {{{idiomes_reconocíos}}}
Forma de gobiernu República presidencialista
Nursultan Nazarbayev
Bakhytzhan Sagintayev
Independencia
- fecha
de la Xunión Soviética
16 d'avientu de 1991
Superficie
 • Total
 • % agua
Llendes
Puestu 9º
2.724.900 km²
1,7%
12.012 km
Población
 • Total
 • Densidá
Puestu 227º
17.693.500 (est.)
6,49/km2 hab/km²
PIB (PPA)
 • Total (2011)
 • PIB per capita
Puestu 56º
USD 214.842 millones de dólares
USD 13.060
Moneda Tenxe (KZT)
Xentiliciu kazakhstanín, -ina, -ino
Zona horaria UTC+5, UTC+6
Dominiu d'Internet .kz
Códigu telefónicu +7
Prefixu radiófonicu UNA-UQZ
Códigu ISO 398 / KAZ / KZ
Miembru de: ONX, OSCE, CEI, OCS, OCE
Sitiu web del Gobiernu:
www.government.kz

Kazakhstán (tamién Kazakstán[1]; en kazakhstanín: Қазақстан, Qazaqstan, y en rusu: Казахстан, Kazakhstán), oficialmente nomáu República de Kazakhstán, ye un país trescontinental: el más del so territoriu pertenez al Asia Central septentrional, mentantu qu'una pequeña parte d'elli ta na Europa Oriental. Ye, colos sos 2.724.900 km², el mayor de tolos países del mundu que nun tienen costa en dengún mar del Océanu Mundial[2]. Ye la nación cola mayor economía de toes les del Asia Central: xenera'l 60% del PNB, principalmente pola bayura de gas natural y petróleu del so territoriu. Amás, el so subsuelu contién bayura de minerales, munchos entá por esplotar.

Llenda con Rusia, China, Kirguistán, Uzbekistán y Turkmenistán, y inclúi nel so territoriu bona parte de la estensión del mar Caspiu. Na so xeografía, pervariada, altérnense estepes, llanures y cordeleras con desiertos, deltes fluviales y viesques. La so población estimao el 1 de febreru de 2016 yera de 17.693.500 habitantes[3], que fain d'elli, pela so estensión, ún de los países con menor densidá de población del mundu, con malpenes 6,5 hab/km². La so capital dende 1997 y mayor ciudá ye Astaná.

El territoriu de Kazahstán estuvo habitáu tradicionalmente por tribus nomadismu|nómades. La situación camudó nel sieglu XIII, cuando Genguis Ḥan ocupolu y convirtiolu en parte del Imperiu mongol. Sicasí, tres de diverses lluches intenstines ente los ocupantes, el poder volvió a les tribus nómades que, pal sieglu XVI, teníen organizáose nún pueblu nuevu, el kazaxu, dividíu en trés jüz que se repartíen el territoriu. Los rusos aportaron al territoriu nel sieglu XVIII. Comenzaron entóncenes el so avance pola estepa kazaxa, de forma que pa mediaos del sieglu XIX Kazakhstán yá yera parte del Imperiu rusu. Tres de la Revolución rusa de 1917, y la guerra civil que la siguió, el territoriu foi reorganizáu alministrativamente varies veces, hasta qu'en 1936 convirtiose na República Socialista Soviética Kazaxa, una de les que formaben la Xunión Soviética.

Kazahkstán foi una de les caberes repúblicas soviéticas en declarase independiente tres de la disolución de la Xunión Soviética en 1991. El so presidente, Nursultan Nazarbayev, tien síolo de magar, y ye un gobernante autoritariu con un gran historial de falta de respetu polos derechos humanos y de supresión de la oposición política. Human Rights Watch diz[4]qu'el país "llimita seriamente la llibertá de reunión, espresión y relixón", y otres organizaciones de derechos humanos califiquen habitualmente la situación d'estos nel país como "probe".

Los 131 grupos étnicos del país inclúin a los kazaxos (63% de la población), los rusos, los uzbekos, los ucranios, los alemanes, los tártaros y los uigures, ente más otros. L'Islam ye la relixón del 70% de la población, mentantu que los cristianos son el 26% nesti país nel qu'oficialmente hai llibertá relixosa pero nel que los cabezaleros relixosos que s'oponen al gobiernu son represaliaos. El kazakhstanín ye la llingua oficial, magar qu'el rusu tien un estatus oficial equivalente en tolos niveles de l'alministración y pa les rellaciones esteriores del país[5].


Referencies[editar | editar la fonte]


Países d'Asia
Afghanistán | Arabia Saudita | Armenia | Azerbaiján | Bahrain | Bangladesh | Brunéi | Bhután | Camboya | China | Corea del Norte | Corea del Sur | Emiratos Árabes Xuníos | Filipines | India | Indonesia | Iraq | Irán | Israel | Kazakhstán | Kuwait | Laos | El Líbanu | Malasia | Maldives | Mongolia | Myanmar | Nepal | Omán | Pakistán | Qatar | Kirguistán | Rusia | Singapur | Siria | Sri Lanka | Thailandia | Tajikistán | Timor Oriental | Turkmenistán | Uzbekistán | Vietnam | Xapón | Xeorxa | Xordania | Yemen


Icono de esbozo
Esti artículu ye un entamu. Puedes ayudar a la Wikipedia n'asturianu ampliándolu.


Bandera de la OCI Organización pa la Cooperación Islámica Bandeira de la OCI
Afghanistán | Albania | Arabia Saudita | Arxelia | Azerbaiján | Bahrain | Bangladesh | Benín | Brunéi | Burkina Faso | Camerún | Chad | Costa de Marfil | Djibouti | El Líbanu | Emiratos Árabes Xuníos | Exiptu | Gabón | Gambia | Guinea | Guinea-Bissau | Guyana | Indonesia | Irán | Iraq | Kazakhstán | Kirguistán | Kuwait | Islles Comores | Libia | Malasia | Maldives | Mali | Marruecos | Mauritania | Mozambique | Níxer | Nixeria | Omán | Palestina | Pakistán | Qatar | Senegal | Sierra Leone | Siria |Somalia | Sudán | Surinam | Tajikistán | Togo | Túnez | Turkmenistán | Turquía | Uganda | Uzbekistán | Xordania | Yemen

Países observadores: Bosnia y Hercegovina | República Centroafricana | República Turca de Xipre del Norte | Thailandia | Rusia