Marruecos

De Wikipedia
Saltar a: navegación, buscar
Marruecos
المملكة المغربية
Al-Mamlaka Al-Magribiyya
Morocco WS-included (orthographic projection).svg
Flag of Morocco.svg Coat of arms of Morocco.svg
Bandera de Marruecos Escudu de Marruecos
Lema nacional Allāh, al-Watan, al-Malik
(árabe: «Dios, Patria, Rei»)
Himnu nacional Hymne Chérifien
Alministración
Nome oficial Marocco
المملكة المغربية
Capital Rabat
Rei de Marruecos Mohamed VI de Marruecos
Primer Ministru de Marruecos Saadeddine Othmani
Llingües oficiales Árabe, Standard Moroccan Tamazight y Tamazight language
División
Xeografía
Coordenaes 32°N 6°O / 32, -6Coordenaes: 32°N 6°O / 32, -6
LocationMorocco3.svg
Superficie 446550 km² (puestu 40)
% agua 0,056
Llenda con Arxelia, Mauritania, España, Xunión Europea y Dictadura franquista
Puntu más altu Monte Tubqal
Demografia
Población 33 008 150 hab. (2013)
Densidá 73,92 hab/km²
Economía
Moneda Dírham marroquí
PIB nominal 110 009 040 838 (2014)
PIB per cápita 2878,2
Más información
Dominiu d'Internet .ma
Códigu telefónicu +212
Códigu ISO 504 / MAR / MA
Estaya horaria UTC±00:00 y UTC+01:00
Cambiar los datos en Wikidata

Marruecos (n'árabe المغرب, al-Maghrib, El Oeste; en bereber ⵍⵎⴰⵖⵔⵉⴱ, Lmaɣrib; y en francés Maroc), oficialmente conocíu como Reinu de Marruecos (n'árabe المملكة المغربية, al-Mamlakah al-Maghribiyah, El Reinu del Oeste; y en bereber ⵜⴰⴳⵍⴷⵉⵜ ⵏ ⵍⵎⴰⵖⵔⵉⴱ, Tageldit n Lmaɣrib) ye un país africanu del Magreb, a la vera del océanu Atlánticu y del mar Mediterraneu. Alcuéntrase separtáu d'Europa pol estrechu de Xibraltar y llenda al este con Arxelia y pel sur col territoriu ocupáu del Sáhara Occidental. Amás, tien llendes colas ciudaes autónomas españolas de Ceuta y Melilla (y otros territorios como el Peñón de Vélez de la Gomera, el Peñón d'Alhucemas o les Islles Chafarines). Xeográficamente, la so costa, que mira al océanu Atlánticu y al mar Mediterraneu, ye rectillínia, mentantu qu'el interior del país ye enforma montañosu y una fastera meridional de terrenu desérticu.

Tien una estensión de 446.550 km², y una población de más de 33 millones d'habitantes. La so capital ye Rabat, y la ciudá más poblada Casablanca; otres ciudaes importantes del país son Marrakech, Tánxer, Tetuán, Salé, Fez, Agadir, Meknes, Oujda, Kenitra, y Nador. Marruecos tien sío históricamente una potencia rexonal, con una historia de sieglos d'independencia que lu estrema de los sos vecinos más prósimos. De magar la fundación del primer estáu marroquín por Idris I en 789, el país vien siendo gobernáu por una socesión de dinastíes independientes. El so periodu de mayor esllendor algamolu nel tiempu de les dinastíes almorávide (sieglu XI) y almohade (sieglu XII), nos que llegó a dominar fasteres importantes del África noroccidental y la Península Ibérica. Les dinastíes merinida (sieglos XIII-XV) y saadí (1549-1659) tuvieron que lluchar escontra los intentos d'ocupación por otros estaos, de forma que Marruecos foi l'únicu país norteafricanu que nun foi ocupáu pol Imperiu otomanu. La dinastía alauina, que reina anguaño nel país, ye la reinante nel país dende 1666. Nel sieglu XX Marruecos nun pudo evitar ser ocupáu poles potencies europees: en 1912 repartiose'l so territoriu ente Francia y España, qu'establecieron un protectoráu caúna en distintes fasteres del país, y estableciose una zona internacional en Tánxer. El país reganó la so independencia en 1956. Sicasí, dende'l puntu de vista marroquín la reintegración de la integridá territorial del país entá nun ye completa. Marruecos reclama como de so el territoriu del Sáhara occidental, qu'ocupó en 1975. Tres de lluchar contra les guerrilles saharauis hasta 1991, declarose la paz col envís de facer un referéndum que decidiera l'estatus d'esti territoriu. Nostante, esti entá nun se cellebró, y la situación ta nun caleyón xurídicu ensin salida.

El réxime políticu de Marruecos ye una monarquía constitucional, col rei como xefe del estáu con amplios poderes y un parllamentu elexíu democráticamente como cuerpu llexislativu. El rei de Marruecos tien amplios poderes executivos y llexislativos, especialmente no que cinca a l'exércitu, la política esterior y los asuntos relixosos. El poder executivu exércelu'l gobiernu, dirixíu pol primer ministru, que comparte tamién l'exerciciu del poder llexislativu coles dos cámeres del Parllamentu, l'Asamblea de Representantes y l'Asamblea de Conseyeros. El rei puede emitir decretos, nomaos dahir, que tienen fuercia de llei; y puede disolver el parllamentu tres consultar col primer ministru y el presidente del tribunal constitucional del país.

La relixón mayoritaria nel país ye l'Islam, y el bereber y el árabe son les llingües oficiales, magar que úsense abondo tamién el dialectu marroquín del árabe, nomáu dariha, y el francés. Marruecos, que tien la quinta mayor economía d'África, ye miembru de la Lliga d'Estaos Árabes, la Xunión pol Mediterraneu y la Xunión Africana.

Historia[editar | editar la fonte]

Artículu principal: Historia de Marruecos

Economía[editar | editar la fonte]

Artículu principal: Economía de Marruecos

Organización alministrativa[editar | editar la fonte]

Rexones de Marruecos

Según un decretu de febreru de 2015, Marruecos ta dixebráu en 12 rexones.[1]

Códigu xeográficu Rexón Capital
1 Tánger-Tetuán-Alhucemas Tánger
2 La Oriental Uchda
3 Fez-Mequinez Fez
4 Rabat-Salé-Kenitra Rabat
5 Beni Melal-Jenifra Beni Melal
6 Casablanca-Settat Casablanca
7 Marrakech-Safí Marrakech
8 Draa-Tafilalet Er-Rachidía
9 Souss-Massa Agadir
10 Guelmim-Oued Noun Guelmim
11 El Aaiún-Saguía el-Hamra El Aaiún
12 Dajla-Oued Ed Dahab Dajla

Les rexones dixébrense en 75 provincies y prefectures y 1503 conceyos.[2]

Enllaces esternos[editar | editar la fonte]


África
Angola | Arxelia | Benín | Botsuana | Burkina Fasu | Burundi | Cabu Verde | Camerún | República Centroafricana | Chad | Comores | El Congu | República Democrática d'El Congu | Costa de Marfil | Eritrea | Etiopía | Exiptu | Gabón | Gambia | Ghana | Guinea | Guinea-Bisáu | Guinea Ecuatorial | Kenia | Lesothu | Liberia | Libia | Madagascar | Malaui | Malí | Marruecos | Mauriciu | Mauritania | Mozambique | Namibia | Níxer | Nixeria | Ruanda | Santu Tomé y Príncipe | Seixeles | Senegal | Sierra Lleona | Somalia | Suazilandia | Sudáfrica | Sudán | Sudán del Sur | Tanzania | Togu | Tunicia | Uganda | Xibuti | Zambia | Zimbabue

Dependencies: Islles Kerguelen | Mayotte | Reunión | Sáhara Occidental | Socotra | Tromelin

Bandera de la OCI Organización pa la Cooperación Islámica Bandeira de la OCI
Afganistán | Albania | Arabia Saudita | Arxelia | Azerbaiján | Bahrain | Bangladex | Benín | Brunéi | Burkina Fasu | Camerún | Chad | Comores | Costa de Marfil | El Líbanu | Emiratos Árabes Xuníos | Exiptu | Gabón | Gambia | Guinea | Guinea-Bisáu | Guyana | Indonesia | Irán | Iraq | Kazakhstán | Kirguistán | Kuwait | Libia | Malasia | Maldives | Malí | Marruecos | Mauritania | Mozambique | Níxer | Nixeria | Omán | Pakistán | Palestina | Qatar | Senegal | Sierra Lleona | Siria | Somalia | Sudán | Surinam | Taxiquistán | Togu | Tunicia | Turkmenistán | Turquía | Uganda | Uzbequistán | Xibuti | Xordania | Yeme

Países observadores: Bosnia y Hercegovina | República Centroafricana | Rusia | Tailandia | República Turca de Xipre del Norte


Icono de esbozo
Esti artículu ye un entamu. Pues ayudar a la Wikipedia n'asturianu ampliándolu.
  1. «Marruecos». Madrid: Ministeriu d'Asuntos Esteriores d'España (abril de 2016). Consultáu'l 4 de xineru de 2017.
  2. «El sistema de descentralización y'l procesu de rexonalización en Marruecos». Consultáu'l 4 de xineru de 2017.