Península Ibérica
La Península Ibérica ta asitiada al suroeste del continente européu y nella alcuéntrense los territorios continentales de los Estaos d'España (menos el Valle d'Arán, cuyes agües vierten al Garona), Portugal y Andorra y el territoriu de Xibraltar (Reinu Xuníu).
El so nome vien del ríu Íber, probatiblemente l'Ebru d'anguañu o ye probatible que fuera'l Guadalquivir o otru ríu de la rexón de Huelva onde testos antiguos citen un ríu Iberus y un pueblu al que llamen iberos. Los griegos taben acostumbrados a nomar a la península Iberia.
Lo so frontera ñatural col restu'l continente ye la cordillera pirenaica y alcuéntrase arodiada polos mares Cantábricu (norte) y Mediterraneu (este y sur) y pol Océanu Atlánticu (oeste).
Xeolóxicamente tien como característica especial que la mayor parte de la so superficie continental ta configurada como una meseta cuasi completamente llana a una altura de 600 metros sobre'l nivel del mar, el so llitoral norte, noroeste y oeste ye rocosu y con acantilaos, siendo el llitoral este, sureste y sur más suave, con continues sableres.
Puntos estremos[editar | editar la fonte]
- Puntu más al sur: punta de Tarifa.
- Puntu más al norte: punta Estaca de Bares.
- Puntu más al este: cabu de Creus.
- Puntu más al oeste: cabu de la Roca.
- Puntu más fondu: Torca del cuetu del Cuevón (-1589 msnm).
- Puntu más altu: Mulhacén (3482 msnm).
- Temperatura más alta: 51 Cº en Sevilla, 30 de xunetu de 1876.
- Temperatura más baxa:-32 Cº nel llagu Estangento, Lérida, el 2 de febreru de 1956.